Кесин кёргюзтюрге хазырды

Тамбла  Алматы шахарда  АСА 105 лиганы кезиулю турнири ётерикди. Анга бабугентчи  спортчу жашыбыз Тюменланы Кязим да къатышады. Бу ассоциация Кязим бла келишимни озгъан жыл сентябрь айда этгенди.

Бу кюнледе Тюменланы къауум Къазахстаннга келгенди. Алагъа андагъы жерлешлерибиз, хар замандача, жарыкъ тюбегендиле. Кязимни  сермешге дери борчу артыкъ килограммларын кетериу эди да, ол тохтаусуз жарау этип тургъанды. Алай бла малкъарлы жаш  жангы лигада кесин кёргюзтюрге  хазырды. Бу жол ол къыргъызлы Рустамбек Аманбаев бла сынарыкъды кючюн.