|
|
Все статьи
11 октября, 2021 - 13:45
Тышына кетип, анда ишлеген жашларыбыз, къызларыбыз кюнден-кюннге кёпден-кёп бола барадыла. Аланы араларында кеслерине, миллетибизге да ариу айтдыргъанла бардыла.
10 октября, 2021 - 12:23
Абадан тёлю биз сукъланып къарайбыз озгъан жыллагъа. Эллерибизде колхозла, совхозла болгъан кезиулеге. Ара мюлкде элни кёбюсю жубана эди. Бир къаууму сабанлада будай, нартюх, башха мирзеу ёсдюргендиле. Сют-товар фермала, жылкъыла, къой сюрюуле бар эдиле. Алада да кёп эр киши, тиширыу уруннгандыла. Дагъыда механизаторла. Тракторчула кечеле бла сабанла сюргендиле. Иш кёп эди. Эллилеге колхозлада иш табылгъанды.
10 октября, 2021 - 10:21
…Ариу жарыкъ кюн. Люба арбазда ойнайды. Таза, насыплы къарамы бла эшикге чыкъмагъан тенг къызларын излейди. Бир кесекден ала да чыгъадыла, бирча жыйрыкъла кийип, чачларына акъ тасмаланы эшип эм къолларына гюл къысымла алып, аналары бла къайры эсе да барадыла. Люба, кёз жашларын тыялмагъанлай, чабып юйге кирип, анасына: «Ала къайры барадыла?» -деп сорады. Анасы аланы школгъа тебирегенелерин, анда окъургъа, жазаргъа, санаргъа юйретгенлерин ангылатады.
10 октября, 2021 - 09:16
Къабарты-Малкъарда библиотека системаны къуралыуууна, айныууна да уллу юлюш къошхан, КъМР-ни культурасыны сыйлы къуллукъчусу Машукова Людмила, Кючюкланы Магометни къызы, бу кюнледе юбилейин белгилейди.
9 октября, 2021 - 13:15
Уллу Ата журт урушну ветераны, Черек муниципал районну сыйлы инсаны Улбашланы Чокканы жашы Хусей жашагъан юйню къабыргъасына аны аты жазылгъан эсгертиу мермер къаннга орнатылгъанды. Бу ишни районну ветеранларыны совети, Сауутланнган кючлени запасдагъы офицерлерини «Мегапир» Миллет ассоциациясы тамамлагъандыла.
9 октября, 2021 - 12:08
1942 жылда совет аскер башчыла бир ненча жангылыч этгендиле. Уруш башланнган кезиуде Москваны, Елецни, Ростовну къоруулауда жетишимлеге асыры бек базынып, немисли аскерле къышда къазауат бардырыргъа хазыр тюйюлдюле деп, аланы кючлерине терс багъа берген эдиле.
9 октября, 2021 - 10:04
Бу кюнледе Нальчикде «Къурулушчу», гуманитар-техника, «Призвание», женгил промышленность, автомобиль-жол колледжледе эмда Къабарты-Малкъар къырал университетде да «Ворлдкиллс Россия» союзну «Жаш профессионалла» деген бешинчи регионла аралы чемпионаты бардырылгъанды.
9 октября, 2021 - 09:03
КъМР-ни Эл мюлк министерствосундан билдиргенлерича, быйылгъы жыл башланнганлы «Агропромышленный комплексни продукциясыны экспорту» регион эм «Халкъла аралы кооперация эм экспорт» миллет проектлеге кёре республиканы эл мюлк чыгъарыучулары жауун халда суу сугъаргъан 41 машина алгъандыла. Аны себеплиги бла 4,1 минг гектар чакълы жерде мелиорацияны хайырланырча болгъанды.
8 октября, 2021 - 18:29
КъМР-ни Башчысы Казбек Коков эл мюлк бёлюмде ишлегенлени Къабарты-Малкъар Республиканы къырал саугъалары бла белгилеуню юсюнден указгъа къол салгъанды.
Эл мюлкню айнытыугъа уллу къыйын салгъанлары эм кёп жылланы бет жарыкълы уруннганлары ючюн «Къабарты-Малкъар Республиканы эл мюлкюню сыйлы ишчиси» даражалы ат чекленнген жууаплыгъы болгъан «Восход» биригиуню генеральный директору Олег Кеферге, энчи предприниматель, крестьян (фермер) мюлкню таматасы Салим Небежевге, Урван муниципал районну жер-жерли администрациясыны башчысыны орунбасары Жираслан Тхостовха берилгенди.
8 октября, 2021 - 18:29
Кёп болмай Россейни МВД-ны КъМР-де ич ишлерини министри полицияны генерал-майору Василий Павлов штабны бёлюмлерини сотрудниклерин профессионал байрамлары бла алгъышлагъанды. Аны юсюнден бизге сагъынылгъан министерствону пресс-службасындан билдиргендиле.
8 октября, 2021 - 18:15
Аз-аздан тышында хауа сууукъ бола барады, къыш келгени бла уа 0 градусдан энишге тюшерикди. Сууукълагъа, къар жаууп башланырыгъына хар ким да кесин хазырлайды, юс кийимлерин алышады, юйню жумушларына да къарайды. Алай бу кезиуде автомашинагъа да эс бурургъа кереклисин а кёпле биле да болмазла. Техникагъа уа, хар негеча, заманында тынгылы къараргъа керекди. Ол бузулмай ишлеп турурча, къыш келирни аллында къаллай жумушларын тындырыргъа тийишлисин айтайыкъ.
8 октября, 2021 - 18:08
1941 жылны кюзюнде фашист аскерле Москвагъа къаршы жууукълашхандыла. Къыралны ара шахарын къорууларгъа Узакъ Востокдан, Орта Азиядан, Сибирьден эм союз республикаладан аскер биригиуле келгендиле. Аланы санында Алма-Атада къуралгъан, генерал-майор Иван Васильевич Панфилов башчылыкъ этген 316-чы жаяу аскер дивизия да болгъанды. Анга къазахлы жашла кёп санда киргендиле. Дивизия ара шахарыбызгъа ёшюн ургъан айырмалы гитлерчи аскер биригиулеге къажау тургъан 16-чы армиягъа къошулгъанды. Аны башчысы уа аты дуниягъа белгили Рокоссовский эди.
8 октября, 2021 - 16:15
Элбрус районнга иш бла барыууну чегинде Къабарты-Малкъарны Башчысы Казбек Коков жангы тау-лыжа кезиуню аллына турист инфраструктураны хазырлылыгъына къарагъанды.
Элбрус муниципал районну жер-жерли администрациясыны таматасы Сотталаны Къурман эм «Шимал Кавказны курортлары» АО-ну генеральный директору Беккаланы Хыйса бла бирге Башчы ол санда къошакъ парковка жерлени къурарча майданлагъа эм туристлени къоркъуусузлукъларын жалчытхан жаяу жолчукъланы жарашдырырча жерлеге къарагъанды.
8 октября, 2021 - 16:07
Къабарты-Малкъар Республиканы Башчысы Казбек Коков Нальчик шахар округну жер-жерли администрациясыны таматасы Таймураз Ахохов эм «Водоканал» МУП-ну директору Анзор Жанказиев бла ишчи тюбешиу бардыргъанды. Аны чегинде Нальчик шахар округну суу бла жалчытыу соруула сюзюлгендиле, бу жаны бла жерлерин табып тургъан жарсыуланы, республиканы ара шахарыны суу бла жалчытыу системасыны игилендириуню юсюнден айтылгъанды.
8 октября, 2021 - 16:00
Республиканы Спорт министерствосу билдиргеннге кёре, бу кюнледе Усть-Лабинск шахарда картингден Россейни Кубогу ётгенди. Анга беш къауум къатышханды: «Мини» (8-11 жыл), «Кадет» (10-13 жыл), «Супермини» (10-13 жыл), «ОК-junior» (12-15 жыл) эм «Миллет-юниор» (12-15 жыл).
8 октября, 2021 - 15:55
Алгъаракълада Къабарты-Малкъарда саулукълары бла байламлы чекленнген онглары болгъанланы арасында «Абилимпикс-2021» профессионал усталыкъдан Россей даражалы чемпионатны бешинчи регион уруму озгъанды. Бу жол аны «студент», «школчу» эмда «специалист» деген категорияларында оналты бёлюмюнде (компетенцияларында) 80 адам къатышып, кеслерини хунерлерин кёргюзтгендиле. Сёз ючюн, ала медицина, кийим тикген, къурулуш, окъутуу, дизайн, робототехника, социал иш жаны бла да билимлерин ачыкълагъандыла.
8 октября, 2021 - 15:52
«Россети Шимал Кавказ» компанияны специалистлери Элбрус районда электрокюч комплексни къышха тынгылы хазырлагъандыла. Белгилисича, электрокюч оборудование сууукълада къыйыныракъ ишлейди. Бу тийреде уа альпинизмге эмда туризмге уллу магъана берилгени себепли, ол бютюнда ышаннгылы болургъа керекди.
8 октября, 2021 - 15:43
Къудайланы Тамукну жашы Ахмат Кавказны гитлерчиледен азатлагъан батыр аскерчиледен бириди. Кавказ ючюн сермеш Уллу Ата журт урушда немислилени алгъа барыуларын тыяргъа онг бергенди, алай бла уа саулай къазауатны барыуун сындыргъанды. Тарыхчыланы оюмларына кёре, бу сермешде Совет Союз къытдырса, Уллу Ата журт уруш къалай бошаллыгъын айтхан да къыйынды. Бу къазауат 1942 жылда 25 июльда башланып, 1943 жылда 9 октябрьде бошалгъанды.
8 октября, 2021 - 15:36
КъМР-ни Башчысы Казбек Коков бла Элбрус тау-магъадан комбинатны баш директору Игорь Ушаков Тырныауузда вольфрам-молибден магъаданны къазыу эмда жарашдырыу жаны бла инвестиция проектни толтуруп башлауну къабыл кёргендиле. Къурулуш майданда тау-магъадан комбинатны сюеу жаны бла ишле башланнгандыла.
8 октября, 2021 - 11:31
Элни, тукъумну, миллетни да атын ариу бла айтдыргъанла кёпдюле жамауатда. Кёнделен эл да аллай адамла бла байды. Бирде алай сагъыш этеме, ала Чегем ауузундан, Бахсандан келип къурагъандыла жангыдан кёп кере жашауу ёчюлген элни. Алай келип, жангы жерде орналып, тамыр иер ючюн таукеллик, кишилик, тирилик да керекдиле. Бу ышанла уа хар кимде да табылып бармайдыла. Кеслерине ийнаныулары, талпыныулары бла аламат таулу эл къурагъан аталарына ушагъандыла аланы ызларындан келгенле.
Страницы
|
