Право низамны сакълаучу органлада къуллукъ борчларын толтура тургъанлай ёлгенлени эсгериуню кюнюКъабарты-Малкъар Республиканы Башчысы К.В. Коковну Право низамны сакълаучу органлада къуллукъ борчларын толтура тургъанлай ёлгенлени эсгериуню кюню бла байламлы обращениясы. Къабарты-Малкъарны хурметли жамауаты! 13 октябрьде Къабарты-Малкъар право низамны сакълаучу органлада къуллукъ борчларын толтура ёлгенлени эсге тюшюреди, алагъа баш урады. Календарьгъа ол ачыулу кюн Нальчикде болгъан къаугъаладан сора жазылгъанды. Ол заманда республикабызны ара шахарына сауутланнган чабыууллукъ этилгенди эмда террористлени къолларындан кёп адам ёлгенди, ол санда право низамны сакълаучуладан 35-си, мамыр адамладан да 14-сю. Право низамны сакълаучу органлада къуллукъ этгенле ол заманда алай жигитлик, кишилик да эди, ёлгенле андан да кёп боллукъларын ангыларгъа керекди. Аны себепли бизни борчубуз – аланы къыйынларын унутмау бла бирге, аллай кюйсюзлюк энди бир заманда да этилмез ючюн къолубуздан келгенни аямазгъады. Аны ючюн а биз терроризмге бла экстремизмге къажау бирча сюелирге керекбиз. Бирге болсакъ, бириксек, Къабарты-Малкъарны халкъларыны заман бла сыналгъан адет-тёрелерин, адеп-къылыкъ хазналарын сакълаяллыгъыбызгъа, туугъан республикабызны мамырлыкъда айный барыуун жалчыталлыгъыбызгъа ишексизме.
Поделиться:
Читать также:
28.03.2024 - 08:05 →
Къабарты-Малкъар Республиканы Башчысы К.В.Коковну Малкъар халкъны жангырыууну кюню бла алгъышлауу
27.03.2024 - 15:38 →
Жамауатны жанындан ышаныулукъ уллу болгъаныны белгисиди
23.03.2024 - 19:28 →
Казбек Коков Красногорскде ажымлы ёлгенлеге деп этилген мемориалгъа гюлле салгъанды
23.03.2024 - 19:25 →
КъМР-де адамла аслам жыйылгъан мероприятияла болжаллы халда бардырыллыкъ тюйюлдюле
23.03.2024 - 04:48 →
Казбек Коков «Крокус Сити» концерт залда ёлгенлени юйюрлерине къайгъы сёз бергенди
|