|
|
Все статьи
30 августа, 2021 - 11:40
Кёп болмай КъМР-ни саулукъ сакълау министри Рустам Калибатов «Здравствуй» деген онкологиядан ауругъан саусузланы ассоциациясыны таматасы, РФ-ни Президентинде граждан обществону айнытыу эм адамны эркинлигин сакълау советини келечиси Ирина Боровова эм СКФО-да бёлюмюню башчысы, «Светлячок» онкоблогерча белигили Оксана Келехсаева бла тюбешгенди.
30 августа, 2021 - 11:37
Кёп болмай «Деловая Россия» жамауат организацияны Къабарты-Малкъарда бёлюмюнде республиканы Эл мюлк министерствосу да къатышып «тёгерек стол» болгъанды. Ол къырал программаланы чеклеринде агропромышленный комплексге къыйматлы ёнкюч бла субсидирование берилирча соруугъа жораланнганды.
30 августа, 2021 - 11:30
Кёп болмай РФ-ны МВД-сыны Къабарты-Малкъарда ёз къоркъуусузлукъ бёлюмюню оператив-излеу келечилери тинтиуле бардыргъан кезиулеринде ведомствода къуллукъ бардыргъанладан бири законнга бузукълукъ этгени ачыкъланнганды.
30 августа, 2021 - 10:23
Гуртуланы Бертни къызы Марьям Къабарты-Малкъарны жамауатына, андан кенглеге да илму ишлери бла, атасыны юсюнде этген асыл жумушлары бла белгилиди.
30 августа, 2021 - 09:14
Жыл сайын, жай эм кюз арты солуу сезон жетгенлей, биркюнлюк турист фирмала жайылып башлаучудула - ала жалгъан амалла бла, алдап, адамланы ахчаларын аладыла, экинчи кюннге уа ол ахча бла бирге жокъ болуп кетедиле. Жангыз да «Турпомощь» ассоциациягъа хар ыйыкъдан аллай компаниялагъа 3-5 тарыгъыу келеди. Бошунакъгъа къоратылгъан ахчаны сюдню юсю бла къайтарыргъа боллукъду, алай быллай фирманы алгъадан билип, андан путёвканы алмай къойгъан а тынчыракъды.
29 августа, 2021 - 13:51
Хасанияны амбулаториясында акушер-гинеколог болуп кёп жылланы ишлеген, бусагъатда уа Нальчикде 3-чю номерли поликлиникада врач болуп ишлеген Холамханланы-Къайгъырмазланы Розаны иги кесекден бери таныйма, биз шуёхлукъ жюрютебиз. Ол, баш ишинден сора да, «Радуга» реабилитация арада да сабийлеге багъады.
Розаны баш иеси, жашлары, туудукълары, уллу юйю, гюлден толу арбазы да бардыла. Жаланда бош заманы жетишмейди. Болсада ол китап окъургъа заман тапмай къалмайды.
29 августа, 2021 - 11:41
Бу сиз кёрген суратда таш Бахсан ауузундады. Мындан бара Тырныаууздан беш-алты къычырым ёрге ётюп, Огъары Бахсан элге жетмей, Бахсан черегини сол жанындады.
Бийиклиги жыйырма метрден артыкъ болур. Кеси да ортасындан эки жарылыпды. Ким биледи, къайсы ёмюрледен бери тура болур бу былайда. Жер тепгенде неда къалуубалада таудан, къаядан юзюлюп тюшгенми болур?
Ташны аллындагъы хуналаны уа таулула сюргюнден къайтхандан сора ишлегендиле. Алайда ара мюлкню къошу тургъанды. Алай ары дери былайда эски юй-журт ызла анга шагъатдыла.
29 августа, 2021 - 09:00
РФ-ни Журналистлерини союзуну келечиси, «Минги-Тау» журналны бёлюмюню редактору Байтуугъанланы Исмайыл Илму тинтиуле ючюн Жалынчакъсыз къыралланы бирлешмесини «Фахмулу жаш тёлюню халкъла аралы энциклопедиясы» «Эм ахшы студент-2021» 3-чю китап коллекциясына тюшгенди. Жаш Дербент шахарны Социал-педагогика институтун тауусханды, В.М. Коков атлы Къабарты-Малкъар аграр университетни студентиди.
29 августа, 2021 - 09:00
Чегем районда жангы теплица комплексни къурулушу башланнганды. Аны къууанчлы халда ачыу жумушха КъМР-ни Башчысы Казбек Коков, къырал ведомстволаны таматалары, башха регионладан келген къонакъла да къатышхандыла.
29 августа, 2021 - 09:00
КъМР-ни Правительствосуну председателини биринчи орунбасары Сергей Говоров бардыргъан кенгешде сёз республикада эллени газ бла жалчытыуну юсюнден баргъанды. Жыйылыугъа промышленность, энергетика эм сатыу-алыу министр Шамиль Ахубеков, «Газпром межрегионгаз Нальчик» компанияны башчысы Залим Вороков, районланы эмда шахарланы администрацияларыны келечилери да къатышхандыла.
28 августа, 2021 - 12:43
«Энтта да сейир хапарла сакълайбыз»
Малкъар газет не заманда да эсли адамларыбызны ёхтемлиги болгъанды. Ол къыралны, республиканы жашауундан толу хапар береди бизге. Ахшы адамларыбызны юсюнден, тарых жолларыбыздан а къаллай бир материал бла шагъырей этеди! Хар бир миллет да ёхтемленаллыкъ тюйюлдю быллай басма органыбыз барды деп. Мен анга бек къууанама. Бизни юйюр газетни бир номерин да къоймайбыз окъумай.
28 августа, 2021 - 11:37
Августда жаланда таулула угъай, битеу Кавказ да Отарланы тукъумларындан эки жаш адам – Алим бла Марина – башлагъан «Отар 200: бирликни тёппесине чыгъаргъа заман» деген проектлерин жашауда бардыргъанларына Инстаграмда онлайн халда «Отар тукъум» бетде къарагъанды. Анга кёре жаш адамланы къаууму Минги тауну тёппесине чыгъаргъа керек эди. Болгъанды ол огъурлу иш!
28 августа, 2021 - 10:32
Къырал Эрмитажны экспедициясы 2016 жылдан башлап Огъары Къуркъужинде буруннгу обалада къазыу ишле бардырады. Алай былтыр эпидемияны сылтауундан ишлени тохтатыргъа тюшгенди. Хал иги жанына тюзелгенлей, быйыл августда археологла бери келирге ашыкъгъандыла.
28 августа, 2021 - 09:00
Минги тауну тийресинде туризм бла байламлы объектлени къурулушлары озгъан ёмюрню алтмышынчы жылланы башында башланнгандыла. Жыйырма жылдан сора уа айырмалы проектле эмда алагъа кёре ишленнген объектле ючюн къырал саугъала берилгендиле. Алагъа тийишли болгъанланы арасында бизни республикадан Элбрусда турист-спорт комплексни ишлеуге къатышхан Борис Левич, Курданланы Жабраил, Альберт Тхакахов, Матвей Залеев, Вячеслав Нагоев, Нух Безиров да бар эдиле.
Бир кезиуде мен ала бла тюбешгенме. Ма бу материалны да аланы айтханларына, эсгериулерине кёре хазырлагъанма.
28 августа, 2021 - 09:00
КъМР-ни Билим бериу, илму эм жаш тёлюню ишлерини министерствосу «КъМР-ни билим бериу системасыны стратегия белгилери: жетишимле, проблемала, жангы онгла» деген тёрели август форумну бардыргъанды. Аны ишине республиканы Башчысы Казбек Коков, Правительствону Председатели Мусукланы Алий, Парламентни Председатели Татьяна Егорова, статс-секретарь – РФ-ни жарыкъландырыу министрини орунбасары Андрей Корнеев башха къырал къуллукъчула, район билим управленияланы таматалары, школ директорла эм устазла къатышхандыла.
27 августа, 2021 - 21:51
КъМР-ни Павительствосуну Председатели Мусукланы Алийни башчылыгъында Къабарты-Малкъар Республикада Битеуроссей жазылыугъа хазырланыу эм аны къалай бардырыллыгъына жораланып комиссияны жыйылыуу болгъанды.
27 августа, 2021 - 18:41
Россей Федерацияны Правительствосуну Председатели Михаил Мишустин къол салгъан буйрукъгъа кёре, къыралны регионларына транспорт инфраструктураны айнытыргъа къошакъ халда 8,7 миллиард сом бёлюнюрюкдю.
«Къоркъуусузлу качестволу автомобиль жолла» деген миллет проектни чеклеринде РФ-ни Правительствосу Россей Федерацияны «Транспорт системасын айнытыу» деген къырал программасыны «Регион, муниципалла аралы эм жер-жерли магъанасы болгъан автомобиль жолланы айнытыугъа себеплик» деген ведомстволу программаны чеклеринде 2021 жылда субъектлени бюджетлерине ахчала жиберилликдиле.
27 августа, 2021 - 11:19
КъМР-ни Башчысы Казбек Коков республикагъа официальный жумуш бла келген Россейни СКФО-да МВД -ны таматасы полицияны генерал-полковниги Сергей Бачурин бла ишчи тюбешиу бардыргъанды. Анга Къабарты-Малкъар Республиканы ич ишле министри Василий Павлов да къатышханды. Анда право жаны бла низамлыкъны эм байламлыкъны кючлеу соруула сюзюлгендиле.
27 августа, 2021 - 11:15
Жашау тюбешиуледен къуралгъаны баямды. Алай болмаса, бир кюнюбюз бирсине ушап, санау да эталмаз эдик. Бир-бирледе адамны таныгъан кюнюнгден окъуна багъалап башлайса. Геннадий Константинович Коммодов аллайладан эди. Кесини юсюнден хапарына тынгыласанг, озгъан ёмюрню толу бети кёз аллынга келип къалгъанды.
27 августа, 2021 - 10:51
Тюрме ведомствону эсеплерине кёре, Россейде арт жылда эркинликлери сыйырылгъан тиширыуланы саны эки мингнге азайгъанды, деп билдиредиле «Российская газетада».
Страницы
|
