|
Политика
8 октября, 2021 - 16:15
Элбрус районнга иш бла барыууну чегинде Къабарты-Малкъарны Башчысы Казбек Коков жангы тау-лыжа кезиуню аллына турист инфраструктураны хазырлылыгъына къарагъанды.
Элбрус муниципал районну жер-жерли администрациясыны таматасы Сотталаны Къурман эм «Шимал Кавказны курортлары» АО-ну генеральный директору Беккаланы Хыйса бла бирге Башчы ол санда къошакъ парковка жерлени къурарча майданлагъа эм туристлени къоркъуусузлукъларын жалчытхан жаяу жолчукъланы жарашдырырча жерлеге къарагъанды.
8 октября, 2021 - 16:07
Къабарты-Малкъар Республиканы Башчысы Казбек Коков Нальчик шахар округну жер-жерли администрациясыны таматасы Таймураз Ахохов эм «Водоканал» МУП-ну директору Анзор Жанказиев бла ишчи тюбешиу бардыргъанды. Аны чегинде Нальчик шахар округну суу бла жалчытыу соруула сюзюлгендиле, бу жаны бла жерлерин табып тургъан жарсыуланы, республиканы ара шахарыны суу бла жалчытыу системасыны игилендириуню юсюнден айтылгъанды.
8 октября, 2021 - 15:36
КъМР-ни Башчысы Казбек Коков бла Элбрус тау-магъадан комбинатны баш директору Игорь Ушаков Тырныауузда вольфрам-молибден магъаданны къазыу эмда жарашдырыу жаны бла инвестиция проектни толтуруп башлауну къабыл кёргендиле. Къурулуш майданда тау-магъадан комбинатны сюеу жаны бла ишле башланнгандыла.
7 октября, 2021 - 17:21
Къабарты-Малкъарны Башчысы Казбек Коков республиканы тийресинде коронавирус жукъгъан аурууну жайылыууна къажау чеклениу амалланы кючлендириуню юсюнден указгъа къол салгъанды. Указ 2021 жылда 11 октябрьде кючюне киреди.
7 октября, 2021 - 17:18
КъМР-ни Башчысы Казбек Коков Къоркъуусузлукъ жаны бла координация кенгешни Пятигорскда Рф-ни Президентини СКФО-да толу эркинликли келечиси Юрий Чайканы башчылыгъы бла видеоконференция халда бардырылгъан жыйылыууна къатышханды. Анда Шимал-Кавказ федерал округну регионларында миллет проектлени толтуруу къалай баргъанына къаралгъанды.
6 октября, 2021 - 20:29
КъМР-ни Башчысы Казбек Коков кезиулю «муниципал сагъатны» бардыргъанды. Анда республиканы социал-экономика айныууну 9 айгъа эсеплери чыгъарылгъандыла, федерал эмда республикалы проектле бла программала къалай толтурулгъанларына къаралгъанды эмда коронавирус инфекцияны жайыла барыууна къажау мадарла белгиленнгендиле.
5 октября, 2021 - 14:18
Къабарты-Малкъар Республиканы Башчысы Казбек Коков кесини коллегасын Адыгея Республиканы Башчысын Мурат Кумпиловну эмда Адыгеяда жашагъанланы республика къуралгъаны бла алгъышлагъанды.
«Жюрегими теренинден регионну Башчысын Мурат Каральбиевич Кумпиловну эм Адыгеяда жашагъанланы белгилерча кюн бла-республика къуралгъанлы 30 жыл толгъаны бла алгъышлайма. Бу байрам Адыгеяны кеси алына Россей Федерацияны толу эркинликли келечиси болгъаны бла байламлы ётген жолун кёргюзтеди», - деп жазгъанды Казбек Коков Инстаграмны кесини энчи бетинде.
4 октября, 2021 - 19:59
Регионланы коронавирус инфекциягъа къажау хакъсыз дарманла бла жалчытыугъа деп 5,1 миллиард сомдан аслам бёлюнюрюкдю.
Къабарты-Малкъар ол жумушлагъа деп 27 миллион сом аллыкъды. Аны юсюнден Россей Федерацияны Правительствосуну Председатели Михаил Мишустин тийишли бегимге къол салгъанды.
Ахча Правительствону къыстырыкъ фондундан бёлюнюрюкдю. Аны хайырындан бир миллион бла жарым адамны дарманла бла жалчытыргъа онг боллукъду.
4 октября, 2021 - 19:29
Къабарты-Малкъарны Башчысы Казбек Коков эм Ростуризмни таматасы Зарина Догузова республиканы турист бёлюмюню келечилери бла жолукъгъандыла. Тюбешиу «Азимут» къонакъ юйню майданында къуралгъанды эм анга гостиничный, экскурсионный, ресторан бизнесни, ассоциацияланы, профессионал биригиулени келечилери жыйылгъандыла. Тюбешиуге КъМР-ни курортла эм туризм министри Мурат Шогенцуков, Нальчик шахар округну жер-жерли администрациясыны таматасы Таймураз Ахохов да къошулгъандыла.
Страницы
|