Сиз предпринимательликни юсюнден не билесиз?«Иш кёллю Россей» жамауат организация Россейни тарыхчылары бла бирге бизни къыралда предпринимательствону юсюнден школчуланы арасында олимпиада бардырлыкъды. Организацияны республикада бёлюмюнден билдиргенлерине кёре, бу ишни баш магъанасы - къыралны аякъ юсюне салыугъа предпринимательствону къошумчулугъун белгилеудю эмда аны бла байламлы керти шартланы туура этиудю. Эришиуле эки кезиулю боллукъдула. Къабарты-Малкъарда регион кесеги экинчи кере бардырыллыкъды. Аны къурагъанланы санында сагъынылгъан организацияны бёлюмю, КъМР-ни Жарыкъландырыу, илму эм жаш тёлюню ишлери жаны бла министерствосу эмда Къабарты-Малкъар къырал университет бардыла. Олимпиада 26 апрельде вузда ётерикди. Анга 8-11 классланы окъуучулары къатышыргъа боллукъдула. Соруула барына да бирча боллукъдула. Заявканы формасын http://www.deloros-kbr.ru/index.php/proekty/istoriya-rossijskogo-predpri... сайтда алыргъа боллукъду. Аны 23 апрельге дери берирге тийишлиди. Сейирлери болгъанла Гузеланы Индирагъа deloros_kbr@mail.ru электрон почтагъа жазсынла неда 8-903-425-71-45 телефон номер бла сёлешсинле.
Поделиться:
Читать также:
08.05.2024 - 13:29 →
Ток бла сылтасусуз болурча
08.05.2024 - 13:27 →
Къоранчланы азайтыргъа онг табылгъанды
08.05.2024 - 13:26 →
Эм иги предприятияланы белгилегендиле
08.05.2024 - 08:03 →
Теплицада заранлы къурт-къумурсхала болмазча
07.05.2024 - 08:25 →
Къалайда да жарыкъ болурча
|