|
|
Все статьи
27 марта, 2019 - 08:19
Малкъар халкъны жангырыууну кюнюне
Бир адамда толу халкъны ышанлары-акъыллылыгъы, тёзюмлюлюгю, халал жюреклилиги эм менсинмеую бар эселе, ол Хутуйланы Исхакъны жашы Ханафийди. Къадар анга эр киши ариулукъну да, халаллыкъны да, уллу билимни да, политика усталыкъны да къызгъанмай бергенди. Аны жашау жолу къыйын болгъан эсе да, битеу алып айтханда, жашауу сейирлик эди, уллу жетишимледен, хорламладан да бай.
27 марта, 2019 - 08:18
Португалияны Коимбра шахарында 21 жыллары толмагъан спортчуланы араларында дзюдодан Европаны кубогу бардырылгъанды. Анга континентни 24 къыралындан 450 гёжеф къатышханды.
Анда бизни респуликадан 66 килограмм ауурлукъ къауумда Мисирланы Исмайыл да тутушханды. Битеу тюбешиулерин болжалдан алгъа хорлам бла бошап, ол ахырында командасындан тенги Мулораджаб Халифаевни къытханды. Алай бла Исмайыл алтын майдал бла къайтханды.
Суратда: солдан онгнга: Мисирланы Исмайыл экинчи.
27 марта, 2019 - 08:17
Черкесск шахарда дзюдодан, КъЧР-ни Правительствосуну башчысыны орунбасары А.М. Тебу улуну хурметине эришиу къуралгъанды. Анга 2003-2005 жыллада туугъан спортчула къатышхандыла.
Анда 90 килограмм ауурлукъ къауумда бизни республикадан Гайыланы Омар жетишимли болгъанды. Ол, битеу тюбешиулерин хорлам бла бошап, алтын майдал къытханды. Ючюнчю жерге Тембулат Кумыков (66кг.) чыкъгъанды. Аланы тренерле Д.А. Иванов бла А.М. Апхудов юйретедиле.
27 марта, 2019 - 08:17
Элбрус районну администрациясыны башчысы Залийханланы Къаншаубий Терроризмге къажау муниципал комиссияны жыйылыуун бардыргъанды. Анга Россейни ОМВД-сыны, КъМР-де УФСБ-ни Тырныауузда бёлюмюню, район прокуратураны, жол управленияны, МЧС-ни КъМР-де Баш управлениясыны бёлюмюню, район аскер комиссариатны, тюрлю-тюрлю организацияланы бла управленияланы таматалары, шахарны бла эллени башчылары къатышхандыла.
27 марта, 2019 - 08:16
Кёп болмай Къырал эм муниципал жумушланы тамамлагъан кёп функциялы араны (МФЦ) келечилери жыл сайын бардырылгъан «Жерни халкъла аралы кюню» деген акциягъа къатышхандыла.
Ол кюн учрежденияны Нальчикде 2-чи номерли бёлюмюню тийресинде аллеяда «Горзеленхозну» келечилери да болушуп жыйырма жёге терекчик орнатылгъанды. Бу магъаналы ишге къол къыйын салгъанланы арасында КъМР-ни экономиканы айнытыу министри Рахайланы Борис, министерствону электрон жумушла эм системалы управленияны департаментини таматасы Чочайланы Мариям, МФЦ-ны таматасы Аслан Афаунов да болгъандыла.
27 марта, 2019 - 08:16
Бир жыл мындан алгъа Нальчик шахар школлада окъугъан къабарты эм малкъарлы сабийлени ана тиллерин, культураларын, адет-тёрелерин, искусство жаны бла усталыкъларын кёргюзтюуге аталгъан олимпиадалары болгъанды.
Сау кюнню школчула тепсей, назмула, жырла, элберле, жомакъла айтып турдула. Кезиу Нальчикни 23-чю номерли мектепине жетгенде, залда жыйылгъанла арыгъанларын унутхан эдиле. Сахнагъа уа окъуучулары бла бирге устазлары Жанатайланы Аслижан Мусаевна да чыгъып, къобуз да согъуп, жырлагъан да этип таза да зауукълукъ тапдыргъан эди.
27 марта, 2019 - 08:14
Россейни Сюд приставларыны федерал службасыны Къабарты-Малкъарда Управлениясыны энчи интернет-сайтында "Банк данных исполнительных производств" информация система бёлюмю барды. Аны болушлугъу бла гражданланы, юридический лицоланы да борчларыны юсюнден билирге боллукъду. Жаланда адам тукъумун, атын, предприятияны атын неда толтуруучу производствону номерин жазгъанлай, экранда борчуну юсюнден толу хапар билликди.
27 марта, 2019 - 08:11
Чеги инфекцияланы юслеринден биз не зат билирге керекбиз? Билимсизликни хатасындан не палах болургъа боллукъду? Аны юсюнден СПИД-ге эм башха жукъгъан ауруулагъа къажау араны алтынчы номерли бёлюмюню таматасы Аппайланы Шамил айтханды:
27 марта, 2019 - 08:10
Кичибалыкъчы къыз Габуланы Зухураны бирсилеге ушамагъан ауазын кёпле жаратадыла. Ол Нальчикде Музыка театрны хоруна келгенли алай кёп болмай эсе да, кесини хунерин ачыкъларгъа жетишгенди. Коллектив жангыдан къуралгъаны бла байламлы кёргюзтген концертлеринде солосу бла къараучуну эсинде къалгъанды. Биз аны бла сахнагъа жолуну эм башха затланы юслеринден ушакъ этгенбиз.
27 марта, 2019 - 08:07
Кёп болмай Къабарты-Малкъар къырал университетде Маданият байламлыкъла – мамырлыкъгъа бла келишиулюкге жол деген «тёгерек стол» болгъанды. Аны вузну библиотекасы къурагъанды.
Миллетлери, динлери, къолайлыкълары башха-башха болгъанланы араларында ангылашыныулукъгъа себеплик этген амалланы сюзюуге белгили алимле, жамауат биригиулени министерстволаны, билим бериу эм маданият учрежденияланы келечилери, школланы таматалары эм университетде тыш къыралладан келип окъугъан студентле да къатышхандыла.
27 марта, 2019 - 08:07
Роспотребнадзор сабийлени эмда акъылбалыкъ болмагъанланы окъутуу эмда юйретиу халлагъа дайым кёз-къулакъ болгъанлай турады, деп билдиредиле ведомствону Къабарты-Малкъарда Управлениясындан. Бёлюмню специалистлери былтыр 798 контроль-надзор жумуш тамамлагъандыла. Ол санда планнга кёре – 404 ишни, къалгъанын а андан тышында. Аны бла бирге прокуратураны, КъМР-ни Жарыкъландырыу, илму эмда жаш тёлюню ишлери жаны бла министерствосуну келечилери бла бирге да къатыша тургъандыла быллай ишлеге.
27 марта, 2019 - 08:00
Кёп болмай Нальчикде Диализ арада битеудунияда бюйрекни кюнюне жоралап «Саулукълу бюйрекле: хар жерде, кимге да» деген аты бла илму-практика конференция ётгенди. Анга терапевтле, нефрологла эм урологла да къатышхандыла. Конференцияны Б.Браун атлы диализ клиникаланы сетьлерини медицина жаны бла таматасы, МГСМУ-ну «Нефрология» кафедрасыны доценти Валерий Шило ачханды. Жыйылгъанланы алгъышлай Къабарты-Малкъар университетни ректору Юрий Альтудов, КъМР-ни
22 марта, 2019 - 10:05
Малкъар халкъны къыраллыгъы къайтарылгъан кюннге
Бу заман саргъалтхан суратха иги ышанлап къарасанг, республикагъа атлары айтылгъан къаллай бир ахшы адамны кёз аллынга келтиресе. Ала, Къабарты-Малкъар къырал университет ачылгъан 1957 жылда заочно окъургъа кирип, аны 1963 жылда жетишимли бошап, халкъ мюлкню бирер жууаплы бёлюмюнде бет жарыкълы къуллукъ этген, адамлыкълары, ишлери бла да атларын иги бла айтдыргъанладыла.
22 марта, 2019 - 10:00
Малкъар халкъны къыраллыгъы къайтарылгъан кюннге
Аппасыны юсюнден бу хапарны Журтубайланы (Чочайланы) Кезибан келтиргенди. Бусагъатда юйюрде таматалагъа, алгъынча, сый-намыс берилмегенине жарсый, ол жанына бир кесек эс бурдурургъа излеп.
22 марта, 2019 - 09:50
Хар жыл сайын Россейде, башха къыралладача, Хайырланыучуну эркинликлерин къоруулауну битеудуния кюню белгиленеди. Хайырланыучуланы организацияларыны халкъла аралы федерациясы анга бир тюрлю чакъырыу къураучуду. Быйыл ол быллайды: «Trusted Smart Products – Цифралы дуния: ышаннгылы смарт-устройствола».
22 марта, 2019 - 09:50
Миллетибизни къалыубаладан бери да жашауу, иши малчылыкъ бла терен байламлы болгъаны хакъды. Кишиле мал кютгендиле, тиширыула жюн ишлегендиле. Алай бла тау ауузлада къолайлы жашау къайнагъанды. Хар юйюрню къарыны токъ, жашны, къызны кийими айбат, тизгини юлгюлю, кёлю жарыкъ эди.
22 марта, 2019 - 09:48
Тиширыуланы Нальчик шахар совети жылны ичинде кёп ахшы ишле бардыргъанды. Жандауурлукъ акцияла, адабият ингирле, аналаны, кёп сабийли юйюрлени, урунууда жетишимле болдургъанланы хурметлеуге аталгъан байрамла, тюрлю-тюрлю конкурсла къурагъанды, аллай кёп башха жумушла да тамамлагъанды. Аны юсюнден былтырны эсеплерин чыгъарыугъа аталгъан жыйылыуда айтылгъанды. Ары советни ишине себеплик этгенле да чакъырылгъандыла. Аланы араларында уа врачла, устазла, алимле, жазыучула, журналистле, искусствону келечилери да бар эдиле.
22 марта, 2019 - 09:45
КъМР-ни Парламентини президиумуну жыйылыуунда «комитетни сагъатыны» чеклеринде республикада жаш адамланы аскерде къуллукъ этиуге чакъырыу иш къалай къуралгъаны эмда аскерчи усталыкъны даражасын ёсдюрюу жаны бла къаллай мадарла толтурулгъанлары сюзюлгенди.
22 марта, 2019 - 09:40
Республиканы Чегем шахарында, СССР-ни спортуну устасы, КъМР-ни физкультурасыны эм спортуну сыйлы ишчиси А.Н. Аджиевни хурметине аталып, грек-рим тутушуудан эришиу къуралгъанды. Анга Къабарты-Малкъардан, Къарачай-Черкесден, Ингушетиядан, Къалмыкъдан, Ставрополь крайдан, Москвадан бла Санкт-Петербургдан 2007-2010 жыллада туугъан 270 гёжеф къатышхандыла.
22 марта, 2019 - 09:30
«Петербург жаз башы» деген ат бла шимал ара шахарыбызны «Комета» спорт комплексинде каратеден тёрели битеукъырал эришиу бардырылгъанды. Анга Россейден бла жууукъдагъы тыш къыралладан мингден аслам жаш эм абадан спортчу къатышхандыла.
Страницы
|
