|
|
Все статьи
10 апреля, 2022 - 12:20
Майскийден узакъ бармай, Терк сууну онг жагъасында орналгъан, бюгюнлюкде битеудуния археология справочниклеге кирген Тёбен Джулат буруннгу шахарны биринчи кере Ю. Клапрот 1807 жылда тинтгенди. Бу тийреледе 1395 жылда орта азиялы Тамерлан эмирни бла алтын ордалы Тохтамыш ханны аскерлерини араларында болгъан къанлы сермеш артда да адабият чыгъармаланы бетлеринде жерин тапханлай тургъанды.
10 апреля, 2022 - 12:00
Магъаналы кюннге, Саулукъну битеудуния кюнюне (7 апрель), аталгъан материалыбызны биз онлайн халда Москвада «Север +» медицина араны баш врачы, хирург, стоматолог–ортопед Сотталаны Зейтунну жашы Азрет бла хазырлагъанбыз.
10 апреля, 2022 - 09:00
Акъкъызланы Алийни жашы Якуб (1942 – 1994 жж.) КъМР-ни сыйлы суратчысыды. Тёбен Чегемде туугъанды. Кёчгюнчюлюкден къайтхандан сора, туугъан элинде жети класс бошап, Махачкъалада художестволу училищеге киргенди. Ол кезиуде кеси бла бирге окъугъан лезгинли къыз Сияра Меджидова бла юйюр къурагъанды. Бу кюнледе ол туугъанлы 80 жыл толады.
9 апреля, 2022 - 20:25
Къабарты-Малкъарны эл мюлкюню магъаналы бёлюмлеринден бирлерине мирзеучюлюк, тахта кёгетле эм наныкъ ёсдюрюу саналадыла. Жыл сайын аланы къайсы бири да иги кесек файда келтиреди.
9 апреля, 2022 - 16:22
Уллу Ата журт урушда Хорламны 77-жыллыгъыны аллында Шимал-Кавказ темир жолда «Хорлам» деген энчи ретропоезд жюрюрча этилликди.
9 апреля, 2022 - 12:20
Музыканы, поэзияны, живописьни дунияларыны энчиликлери бла даулашырыкъ болмаз. Аланы жолларында баргъан инсанланы къудурет айырып, энчи эн салады. Барысына да угъай, эм хунерлилерине, эм фахмулуларына. Аллай эн салыннганладан бири композитор, КъМР-ни Къырал филармониясыны симфония оркестрини художестволу башчысы, баш дирижёру, республиканы Композиторларыны союзуну алгъыннгы председатели Борис Темирканов болгъанды.
9 апреля, 2022 - 10:27
Нальчикге Донецк областьны Макеевка шахарындан отуз беш къызчыкъ бла жашчыкъ келгендиле. Аланы жыл санлары жетиден онжетиге дериди. Барысы да Долинскде «Радуга» социал реабилитация арада тохтагъандыла Алагъа бизде къонакъбайлыкъ шахарны администрациясы бла этилген келишимге кёре къуралады. Уруш къазауаты баргъан жерден келген сабийлеге, саулукъларын кючлендиргенден сора да, тюрлю-тюрлю оюнла, республиканы айбат жерлерине жолоучулукъла да къураллыкъдыла.
9 апреля, 2022 - 10:21
Тёрт кюн баргъан къанлы къазауатдан сора Ючюнчю рейхни бек кючлю къаласы Кенигсберг совет аскерчилеге бойсуннганды. Ол 77 жыл мындан алгъа 9 апрельде болгъанды. Запад Пруссияны алгъыннгы шахарын гитлерчиледен эркин этиуге таулу халкъны уланлары да къатышхандыла.
9 апреля, 2022 - 10:07
Заур Хапов Москваны «Локомотив» футбол клубуну баш тренери болгъанды. Аны юсюнден Россейни темир жолчуларыны клубларыны официальный сайты билдиреди.
9 апреля, 2022 - 09:43
Бу кюнледе "Жер-жерлени айнытыуну фонду" жамауат компанияны попечительлерини советини башчысы Сергей Степашин эм компанияны башчысы Константин Цицин Къабарты-Малкъаргъа ишчи жумуш бла келген эдиле. Ала КъМР-ни Башчысы Казбек Коков бла бирге Майский шахарда оюлургъа къоркъуулу юйледен кёчюрюлгенлеге жангы фатарладан ачхычланы бергендиле.
9 апреля, 2022 - 09:00
«КъМР-ни муниципал къуралыуларыны совети» Ассоциацияны (АСМО) жыйылыуунда былтыр тамамланнган ишлени эсеплери чыгъарылгъандыла эмда быйылгъа борчла салыннгандыла.
8 апреля, 2022 - 22:02
Казбек Коков Шимал-Кавказ федерал округну регионларыны башчылары эм Къырал Думаны депутатлары бла Юг Осетияда болгъанды, анда башламлчыкъ къауум Россей Федерацияны санына кирирге референдум бардырыргъа деп къуралгъан жыйылыугъа къатышханды. Республиканы оноучусу ол башламчылыкъгъа ыразылыгъын билдиргенди.
8 апреля, 2022 - 15:37
7 апрельде, Саулукъну битеудуния кюнюнде, КъМР-ни саулукъ сакълау министри, ведомствону ишчилери эмда Нальчик шахарны медицина учрежденияларында уруннган 200-ден аслам медик «Жашаугъа 10 000 атлам» деген акциягъа къатышхандыла. Алагъа дагъыда КъМР-ни Парламентини Председатели Татьяна Егорова, депутатла, жамауат организацияланы бла партияланы келечилери, студентле, волонтёрла, шахарда жашагъанла бла аны къонакълары да къошулгъандыла.
8 апреля, 2022 - 15:28
Бу кюнледе Астраханьда «Звездный» спорткомплексде художестволу гимнастикадан СКФО бла ЮФО-ну XI Спартакиаданы II этапы ётгенди.
8 апреля, 2022 - 14:31
Адамланы къутхарыу, кесинги жанынга къоркъуу болгъанына къарамай, кюн сайын къыйын болумлагъа тюшгенлеге болушлукъ этиу Россейни МЧС-ини Элбрус бийик тау-къутхарыу отрядыны ишчилерини жашау жорукъларыды
8 апреля, 2022 - 13:05
Алма тереклеге жаз башында тынгылы къарамай болмайды. Бу ишни болжалына салмай, хауа иги жылыннгынчы этерге керекди: тозурагъан жерлерин абери жагъып жамаргъа, тюп жанларын бояргъа, аурууладан эмда заранлы къурт-къумурсхаладан къоруулагъан дарманла себерге, артыкъ ёсген эмда эски бутакъларын кесерге, жангы бутакъла жалгъаргъа.
8 апреля, 2022 - 13:02
Битеу муслийманлагъа багъалы Ораза айны ал он кюню озгъанды.Айны ичинде кесинги ашдан бла суудан тыйып, кёзлерин, тилин харамдан сакълагъан адам къаллай саугъагъа тийишлиди?
8 апреля, 2022 - 12:50
Минги тауда къыралны баш специалистлери В эм С къауумлада тау лыжа инструкторланы бла гидлени хазырлауда юйретиу программаланы бардырадыла, деп билдиредиле «Кавказ.РФ» обществону пресс-службасындан.
8 апреля, 2022 - 12:36
Рамазан айда ораза тутхан водительлеге къыралавтоинспекторла аууз ачаргъа суу бла финикле бергендиле.
Оразада жолда жюрюуге къатышханланы къоркъуусузлукъларын жалчытыугъа бурулгъан акция тёрели болгъанды. Къыралавтоинспекторла бла волонтёрла водительлени халлерин, саулукъларын сурагъандыла, къоркъуусузлукъну жорукъларын эсгертгендиле.
Кюн батхандан сора аууз ачалмай, жолда къалгъанлагъа уа ала суу бла финикле бергендиле.
8 апреля, 2022 - 12:02
РФ-ни Эл мюлк министерствосу аш-суу къоркъуусузлукъну жалчытырча мындан арысында да производствону ёсдюрюрге таукелди. Ол шарт импортну алышындырыугъа да себеплик боллукъду. Аны юсюнден бизге КъМР-ны Эл мюлк министерствосундан билдиргендиле.
Страницы
|
