Россейни аскери «Точка-У» ракета комплекслени хайырланадыРоссейни аскери «Точка-У» ракета комплекслени хайырланады. Аны юсюнден Луганск шахарны тёгерегинде аскер техниканы жыйылып баргъаныны юсюнден украинлы телеканалла жалгъан видеону жайгъандыла, деп билдиреди войнасфейками.рф телеграм-канал. Видеогъа ашыкъмагъанлай тынгылы къарасанг, баргъан машиналаны къаллай бояугъа боялгъанлары кёрюнюп турады. Ол бояу Украинаны аскерини машиналарыны официал бояуларыды. Кёргюзтюлген видеода бир-бирге ушагъан суратла кёпдюле. Баям, ала союз аскерчилеге Украинаны аскеринден тюшген болурла - трофейча эм аланы ремонт этерге неда консервациягъа салыргъа элтедиле. Россейни аскерчилери хайырланнган V белги, баям кеслерини жанындан ол колоннагъа от ачмасынла деп салыннганды. Мындан алгъа, украинлы каналла жайгъан видеода «Точка-У» комплексде трофейге тюшген россейли байракъны кёргюзтгендиле. Видеону качествосун иги да тюшюрюп, анда Украинаны аскерини бояуу болгъаны хазна эсленмезча этгендиле. «Точка-У» комплекслени россейли аскерчиле 2019 жылдан бери жюрютмейдиле, ол ракеталаны орунуна шёндюгюлю «Искандерле» бла «Калибрла» хайырланадыла. Аны юсюнден войнасфейками.рф телеграм-канал бир ненча кере билдиргенди. Болсада украинлыла Россейни аскери «Точка-У» комплекс бла Краматорскну вокзалына атханды деп, ётюрюк хапарны жайгъандыла. Россейни жаны ол алай болмагъанын шартла бла билдиргенди, башхача айтханда, ракетаны серия номери Украинаны аскеринде жюрютюлгенин кёргюзтеди.
Поделиться:
Читать также:
12.04.2023 - 17:12 →
Россейде «Къырал жумушланы» юсю бла электрон халда повесткала жиберип башлагъандыла
06.04.2023 - 09:15 →
Депутатла энчи аскер операциягъа къатышамыдыла?
17.10.2022 - 08:56 →
Украинаны аскери 26 россейли дронну кюйдюргенди
03.10.2022 - 10:02 →
Луганск халкъ республикадан Россей сабийлени кесине алыргъа кюрешеди
28.09.2022 - 08:31 →
Москвада кёп функциялы аралада студентлеге повесткала бередиле
|