Автомобиль жолланы ишлерге республикагъа къошакъ халда 710 миллион сом бёлюнюрюкдю

27 августа, 2021 - 18:41

Россей Федерацияны Правительствосуну Председатели Михаил Мишустин къол салгъан буйрукъгъа кёре, къыралны регионларына транспорт инфраструктураны айнытыргъа къошакъ халда 8,7 миллиард сом бёлюнюрюкдю.

«Къоркъуусузлу качестволу автомобиль жолла» деген миллет проектни чеклеринде РФ-ни Правительствосу Россей Федерацияны «Транспорт системасын айнытыу» деген къырал программасыны «Регион, муниципалла аралы эм жер-жерли магъанасы болгъан автомобиль жолланы айнытыугъа себеплик» деген ведомстволу программаны  чеклеринде 2021 жылда субъектлени бюджетлерине ахчала жиберилликдиле.

 Жылны ахырына дери Къабарты-Малкъар Республика регион программаны жол мюлк бёлюмде кёрюмдюлерин толтурургъа 709,6 миллион сом аллыкъды. Аны бла байламлы регион, муниципал эм жер-жерли магъанасы болгъан автомобиль эм битеу адамла да хайырланнган  жолланы  айнытыргъа эм тапландырыугъа  уллу эс буруллукъду.

 Бизни корр.

 

  • 20 просмотров
Поделиться: