Жорукъланы сакълагъан водительлеге – бюсюреу!

Къырал автоинспекцияны Черек районда къуллукъчулары водительлени жолда бир бирге намыс этерге чакъыргъандыла. Полициячыла жолда жюрюуню жорукъларын сакълагъанлагъа «Водительге - лайк» деген жазыулары бла открыткала юлешгендиле. Аланы уа волонтерла кеслери ишлегенлерин айтырчады.

Инспекторла дагъыда шахарлада, элледе машинада жюрюуню жорукъларын эсгертип, водительлени  къызыу бармазгъа эм сабий жолгъа чартлап чыгъаргъа къоркъуулу жерледе сакъ болургъа,  тынч айланыргъа чакъыргъандыла. 

- Водительле бла жаяу баргъанла бир бирлерине ёч болмазгъа керекдиле. Алагъа  хурмет этигиз, адамны, машинадача, къоркъуусузлукъну жастыгъы болмагъанын   эсигизде тутугъуз, - деп чертгендиле полициячыла.

Холамханланы Алима.