Жамауат

Журналист жолла бизни кёп жерлеге жетдиредиле, кёп адамла бла тюбешдиредиле. Аланы бирлерин унутаса, башхалары уа эсден кетмей, жюрегингде бир огъурлу ыз къоядыла. Мени да тёрт жыл мындан алгъа  къадар аллай тиширыу бла тюбешдирген эди. Ол Акъ-Суу элде жашагъанды. Анга ол заманда токъсан жыл толгъан эди.

Росгидромет арадан билдиргенлерине кёре, бу кюнледе республикада кюн бек исси болуру сакъланады, къызыулукъ 38 градусха жетерикди. Быллай хауа болумлада женгил кийимле киерге, жалан баш кюннге чыкъмазгъа керекди. Терк-терк суу ичигиз, алай ол бек сууукъ болмазгъа тийишлиди. Дарман хансладан суу неда жашил чай, газы болмагъан нарзан да себеп боллукъдула, деп юйретедиле МЧС-ден.

Республиканы аграрийлери къылкъылыланы  оруп бошагъандыла. КъМР-ни Эл мюлк министерствосундан билдиргенлерича, быйыл ала 66 минг гектарда ёсдюрюлген эдиле. Тергеулеге кёре битеуда 236 минг тонна мирзеу жыйылгъанды.  Бир гектардан орта эсеп бла  35,8 центнер. Ол  былтыргъы кёрюмдюден 2-2,5 процентге игирекди.

25 -27 августа Нальчикде  «KAVKAZ MUSIC FEST» музыка фестиваль ётерикди. Анга Шимал Кавказны бла Россейни   Юг регионларындан эм Белоруссиядан да беш жюзге  жууукъ  артист къатышырыкъды.

Къабарты-малкъарны Курортла эм туризм министерствосу республикабызны ариу жерлерини юсюнден дайым эсгерте турады. Алай бла бу жол сёз «Донгуз орун кёлню» юсюнден барады.

Къабарты-Малкъарны консерва  заводлары  бусагъатда  асламысында  томатланы жарашдырып кюрешедиле.  Алай бла бюгюнлюкде  таматланы предприятияладан бири 200 тоннадан асламыдан бир миллон чакълы банка хазырлагъанды. 

Белгилисича, республикада томатланы  жарашдырыу бла бир къауум консерва завод кюрешеди. Аланы сырьёларыны асламысын  кеслерини жерлеринде ёсдюредиле. Ол себепден продукцияны качествосуна жарсыр кереклиси  болмайдыла. Аланы продукциялары энчи бренд бла башха россей маркала бла да чыгъарыладыла. 

Аскерчиле эм право низамны сакълаучу органланы келечилери пенсиягъа чыкъгъанларындан сора пенсияларын кюч ведомстводан алгъанындан тышында, бир-бир болумлада граждан жаны бла тёлеулеге да тийишлидиле. Аны ючюн адам аскер службасын бошагъандан сора граждан ишде урунургъа, алай бла пенсия балла жыяргъа керекди. 

Чёплеу хайырлымыды, алай эсе уа, недеди игилиги? Аны юсюнден Нальчик шахарны биринчи номерли поликлиникасыны врачы Шауаланы Клара айтады:

Россей Федерацияны Къырал байрагъыны кюню солуу кюннге саналмагъанлыкъгъа, аны кенг халда белгилеу тёреге айланнганды. Ол кюн тюрлю-тюрлю къууанчлы ишле,акцияла бардырыладыла. Аланы баш мураты – россейлилеге байрамны тарыхын билдириудю, Россейни къырал белгисини магъаналылыгъын ангылатыуду. Керти окъуна, байракъ къыралны буруннгу заманын, бюгюннгюсюн бла тамбласын бирикдирген  магъаналы белгилеринден бириди. Ол къыралны ниетлерин, жашау ызын да туура этеди, аны инсанларын къыралларын кючлю этерге, жашнарына итиниулюклерин бирикдиреди. 

Бичен этерге  чыгъаргъа хазырланып  тургъанлай, таякъ жауунла башланып,  бир тохтамай,  эки - юч кюнню баргъанлай турдула. Таматала жауун кырдыкны аудуруруна бек ашыгъадыла. Болсада жолла къургъакъсыгъынчы сакъларгъа тюшдю. Андан сора, машинагъа хар затны жюклеп, таулагъа атландыкъ.  Уллу жолдан онг жанына бурулуп, адам къолу бла ишлеген кибик, бийик тик къаяны этегинде, дорбуннга ушагъан  чунгурну къатында тохтадыкъ.