Казбек Коков РФ-ни транспорт министри бла бардырылгъан кенгешге къатышханды

КъМР-ни Башчысы Казбек Коков РФ-ни транспорт министри Виталий Савельевни башчылыгъы бла видеоконференция халда ётген кенгешге къатышханды. Аны кезиуюнде  адамланы бла жюклени ташыу ишни селейтмей бардырыуну амаллары сюзюлгендиле, ол санда бюгюнлюкде, санкцияланы болумунда, пассажир автопаркны керекли затла бла жалчытыуну онгларына къаралгъанды.

 Республиканы Башчысы Къабарты-Малкъарда бюгюнлюкде муниципалла аралы маршрутла барысы да ишлейдиле, бир тюрлю тыйгъыч жокъду,деп чертгенди. Ол белгилегенича,  Нальчикде аэропорт ишин алгъынча бардырады, Москвагъа эки рейс бла самолётла учадыла – Шереметьевогъа бла Внуковогъа. «Халны тюрлениуюне дайым кёз-къулакъ болгъанлай турабыз. Шёндю пассажирлени ташыу чырмаусуз бардырылады», - дегенди Казбек Коков.