Учуз кредитлени къайсы предпринимательлеге бередиле?

МСП платформада (https://мсп.рф/) инвестициялы кредитле бериуге себеплик этиу Ара (https://мсп.рф/services/competence-credit/promo/) ишлейди. Аны болушлугъу бла орта бизнесге – 3, гитче эмда эм гитче бизнесге уа – 4,5 процент ставкасы бла кредитле жарашдырадыла.

Бу сервисни специалистлери тюрлю-тюрлю сорууланы юсю бла консультацияла бередиле, предпринимательлени инвестициялы проектлерин тийишдирирге, банкла бла ушакъ этиуде да болушадыла.

Учуз кредитни МСП-ны реестринде болгъан энчи предпринимательле эмда предприятияла бла организацияла алыргъа боллукъдула. Кредитни болжалы он жыл бла чекленеди, льготалы кезиую уа беш жылды. Бу халда 50 миллиондан башлап бир миллиард сомгъа дери бериледи. Кеси да ма бу бёлюмледен предприятиялагъа: жарашдырыучу промышленность, эл мюлк, логистика, къонакъ юйлени ишлерин бардырыу.

Ахчаны производствону кенгертирге неда жангыртыргъа къоратыргъа боллукъду. Дагъыда алчы сфералада проектле тамамларгъа. Аланы тизмеси: https://мсп.рф/services/competence-credit/form/Programma-stimulirovaniya-kreditovaniya-_red.-18.07.2022_.pdf. Объясняем.рф порталда айтылгъаныча, быллай кредитни бериу бла 48 банк кюрешеди: https://www.economy.gov.ru/material/directions/sanctions_measures/.