Аманлыкъчылыкъны тохтатыргъа онг барды

Коррупция бла байламлы законлагъа бузукълукъланы юслеринден Сюд приставланы федерал службасына белгили этерге боллукъду. Аллай билдириуле аманлыкъчылыкъны тохтатыргъа, анга къажау мадарланы бардырыргъа онг бередиле.

Ведомствону республикада бёлюмюнде «ышаныулукъну телефону» къуралгъанды. Ол сау кюнню ишлейди. 8 (8662) 40-71-72 номерге сёлешип, приставланы законсуз ишлерини юслеринден билдирирге боллукъду. Бу мадарла ведомствону ишини ачыкълыкъларын жалчытадыла, дагъыда ол инсанланы излемлерин тамамлауну хайырлы амалыды. Хар билдириу да тинтилип, законлагъа бузукълукъла ачыкълансала, тийишли мадарла бардырыладыла.