|
|
Все статьи
28 декабря, 2018 - 08:19
РусГидро компанияны Къабарты-Малкъарда бёлюмю алгъаракълада «Рождённые энергией» деген тёрели жандауурлукъ акцияны бардыргъанды. Аны кезиуюнде энергетикле Урван бла Прохладна районланы ара больницаларына жангы медицина оборудование бергендиле, деп билдиргендиле бёлюмню пресс-службасындан.
28 декабря, 2018 - 08:17
«Россейни предприниматель тиширыуларыны ассоциациясы" Битеуроссей жамауат организацияны Къабарты-Малкъарда регион бёлюмю ишини эсеплерин чыгъаргъанды. Анга аталгъан жыйылыу «Акрополь» арада бардырылгъанды.
28 декабря, 2018 - 08:12
Озгъан бараз кюн Къашхатауну кюню къууанчлы белгиленнгенди. Эллилени алгъышларгъа Черек районну администрациясыны таматасыны орунбасары Улбашланы Сахадин бла посёлканы башчысы Уяналаны Азрет келген эдиле. Ала Къашхатау иги жанына тюрлене баргъанын белгилеп, «КъМР-ни муниципал шахарларыны араларында 2017 жылда бек иги» деген атха тийишли болуп, биринчи даражалы диплом бла саугъаланнганын билдиргендиле.
28 декабря, 2018 - 08:11
Жылны ахырында Хасанияны Маданият юйюнде бет жарыкълы уруннган эллилеге байрам къурау ахшы тёреге айланнганы. Быйыл да алай болгъанды. Озгъан байрым кюн ингирликде Маданият юйню уллу залында адамла асыры кёпден, олтурур угъай да, сюелир жер окъуна жокъ эди.
Хасаниячыланы келе тургъан жангы жыл бла алгъышларгъа элни администрациясыны башчысы Азаматланы Къайсын, КъМР-ни Муслийманларыны дин управлениясыны таматасыны орунбасары Мисирланы Хызыр, КъМР-ни курортла эм туризм министрини орунбасары Суммайланы Ахмат, дагъыда башхала келген эдиле.
28 декабря, 2018 - 08:10
Къабарты-Малкъар саулукълары осал болгъанланы, сакъатланы реабилитацияларыны системасын къураргъа федерал субсидия берилген 18 регионну арасына киргенди.
28 декабря, 2018 - 08:03
Къабарты-Малкъар Республиканы Парламентини
Бегими
Къабарты-Малкъар Республиканы Парламенти бегим этеди:
1.«Къабарты-Малкъар Республиканы жарашдырыучу судьяларыны юсюнден» Къабарты-Малкъар Республиканы Законуна тюзетиуле кийириуню юсюнден» Къабарты-Малкъар Республиканы законуну сюзюуге Къабарты-Малкъар Республиканы Парламентини Законлукъ эмда право низам жаны бла комитети берген проектин биринчи окъулууунда къабыл кёрюрге.
28 декабря, 2018 - 08:00
КъМР-ни Къоркъуулу болумланы тохтатыу эм аланы хаталарын кетериу эмда от тюшюуден сакъланыу жаны бла комиссиясыны кезиулю жыйылыуунда Жангы жылны байрамларында эмда аладан сора солуу кезиуде социал объектле, адамла кёп санда жыйылгъан жерле жамауат тынчлыкъны жалчытыргъа къалай хазырланнганлары сюзюлгенди. Аны премьер-министрни орунбасары, инфраструктура эм цифралы айныуну министри - комиссияны башчысыны орунбасары Владимир Болотоков бардыргъанды.
26 декабря, 2018 - 10:20
Мен таулума деген, кесин чынтты малкъарлыгъа санагъан инсан ёз тилибизде чыкъгъан жангыз газетибизни, журналланы алыргъа керекди, театргъа барыргъа тийишлиди. Алай болмагъанны миллетибизни культурасындан, адет-тёресинден, бюгюннгю жашауундан ангылауу аз боллукъду. Къаллай бир миллет термиле болур быллай газетлери, журналлары болмай!
26 декабря, 2018 - 10:05
Тырныауузда жангыртыу ишледен сора Первооткрывательлени майданы кёз къууанырча омакъ болгъанды. Анда шинтикле орнатхандыла, бордюрла бла тротуар плитка салгъандыла эм тёгерек-башны жашиллендиргендиле. Кёп болмай а чыракъла бла жарытылгъан фонтанны сынау халда жиберип кёргендиле. Толу кючю бла ол жылыу келгенлей ишлеп башларыкъды.
Майданны айбатландырыу иш «Единая Россия» партияны «Шахарда болумну игилендириу» деген проектини чеклеринде бардырылгъанды. Анга къырал бюджетден юч миллион сомдан аслам бёлюннгенди.
26 декабря, 2018 - 10:00
Кёп болмай Domofond интернет-порталны экспертлери Россейде жашау этерге эм иги жер къайда болгъанын билир муратда къыралны 150 шахарында жашагъанланы араларында соруула бардыргъандыла. Алай бла рейтингге кёре, Нальчик ал он жерге чыкъгъанланы санына киргенди.
Адамла экология болумгъа, жамауат транспортну ишине, къоркъуусузлукъгъа, жолланы халине, тюкенлени бла сатыу-алыу араланы санына эм тазалыкъгъа багъа берирге керек эдиле. Анга кёре, хар ким да ондан кёп болмазча балла салгъанды. Алай бла, эсепле чыгъарылгъанларындан сора, Нальчик алтынчы жерге чыкъгъанды.
26 декабря, 2018 - 09:50
Жангы жылны байрамына халкъны асламысы бек тынгылы хазырланады. Ол кюнлеге аш-азыкъ, суула, чагъырла сатыу бютюн къаты барады. Жарсыугъа, аллай кезиуледе аманлыкъчыла да тириледиле.
26 декабря, 2018 - 09:50
Озгъан онбир айгъа организацияла бла адамла отлукъ-энергетика комплексге (ТЭК) берлик борчдан 244 миллион сомдан аслам жыйылгъанды, деп билдиргендиле Сюд приставланы федерал службасыны КъМР-де Управлениясыны пресс-службасындан.
Республиканы районларында сюд приставланы бёлюмлерини бла ТЭК-ни предприятияларыны келечилери кюн сайын рейдле бардырадыла. Аны чеклеринде ахча бералмагъанланы онбир миллион сом багъасы ырысхыларына арест салыннганды.
26 декабря, 2018 - 09:48
Нальчик шахарны мэриясы, Жангы жылны байрамын хазырлана, юйлени тышларын бек ариу жасагъан предпринимательлени араларында конкурс бардырады. Аны чеклеринде тюкенлени, кафелени, ресторанланы, салонланы тышларына бла витриналарына багъа берилликди. Аланы башхаладан эсе тап, ариу къурагъанла уа энчи саугъалагъа тийишли боллукъдула.
26 декабря, 2018 - 09:44
Кёп болмай Юг Кореяны ара шахары Сеулда илму ишлеге бла технологиялагъа жораланнган эмда аланы коммерцияда хайырланырча онг тапдыргъан «SILF-2018» - деген XIV халкъла аралы инновациялы кёрмюч-ярмарка болгъанды. Анда 31 къырал илмуну тюрлю-тюрлю бёлюмлеринден эм техникадан 640-дан аслам иш кёргюзтгендиле. Эм кёп жангычылыкъланы Юг Корея, Къытай, Малайзия, Таиланд, Иран, Египет эм Польша хазырлагъандыла.
26 декабря, 2018 - 09:40
Алгъаракълада РФ-ни МЧС-ини таматасы Евгений Зиничев ведомствону регионлада бёлюмлерини башчылары бла жылны эсеплерине жораланнган кенгеш бардыргъанды. Анга Россейни Граждан къорууланыуну ишлери, къыйын болумла эмда табийгъат къыйынлыкъланы хаталарын кетериу жаны бла министерствосуну КъМР-де Баш управлениясыны тамасы Михаил Надежин бла бирге Элбрусда излеу-къутхарыучу къауумну таматасы Гюлюйланы Абдуллах эм аны орунбасары Хаджиланы Альберт да къатышхандыла.
26 декабря, 2018 - 09:39
Жангы жылны аллында Чегем районда ёксюз эмда къарар адамлары болмагъан жыйырма тёрт сабийге фатарла берилгендиле, деп билдиргендиле муниципалитетни администрациясыны пресс-службасындан.
Ачхычланы бериу бла байламлы къуунчлы иш администрацияны юйюнде баргъанды. Анга жарыкъландырыу, илму эмда жаш тёлюню ишлери жаны бла минстр Ауес Кумыков бла Чегем районну администрациясыны башчысы Артур Текушев да къатышхандыла. Ала, жашау журтла къоллу болгъанланы алгъышлагъанларындан сора, бирге фатарлагъа къарарагъа баргъандыла.
26 декабря, 2018 - 09:38
Росгвардияны КъМР-де Управлениясыны 68 келечиси бла Звездный посёлкада аскер бёлюмню 158 къуллукъчусу, «Къанны службасы» къырал программаны чеклеринде бардырылгъан донорлукъ акциягъа къатышып, саусузлагъа болушхандыла. Аны Лермонтов шахардан «Федерал медико-биология агентствону Шимал-Кавказ илму-клиника арасы» къурагъанды.
26 декабря, 2018 - 09:35
"Россейни акъ зурнуклары-2018" деген битеуроссей конкурсда хорлагъанланы КъМР-ни Жарыкъландырыу, илму эмда жаш тёлюню ишлери жаны бла министерствосунда къууанчлы халда саугъалагъандыла. Бу даражалы эришиуледе бизден отуз юч школчу, ол санда жыр, тепсеу, сабий фольклор коллективле да, айырмалы болгъандыла.
Аланы алгъышларгъа башда айтылгъан ведомствону башчысы Ауес Кумыков, КъМР-ни культура министри Мухадин Кумахов, республиканы Жазыучуларыны союзуну правленини председатели Беппайланы Муталип келген эдиле.
26 декабря, 2018 - 09:30
Къабарты-Малкъарны сабийлеге бакъгъан учрежденияларына 76 миллион багъасы диагностика оборудование берилгенди. Ахча «Сабий поликлиникаланы бла больницалада поликлиника бёлюмлени ырысхы-техника онгларын кючлендириу» деген къырал программаны чеклеринде РФ-ни Правительствосуну резерв фондундан эмда регионну бюджетинден бёлюннгенди, деп билдиргендиле КъМР-ни Саулукъ сакълау министерствосуну пресс-службасындан.
26 декабря, 2018 - 09:27
РФ-ни Президентини СКФО-да толу эркинликли келечисини Аппараты, Шимал Кавказны ишлери жаны бла министерство, Округну субъектлерини араларында экономика байламлыкъланы ассоциациясы эмда Шимал Кавказны айнытыу корпорация (КРСК) гитче бизнесге себеплик этиуню жангы амалын къолгъа алгъандыла. Бу оноу сагъынылгъан министерствону кенгешинде этилгенди.
Страницы
|
