Политика

КъМР-ни Башчысы Казбек Коков Къабарты-Малкъарны Правительствосу бла кенгеш бардыргъанды. Анда республиканы социал-экономика айныууну быйылны 9 айына эсеплери чыгъарылгъандыла.

КъМР-ни Башчысы Казбек Коков Къабарты-Малкъар Республиканы Жаш тёлю правительствосуну жангы къауумуну жыйылыуун бардыргъанды. Анга КъМР-ни Правительствосуну Председатели Мусукланы Алий, министерстволаны башчылары, Жаш тёлю правительствону къаууму да къатышхандыла.

Къабарты-Малкъарны Башчысы Казбек Коков беларус делегацияны таматасы болуп келген Беларусь Республиканы информация министри Владимир Перцов бла ишчи тюбешиу бардыргъанды. Былтыр Беларусьну бла Россейни регионларыны жетинчи форумунда Къабарты-Малкъар Республиканы бла Беларусь Республиканы араларында байламлыкъланы юсюнден келишимге къол салыннганды, жолоучулукъ аны жашауда бардырыуну чеклеринде къуралгъанды.
 

Къабарты-Малкъар Республиканы Башчысы Казбек Коков тёрели «муниципал сагъатны» бардыргъанды. Анга КъМР-ни Правительствосуну Председатели Мусукланы Алий, аны орунбасары Марат Хубиев, КъМР-ни къурулуш эм жашау журт-коммунал мюлкню министри Алим Бербеков, КъМР-ни саулукъ сакълау министри Рустам Калибатов, муниципал къуралыуланы администрацияларыны таматалары къатышхандыла.

Беларусь Республиканы делегациясыны Къабарты-Малкъаргъа келиуюню чеклеринде КъМР-ни Башчысы Казбек Коков эм Беларусьну информация министри Владимир Перцов Чегем районнга баргъандыла. Анда Казбек Коков бла делегацияны келечилери «Махтаулукъну ёмюрлюк оту» мемориалгъа гюлле салгъандыла, Уллу Ата журт урушда жоюлгъан аскерчилени хурметлерин кёргендиле: 1942 жылда октябрьде, 79 жыл мындан алгъа, Къабарты-Малкъарда немис-фашист ууучлаучула бла къаты сермешле баргъандыла.

Къабарты-Малкъар Республиканы Башчысы Казбек Коков Майский шахарны битеулю билим берген школуну ингилиз тилден устазы Карина Кушхова бла тюбешгенди, ол быйыл октябрьде «Жылны устазы-2021» Битеуроссей эришиуню лауреаты болгъанды, Россейни 15 эм иги устазыны санына къошулгъанды. Тюбешиуге КъМР-ни жарыкъландырыу, илму эм жаш тёлюню ишлери жаны бла министри Анзор Езаов да къатышханды.

КъМР-ни Башчысы Казбек Коков 2022 жылда бардырыллыкъ Къабарты-Малкъар Республиканы къуралыууну 100-жыллыкъ байрамына хазырланыу жаны бла къурау комитетни жыйлыуун бардыргъанды.

КъМР-ни Башчысы Казбек Коков Къабарты-Малкъарда Коронавирус инфекциягъа къажау мадарланы толтуруу эмда аны жайыла барыуун тыйыу жаны бла оператив штабны жыйылыуун видеоконференция халда бардыргъанды.

Казбек Коков Шимал-Кавказ федерал округну регионларыны экономикаларын айнытыуну амалларын жарашдырыугъа аталгъан кезиулю кенгешге къатышханды. Аны Россейни Правительствосуну Председателини орунбасары Александр Новак бардыргъанды.

Россей Федерацияны Шимал-Кавказ федерал округда толу эркинликли келечиси Юрий Чайка СКФО-да Белгили этмей ишлеуню азайтыу эм урунуу байламлыкъланы ачыкълау ведомствола аралы комиссияны биринчи жыйылыуун бардыргъанды. Анга Къабарты-Малкъарны Башчысы Казбек Коков да къатышханды.