Коронавирус бла байламлы тыйгъычланы бир кесеги кетериледи

КъМР-ни Башчысы Казбек Коков алгъын республикада коронавирус инфекция жайылгъаны бла  бла байламлы тыйгъычла кийирилгени ючюн, аланы бир кесегин кетериуню  юсюнден указгъа къол салгъанды.  

Къабарты-Малкъар Республиканы Башчысыны указына кёре, тыйгъычла аш азыкъ жюрюген жамауат жерледе аланы бир кесегин толтуруу бла байламлы кетериледиле, фуд-кортла эм сабий ойнаучу жерле  жаннгыдан  ишлеп тебирейдиле.

Аны бла бирге, аш- суу жюрюген жамауат жерлеге кече сагъат экиден тебиреп, эрттенликде алтыгъа дери ишлерге жарамайды. Болсада ол тыйгъычны   автовокзаллагъа, аэропортлагъа, отлукъ къуюучу станциялагъа, жай кезиуде хайырланыучу кафелеге эм аш-азыкъны тышына сатхан жерлеге кючю  кирмейди.

Алгъын хайырланып тургъан аш-суу жюрюген жамауат жерлеге, театрлагъа, музейлеге, маданият юйлеге, кинотетрлагъа, фитнес-аралагъа, спортзаллагъа, бассейинлеге, къонакъ юйлеге, ариулукъну салонларына, чач къыркъдырыучу жерлеге, солярийлеге эм сауналагъа QR-кодла  бла  ковид-сертификатла  керек тюйюлдюле.

Маскаланы жюрютген кезиу эм адамла аслам жыйылгъан жерледе социал тенглик сакъланады эм аланы саны да белгиленнген чекден ётмезге керекди. Жыл санлары алтмышдан атлагъан эм андан да абадан ишлемеген инсанла юйде туруудан бош этилип, ол амал рекомендациягъа кёчеди.Граждан-праволу келишимле бла штатда ишлегенлени 40 процентинден асламын дистанция амалгъа кёчюрюу рекомендация кючюн тас этеди.      Аны бла бирге  60 жыллары толгъанлагъа эм андан абаданлагъа,  дайым къыйнап тургъан ауруулары болгъан инсанлагъа  эм сабий табаргъа хазырланнган тиширыулагъа дистанция амал бла ишлерге кёчерге деген предложение сакъланады.

Адамланы бир къауумуна  медицина жаны бла профилактиканы эм  диспансеризацияны бардырыу жангыдан башланады, деп билдиргендиле  республиканы оноучусуну пресс-службасындан.   

Бизни корр.