|
|
Спорт
12 февраля, 2020 - 08:11
Бу кюнледе Шимал Осетия-Аланияны ара шахары Владикавказда грек-рим тутушуудан СКФО-ну биринчилиги бардырылгъанды, анга округну битеу регионларындан 18 жыллары толмагъан умутландыргъан гёжефле къатышхандыла.
7 февраля, 2020 - 08:20
«Гитче футболну – школлагъа» проектни чеклеринде «Нальчик» спорт комплексде билим бериу учрежденияланы араларында футзалдан эришиу къуралгъанды, анга кеслерини районларында хорлагъан школла къатышхандыла.
5 февраля, 2020 - 08:17
Бюгюн Минги тауну тийресинде Россейни тау-лыжа спортдан кубогуну 4-5-чи кезиуле башланадыла. Беш кюнню ичинде бардырыллыкъ эришиулеге къатышыргъа деп бери къыралны тюрлю-тюрлю регионларындан 120 спортчу келгенди.
22 января, 2020 - 08:55
Билдиргенибизча, Новосибирск шахарда бардырылгъан грек-рим тутушуудан Олимпиаданы аллында Россейни чемпионатына башха-башха регионладан кючлю спортчула жыйылгъандыла. «Новосибирск Экоцентр» кёрмюч комплексде къуралгъан чемпионат, хорлагъанланы бла призёрланы белгилегенинден сора да, Токиода жайда боллукъ Олимпиадагъа барлыкъ къыралны миллет сборныйине тюшерге боллукъланы ачыкълайды.
17 января, 2020 - 08:13
Озгъан жыл Румынияда Брашов шахарда стилевой каратени ашихара тюрлюсюнден дунияны биринчилиги бла чемпионаты бардырылгъан эдиле. Алагъа жыйырма къыралдан юч жюзден аслам спортчу жаш тёлю, юниор эм абадан жыл сан категориялада хорлам ючюн кюрешгендиле. Эришиуге РФ-ни жыйымдыкъ командасыны санында бизни жерлешлерибиз да къатышхандыла. Ала алгъан эки алтын, бир кюмюш, эки да доммакъ майдалла уа Россейге битеукоманда зачётда экинчи жерге чыгъаргъа онг бергендиле.
17 января, 2020 - 08:10
Бир къауум къыралны алимлерини спорт бла байламлы тинтиулери.
15 января, 2020 - 08:09
Хар инсаннга жашауунда илхам берген, баям, аны муратларыдыла. Ала адамны алгъа элтедиле, жангы бийиклеге чакъырадыла. Биреу илмуда атын айтдырыргъа сюеди, башхалары маданиятда, искусствода неда бир башха затда жетиширге умут этедиле. Бизни бюгюннгю жигитибиз Къойчуланы Джамиляны жюреги уа таэквондогъа тартханды. Ол, аз заманны жарау эте, тренерине, жууукъ-тенглерине да хорлаяллыгъын, фахмусу болгъанын кёргюзталгъанды. Алай эм уллу жетишимини аллында, саулугъуна чып тюшюп, анга муратындан айырылыргъа тюшгенди. Болсада, ол жарыкъ кёллюлюгюн тас этмегенди, тренерлерин, спорт жылларын уллу жылыулукъ бла эсгереди.
25 декабря, 2019 - 08:11
Кенжеде «Спорт терроризмге къажауду» деген чакъырыу бла дзюдодан эришиу къуралгъанды, анга 80 умутландыргъан спортчу къатышхандыла.
20 декабря, 2019 - 08:15
Израильни Эйлат шахарында ауур атлетикадан Европаны чемпионаты къуралгъанды. Анга континентни аслам къыралындан 13-16-жыллыкъ 400-ден аслам гёжеф къатышхандыла.
20 декабря, 2019 - 08:14
Къабарты-Малкъарда «Нальчик» спорт комплексде спорт эм аскер самбодан СКФО-ну чемпионаты бардырылгъанды, анда хорлагъанлагъа 2020 жылны мартында Чебоксарыде боллукъ къырал даражалы эришиуге къатышыргъа онг берилгенди. Турнирде субъектни битеу регионларындан 200-ден аслам атлет тутушхандыла, бизни республикадан спортчула 15 майдал къытхандыла.
Страницы
|
