|
|
Все статьи
4 сентября, 2021 - 13:19
Республиканы Къыраллыгъыны кюнюне жораланып, Нальчикни солуу паркында художниклени бла сурат алыучуланы чыгъармаларыны "Кесини ызы" деген тёрели кёрмючлери ачылгъанды. Аны КъМР-ни Культура министерствосу, республиканы Миллет музейи, Къабарты-Малкъарда суратлау искусстволаны А.Л. Ткаченко атлы музейи да къурагъандыла.
4 сентября, 2021 - 12:51
2004 жылны сентябри Шимал Осетияны бир гитче шахарыны, аны къой, саулай Россейни да жашауун тюрлендиргенди. 3 сентябрь бизни къыралгъа энчиди, эсгериуню бла бушуу этиуню кюнюдю, Терроризмге къажау кюрешни бир ниетлилигини кюню.
4 сентября, 2021 - 12:45
Къабарты-Малкъар Республиканы Къыраллыгъыны кюнюнде аны азатлыгъы ючюн жанларын-къанларын аямай сермешгенлеге баш уруу, Нальчикде солуу паркда Ёмюрлюк отха гюлле салыу ахшы тёреге айланнганды.
4 сентября, 2021 - 12:42
Республиканы Къыраллыгъыны, Нальчикни эмда Билимни кюнлерине жораланнган концертле шахарны кёп жерлеринде ётгендиле. "Восток" кинотеатрны аллында, хар замандача, "Родник" хор жырлагъанды. Жабагъы Къазаноко атлы эстетика арагъа жюрюген къызчыкъла бла жашчыкъла уа усталыкъларын Атажукъ улуну терек бахчасында кёргюзтгендиле. "Биз - Кавказны балаларыбыз! Анга кертичилебиз!" деген ат бла къуралгъан концерт программагъа къатышханла уа уста тепсегенлери эм жырлагъанлары бла къараучуланы ыразы этгендиле.
4 сентября, 2021 - 12:30
Кёп болмай, Къабарты-Малкъарны Къыраллыгъыны эм Билим бериуню кюнлерине жораланып, Чегем районда 500 окъуучугъа мектеп бла 140 сабийге садик ачылгъандыла. Социал магъаналы объектле «Билим бериу» эм «Демография» миллет проектлеге кёре ишленнгендиле.
Къууанчлы жыйылыугъа КъМР-ни Правительствосуну, Парламентини, РФ-ни Къырал думасыны депутатлары, ич ишлени келечилери эм башхала къатышхандыла.
3 сентября, 2021 - 19:18
Билимни кюнюнде Ново-Ивановское элде Шура Козуб атлы 7-чи номерли лицейни 440 жери болгъан жангы мекямыны ачылыуу болгъанды. Ол РФ-ни «Шимал-Кавказ федерал округну айнытыу» программасыны бардырылыууну чегинде ишленнгенди.
3 сентября, 2021 - 19:13
Къабарты-Малкъар Республиканы Жамауат палатасында «Терроризмге къажау кюрешде жамауатны магъанасы» деген темагъа жораланып, «тёгерек стол» бардырылгъанды.
Жамауат палатаны таматасы Хазратали Бердов белгилегеннге кёре, ючюнчю сентябрь Терроризмге къажау кюрешде бир ниетлиликни кюндю, сора Беслан шахарда болгъан бушуулу ишлени эсгериу кюнюдю. Ол заманда анда терсликлери болмагъан жюзле бла адамла ёлгендиле, асламысында, тиширыула бла сабийле.
3 сентября, 2021 - 18:53
Быйыл Нальчикни 14-чю номерли гимназиясында 1920 жаш бла къыз окъурукъду.
3 сентября, 2021 - 18:49
Хасанияны Фрийланы Рамазанны атын жюрютген 16-чы номерли школу 1 сентябрьде отуз сабийге эшигин биринчи кере ачханды.
3 сентября, 2021 - 17:09
«Россей Федерацияда къырал контрольну (надзорну) эм муниципал контрольну юсюнден» 248-чи федерал законнга кийирилген жангы излемлеге кёре, от тюшюуге къоркъуусузлукъну жалчытыу жаны бла къырал инспекторла тохташдырылгъан планнга тийишлиликде учреждениялада профилактика тинтиуле бардырыргъа борчлудула.
3 сентября, 2021 - 16:11
Элеккуланы Нюрмухамматны атын чыгъармачылыкъ бла кюрешген жаш адамла иги биледиле, таныйдыла. Жаш «Балкария» фольклор-этнография къырал тепсеу ансамбльни солистиди, «Асса-пати» тепсеу коллективни Нальчикде бёлюмюню таматасыды, Яникойну «Шаудан» сабий къауумуну башчысыды.
Нюр (анга тенглери къубултуп алай айтадыла) акъылбалыкъ болгъан кезиуюнден бери искусствогъа битеу жюреги бла берилип, бусагъатда да ол жол бла барады. Бюгюн ол ушакъ нёгерибизди.
3 сентября, 2021 - 16:08
Къабарты-Малкъарда орналгъан Россельхозбанкны бёлюмюню таматасы Алим Сокуров билдиргеннге кёре, «Кесибизде этилген аш-азыкъла» деген белгини хайырындан, фермерлеге чыгъаргъан продуктланы алыучулагъа тапдырыргъа эмда башда сагъынылгъан майданда сатыучу жер ачаргъа онг береди. Аны хайырындан, ала заказланы да ортагъа адам къошулмай алыргъа боллукъдула. Эл мюлкде уруннганла чыгъаргъан товарланы битеу къыралгъа белгили этерге, аланы сагъынылгъан майданда сатаргъа, ол жер-жерли предпринимательлеге аламат онгду.
3 сентября, 2021 - 12:52
Бизни ата-бабаларыбыз эртте заманлада ариулукъну бизден эсе бек да, тюз да ангылагъандыла. Ол затны биз эски суратлада кёрюрге боллукъбуз. Эслеймисиз, къаллай омакъ адамла, къаллай ариу бетле къарайдыла бизге аладан?
3 сентября, 2021 - 11:27
Бу кюнледе РФ-ни УФСИН-ини Къабарты-Малкъарда 4-чю номерли тюзетиучю колониясында ачыкъ эшиклени кюню бардырылгъанды. Ары тутмакъда тургъан онеки тиширыуну жууугъу, ахлусу келгендиле, аланы араларында аналары, баш иелери, сабийлери да бар эдиле.
2 сентября, 2021 - 14:36
РФ-ни Федерация Советини Федеральный Жыйылыууну Председатели Валентина Матвиенко Къабарты-Малкъарны Башчысы Казбек Коковну, КъМР-ни Парламентини таматасы Татьяна Егорованы эм Къабарты-Малкъарда жашагъанланы Къыраллыкъны кюню бла алгъышлагъанды, деп билдиргендиле Федерация Советни пресс-службасындан.
Алгъышлау телеграммада Валентина Матвиенко Къабарты-Малкъарны сейирлик табийгъат байлыгъы эм аламат тарых-маданият хазнасы болгъанын айтханды.
2 сентября, 2021 - 11:50
КъМР-ни Башчысы Казбек Коков бир-бир промышленность эм эл мюлк предприятиялада ишчи тюбешиуле бардыргъанды, андан сора да, жоллада къурулуш ишле къалай баргъанына къарагъанды. Жолоучулукъда республиканы оноучусуну биргесине КъМР-ни Правительствосуну Председателини биринчи орунбасары Сергей Говоров, эл мюлк министр Хасан Сижажев, транспорт эм жол мюлк министр Аслан Дышеков, муниципалитетлени администрацияларыны башчылары болгъандыла.
2 сентября, 2021 - 11:10
Онтогъузунчу ёмюрню экинчи жарымында Малкъаргъа бир тюрлю бир жумуш бла келген россейли жолоучула, араларында белгили алимле, тарыхчыла, этнографла, картографла, адабиятчыла, композиторла, биологла да, кёп болгъандыла. Келгенлени барысына да Бахсан ауузунда Орусбийланы Мырзакъулну жашы Исмайыл къонакъбайлыкъ этгенди.
2 сентября, 2021 - 10:59
Алгъын таулуланы таула бла, тёгереклеринде табийгъат бла байламлыкълары бек къаты болгъанды. Кырдыкладан чайла ол эртте заманладан келедиле. Туристле да тау элледе аш–суу жерледе кырдык чайны излейдиле: анда тауланы ариу ийислери, табийгъат татыу табадыла. Алай тёрели чай да аш отоуну бийлегени баямды.
2 сентября, 2021 - 09:23
Биринчи сентябрьде Къабарты-Малкъар Къыраллыгъыны кюню бла бирге Билимни кюнюн да белгилегенди.
Сентябрьни биринчи кюнюнде школлада парталаны артларына биринчи классха баргъан 12 500 сабий олтургъанды. Билим берген окъуу юйле ишлерин тёрели халда башлагъандыла.
2 сентября, 2021 - 09:08
Кёпле сютге жаланда сабийлеге тап келишген продуктхача къарайдыла. Тиширыула аны санны-чархны бузады деп ичмейдиле, эр кишиле да анга артыкъ уллу эс бурмайдыла. Кертисин айтханда уа, была аны къыйматлылыгъын толусунлай ангыламайдыла.
Страницы
|
