|
|
Спорт
28 ноября, 2019 - 08:05
Къазахстанда эркин тутушуудан XII халкъла аралы эришиу бардырылгъанды, ол СССР-ни кезиуюнде аты айтылгъан политика эм жамауат къуллукъчу, Социалист Урунууну Жигити Динмухамед Кунаевни хурметине къуралгъанды.
27 ноября, 2019 - 08:19
Нальчикде Универсальный спорт мекямда самбодан СКФО-ну биринчилиги бардырылгъанды. Анда алчы жерле ючюн 300-ден аслам жаш бла къыз тутушхандыла, Къабарты-Малкъардан гёжефле 10 майдал къытхандыла.
27 ноября, 2019 - 08:12
Аппайланы Владимирни бла Махийланы Фазилятны къызлары Залина, жашлыгъына да къарамай (23 жылы толгъанды), дзюдода уллу жетишимлеге жетгенди: талай жыл мындан алгъа ол кесини ауурлугъунда Россейде эм кючлю болгъанды, Европаны кубогунда да «доммакъны» алгъанды. Кёп болмай а, «Динамо» спорт обществону биринчилигинде – экинчи, СКФО-ну биринчилигинде уа биринчи жерлени да алгъанды.
27 ноября, 2019 - 08:12
Тырныауузну «Геолог» спорт-саулукъландырыу комплексинде грек-рим тутушуудан Элбрус районну биринчилиги ётгенди. Анга юч жыл сандагъы къауумда 115 жаш гёжеф къатышханды. Аланы араларында, Олимпиадалы резервни Байзуллаланы Юсюп атлы спорт школуну сохталарындан сора да, Нальчик шахарда «Гладиатор» клубну, Зольск эмда Лескен районланы келечилери да болгъандыла.
27 ноября, 2019 - 08:11
Каспийск шахарны Али Алиевни атын жюрютген спорт мекямында тхэквондону WTF тюрлюсюнден «Чемпион» спорт клубну саугъаларына битеукъырал эришиу бардырылгъанды. Аны чеклеринде дагъыда 10-11-жыллыкъ сабийлеге «DAG OPEN» деген турнир къуралгъанды. Эришиулеге Россейни регионларындан, Къазахстандан бла Азербайджандан 500-ден аслам адам къатышхандыла.
20 ноября, 2019 - 08:05
Адамны эм уллу байлыгъы – аны саулугъуду. Бу оюмну тюзлюгю аз да ишеклик туудурмайды. Саулукъну сакълар ючюн, кёп тюрлю амалла бардыла. Алай аладан эм магъаналысы, хайырлысы да, баям, физкультурады. Анга шагъатлыкъгъа бизни ёмюрню, бурун цивилизацияланы да тёрелерин келтирирге боллукъду, хар миллетлени кеслерини энчи методикалары болгъанды. Аланы барысын да бир жорукъ бирикдиргенди – инсаннга ауруулагъа хорлатмазгъа, хомух, эринчек болмазгъа, дайым къымылдаргъа, ишлерге керекди. Анга уа, бек биринчи, физкультура юйретеди.
15 ноября, 2019 - 09:05
Жантуудуланы Азамат жетишимли спортчуду, тренер болуп, Хасанияда къатыш единоборстволадан спорт залда сабийлени да юйретеди. Анга 26 жыл болады, Кёнделенде ёсгенди. Бюгюнлюкде ол Нальчикде МВД-да ишлейди, ведомствону атындан аскер самбодан, къол тюйюшден эришиулеге къатышады. Азамат аскер самбодан бла кикбоксингден спортну устасыды, тайский боксдан бла грепплингден спортну устасына кандидатды.
15 ноября, 2019 - 08:50
Россейни бел баудан тутуп тутушуудан жыйымдыкъ командасыны келечиси Мокъаланы Мусагъа «РФ-ни спортдан халкъла аралы класслы устасы» деген сыйлы ат берилгенди. Ол Черек районну сабий-жаш тёлю спорт школуну тренериди, Россейни спортуну устасыды.
15 ноября, 2019 - 08:05
Адыгея Республикада грек-рим тутушуудан битеуроссей турнир бардырылгъанды. Ол Адыгеяны спорт усталарыны хурметине жораланнганды. Анга Шимал-Кавказ эм Юг федерал округлада кючлю спортчула къатышхандыла. Москвадан, Эрменден бла Киргизиядан гёжефле да келгендиле.
15 ноября, 2019 - 08:00
Тырныауузну «Геолог» спорт комплексинде алгъаракълада жашланы бла къызланы араларында Къабарты-Малкъарны биринчилиги ётгенди. Анга республиканы районларыны асламысыны спорт школларыны сохталары къатышхандыла.
Страницы
|
