Казбек Коков Къоркъуусузлукъ жаны бла координация кенгешни ишине къатышханды

КъМР-ни Башчысы Казбек Коков Къоркъуусузлукъ жаны бла координация кенгешни Пятигорскда Рф-ни Президентини СКФО-да толу эркинликли келечиси Юрий Чайканы башчылыгъы бла видеоконференция халда бардырылгъан жыйылыууна къатышханды. Анда Шимал-Кавказ федерал округну регионларында миллет проектлени толтуруу къалай баргъанына къаралгъанды.

Жыйылыуну ача, Юрий Чайка РФ-ни Президентини «Россей Федерацияны 2024 жылгъа дери айнытыуну миллет муратларыны бла стратегия борчларыны юсюнден» 2018 жылда 7 майда чыгъарылгъан 204-чю номерли Указына тийишлиликде 12 миллет проект бла комплекс план жарашдырылгъанларын эсгертгенди. Аланы баш мураты – Россейни илму-техника эмда социал- экономика жаны бла айныуунда алгъа терк окъуна уллу атлам этиудю, халкъны жашау къолайлыгъын кётюрюудю, хар адамгъа да фахмусун ачыкъларча, аны хайырланырча онгла къурауду.

Жыйылыуну ахырында полпред, миллет проектлени толтурууда коорупциялы ишлеге арталлыда жол бермезге кереклисин чертип, тийишли буйрукъла бергенди, деп билдиргенди РФ-ни Президентини СКФО-да толу эркинликли келечисини аппаратыны пресс-службасы.