Къабарты-Малкъар къачхынчылагъа гуманитар болушлукъ жибередиДонецк эм Луганск халкъ республикаладан Ростов областьха эвакуация этилген инсанлагъа деп Къабарты-Малкъар гуманитар болушлукъну экинчи кере жибергенди. КъМР-ни Башчысы Казбек Коковну буйругъуна кёре, энтта 20 тонна гуманитар жюк жыйылгъанды – шешалада суула, аш-азыкъ жыйымдыкъла, биринчи изленнген керекле, ол санда сабийлеге тийишли затла да. «Бу фурала адамла болжаллы халда орнатылгъан жерлеге битеу къыралдан келген сатырлагъа къошуллукъдула. Къабарты-Малкъар Республиканы халкъы бир жанында къалмагъанды. Биз Донецкден бла Луганскдан адамлагъа мындан ары да болушургъа хазырбыз», - дегенди КъМР-ни Правительствосуну Председателини биринчи орунбасары Марат Хубиев. Алгъаракъда КъМР-ни Башчысы Казбек Коковну буйругъуна кёре Дондагъы Ростовха Къабарты-Малкъардан 20 тонна гуманитар болушлукъ жиберилгенди, ол «Единая Россия» партия бла бирге жыйышдырылгъанды. Республика ЛНР-ден бла ДНР-ден келген 800 къачхынчыгъа жашарча жерле берирге хазырды.
Поделиться:
Читать также:
13.05.2024 - 11:41 →
Казбек Коков Россейни Жигити Тимур Тамазовха эсгертме ачылыууна къатышханды
08.05.2024 - 14:00 →
Къырал Башчы салгъан борчла толтуруллукъдула
07.05.2024 - 16:51 →
Къыйын болумладан сакъланыуну мадарларын сюзгендиле
02.05.2024 - 09:15 →
Спортну байрамы андан ары бардырыллыкъды
29.04.2024 - 15:08 →
Информационное сообщение
|