Жангылыкъла

Къабарты-Малкъаргъа  «Маданият» миллет проектни чеклеринде  жангы автоклубланы биринчи къаууму келтирилгенди. Бу жол энчи техника Чегем бла Лескен районлагъа берилгенди. 

Нальчикни мэриясы  шахар тийрелени тапландырыу ишни андан ары бардырады. Алгъаракъда Театр орамда скверни проектин сайлар муратда ачыкъ конкурс ётдюргенди. 

Элбрус районну краевед музейинде  КъМР-ни, КъЧР-ни халкъ поэти, РФ-ни, КъМР-ни Къырал саугъаларыны лауреаты Зумакъулланы Мустафаны къызы Танзиляны 85-жыллыкъ юбилейине аталгъан  «Бизни Танзиля»  атлы кёрмюч ачылгъанды.

Черек районда уллайгъанланы жокълау, алгъышлау, саугъалау ахшы тёреге айланнганды. Алагъа къуралгъан тюбешиуле  бир бирлерин тансыкъларгъа, ушакъ этерге,  солуп, зауукълукъ алыргъа да онг бередиле.

Озгъан ыйыкъда Х.М.Бербеков атлы Къабарты-Малкъар къырал университетде «Право эм экономика: алгъа барыу эм цифралы технологияла» деген  аты бла халкъла аралы илму-сынам конференция ётгенди. Бу магъаналы иш Россейни ал тинтиулени фондуну ахча болушлугъу бла КъМКъУ-ну право, экономика эм финансла институтуну башламчылыгъы бла бардырылгъанды.

 Тёрт мингден аслам студент бла школчу къатышхандыла «Сабийлерибизни саулукълары эм къоркъуусузлукълары ючюн» деген акцияны экинчи бёлюмюне. 

Республиканы ара шахарында юйлеге жылыу бериу кезиу 21 октябрьде башланнганды, деп билдиргендиле муниципалитетни пресс-службасындан.

Сабийлеге экология жаны бла билим берир умутда Нальчикде экинчи номерли лицейни гитче классларында окъугъанлагъа деп бу кюнледе «Гитчеликден окъуна экопознание» деген акция бардырылгъанды. 

«Алтын кюз арты»  деген  21-чи эл мюлк  кёрмючде «Россельхозбанкны» правленини таматасы Борис Листов 2019-2020 окъуу жыллада  54  аграр университетни   иги окъугъан студентлерине  банк стипендияла тёлеп башларыгъын билдиргенди.  Программагъа Къабарты-Малкъар къырал Аграр университет да киргенди. 

Нальчикде,Къабарты-Малкъар къырал аграр университетни тийресинде, Росгвардияны «Къоркъуусуз шахар» деген фестивалыны регион кезиую ётгенди. Анга республиканы ара шахарында болгъан юч вузну студентлери, школчула, Битеуроссей халкъ фронтну активистлери, Атажукино элде кадет школну сохталары, жамауат да къатышханды.