Экономика

Бизни республикада жай кезиуде тахта кёгетлени жыйыу иш биринчиден жашил къудорудан башланады. Алай бла бу кюнледе аны заманы жетгенди, деп билдиргендиле КъМР-ни Эл мюлк министерствосундан.

Къудоруну жыйып, сабанладан тюзюнлей консерва заводлагъа ашырадыла. Бюгюнлюкде республикада аллай алтысы ишлейди. Ала бу кезиуге тынгылы хазырланнгандыла, кеслери да къысха заманны ичинде 13 миллион условный банка продукция да чыгъаргъандыла.

Келир беш-алты жылны ичинде Шимал Кавказ федерал округда агропромышленность бёлюмге кёп къалмай 200 миллиард сом багъасына инвестицияла этилирге боллукъдула. Аны юсюнден Россельхозбанкны башчысын экинчиси Денис Константинов алгъаракъда ётген Кавказ инвестиция форумну кезиуюнде айтхан эди, деп билдиргендиле КъМР-ни Экономиканы айнытыу министерствосундан.

Къыш сууукълагъа хазырланыу бла байламлы жууукъ заманда  «Газпром газораспределение Нальчик» биригиуню келечилери  план бла белгиленнген кезиулю жумушланы  тамамланырыкъдыла.

Быйыл Россейде «Жашау этерге инфраструктура» миллет проектге кёре, мектеплеге, сабий садлагъа, вузлагъа, чыгъармачылыкъ эм спорт  аралагъа баргъан   юч минг километр чакълы бирде жоллагъа тынгылы ремонт этилликди. Проектни магъанасы сабийлеге, ата-аналагъа эм педагоглагъа иги эм къоркъуусуз инфраструктура къураргъады. Планнга кёре,  сагъынылгъан объектлени кёбюсю  жангы окъуу жылгъа хазыр болургъа керекдиле.

«Каббалкэнерго» компанияны Черек районда бёлюмюню окъутуу-юйретиу тийресинде эришиуле ётгендиле. Анга къатышхан энергетикле, ол санда сетьлени жумушларына къарау эмда техникагъа бла оборудованиягъа ремонт этиу бла кюрешген онюч специалист ишчи хунерликлерин кёргюзтгендиле.

Кёп болмай Ставрополь крайда  «МинводыЭкспо» кёрмюч комплексде бардырылгъан  Кавказны экинчи инвестиция форумунда  жууукъ заманда Къабарты-Малкъарда жылгъа къанатлыланы этинден 30 минг тонна эм жумуртхаладан да 36 миллион чакълы чыгъаргъан уллу фабрика ишленириги белгиленнгенди. 

Быйыл апрель айда Къабарты-Малкъарда бир-бир аш-азыкъланы багъалары алгъынча алай терк ёсмегендиле дерге боллукъду.

Кёп болмай КъМР-ни эл мюлк министри Хасан Сижажев  Ставрополь крайда «МинводыЭКСПО» кёрмюч комплексде баргъан  Кавказны экинчи инвестициялы форумуну "Шимал Кавказны агропромышленный комплексин айнытыу" деген сессиягъа къатышханды, деп билдириледи КъМР-ни Эл мюлк министерствосуну пресс-службасындан.

Кёп болмай  Ставрополь крайда «МинводыЭКСПО» кёрмюч комплексде баргъан Кавказны экинчи инвестициялы форумунда беш жылны ичинде "Эльбрус" тау-лыжа курортда толусунлай инфраструктураны жангыртырыкъларын  айтхандыла. Ол санда канат жолла ишленирикдиле эм маятник канатканы да бюгюннгю излемлеге келишгени  ишленирикди.   

Бу кюнледе  «Жашау этерге инфраструктура»  миллет проектге кёре,  къыралны магъаналы сеьтлерине кирген  Прохладнагъа баргъан  Новопавловск – Прохладный – Моздок жолну 6,5 километр кесегине  тынгылы ремонт этип    кюрешедиле.