Абадан адамгъа жашау этерге керекли ахчаны эм аз ёлчемине къошулгъанды

   РФ-ни Пенсия фондуну республикада бёлюмюнден билдиргенлерине кёре, 2019 жылны биринчи январындан башлап пенсиячыгъа жашау этерге керекли ахчаны эм аз ёлчеми 8846 сом болады. 
   Ишлемеген пенсиячыны айгъа файдасын тергегенде бу тёлеуле эсге алынадыла:
   -  пенсиясы;
   - къошакъ этилген мюлк (социал) болушлукъ;
   - ай сайын берилиучю тёлеуле, ол санда социал жумушланы къаууму да;
   - законодательствогъа тийишлиликде этилген башха тюрлю болушлукъ (бир кереге берилип къалгъан ахча тёлеуле саналмайдыла). 
   Федерал къошакъ ахча (ФСД) тёлеуню алыр ючюн, пенсиячы ишден кетгенини юсюнден урунуу китапчыгъын кёргюзтюрге керекди, энчи преприниматель болуп тургъан эсе уа – налог службадан ишин тохтатханыны юсюнден справканы. ФСД файдалары 8846 сомгъа жетмегенлеге бериледи.