Экономика

Къабарты-Малкъарда кийим тикген «Бахсан» фабрика биригиу кесине кадрла хазырларча, тигерге юйретген ара ачарыкъды. Бюгюнлюкде ол   Россейни Къоруулау министерствосуну заказын толтургъан,  жетишимли уруннган биригиуледен бириди. Мында  аскерчилеге, полициячылагъа эм башха службалагъа энчи кийимле, обмундированияла тигеди.

РФ-ни экономиканы айнытыу министрини орунбасары Дмитрий Вольвач Узбекистанны инновациялы эмда тыш сатыу-алыу министрини орунбасары Хуррам Тешабаев бла онлайн-халда тюбешиу бардыргъанды. Къабарты-Малкъарны атындан анга Экономиканы айнытыу министерствону регионну маркетинги эмда тыш байламлыкъла департаментини башчысы Севиль Богацкая къатышханды.

Озгъан жылда Къабарты-Малкъарны эл мюлкде уруннганлары сабан ишлени бардырыргъа, тирликни жыяргъа, техникаларына запас кереклени мажарыргъа эм отлукъ-жау материалланы алыргъа иги кесек ёнкюч ахчаланы къоратхандыла.

РФ-ни экономиканы айнытыу министрини орунбасары Татьяна Илюшникова онлайн-халда бардыргъан кенгешде «Гитче эмда орта предпринимательство эмда предпринимательство башламчылыкълагъа себеплик этиу» миллет проектни чеклеринде этиллик ишлени эмда аланы кезиуюнде чыкъгъан сорууланы тамамлауну юсюнден сёлешгендиле. Анга КъМР-ни экономиканы айнытыу министри Рахайланы Борис, аны орунбасары Рустам Башоров эм «Мени бизнесим» деген регион араны таматасы Мадина Дудуева да къатышхандыла, деп билдиргендиле министерствону пресс-службасындан.

Шимал-Кавказ федерал округда уллу, кеслери да бек терк айныргъа боллукъ проектлени тамамлауну юсюнден сёлешиннгенди РФ-ни экономиканы айнытыу министрини орунбасары Сергей Назаров бардыргъан видеоконференцияда. 

Озгъан ыйыкъда Тюркде бла Сирияда  жер тепгени  бла байламлы кёп шартла ачыкъланадыла.   Толусунлай оюлгъан мекямланы ишлеген компаниялагъа бла инженерлеге соруула  чыкъгъандыла. 

Шимал –Кавказстатдан билдиргенлерича, былтыр Къабарты-Малкъарда 522,6 минг квадрат метрде жашау журт ишленнгенди.  Ол буруннгу жыл бла тенглешдиргенде 1,6 процентге кёпдю.  

Озгъан жыл Россельхозбанкны Къабарты-Малкъарда бёлюмю «Татыулу байрым кюн» деген акцияны чеклеринде республиканы эл мюлк товар чыгъарыучулары 350 минг сом багъасы аш-азыкъ сатхандыла.

Регионлада инвестициялы стандартны быйыл кийирип бошаргъа кереклисини юсюнден РФ-ни Правительствосуну Председателини биринчи орунбасары Андрей Белоусов айтханды. Инвестициялы жумушланы бир стандартха келтириу, бизнесни кенгертирге, къыралны регионларында инвестицияланы кёбейтирге себеплик этерикди. Ол а санкцияла болгъан кезиуде ишни тап бардырыргъа болушурукъду, деп чертгендиле КъМР-ни Экономиканы айнытыу министерствосунда.

Къабарты-Малкъарны Кёп жумушла тамамлагъан арасында (МФЦ) озгъан жылда ишлерини эсеплерин чыгъаргъандыла. Сагъынылгъан кезиуде адамла ары 1687997 кере сёлешгендиле эмда тилеклерин билдиргендиле, ол санда 910 мингини жумушлары тамамланнганды, деп билдиргендиле республиканы Экономиканы айнытыу министерствосундан.