|
|
Все статьи
15 февраля, 2019 - 09:15
"Саулукъ" миллет проектге тийишлиликде Къабарты-Малкъарда "Родовой сертификатла" деген программа жашауда бардырылады. Анга акушерство эм гинекология неда педиатрия жаны бла ишлерге лицензиялары болгъан эмда РФ-ни Социал страхование фондуну регион бёлюмю бла келишим этген больницала къошулургъа эркиндиле.
15 февраля, 2019 - 09:10
КъМР-ни, республиканы Экономиканы айнытыу министерствосуну болушлугъу бла Инновациялы чыгъармачылыкъны «Новатор» даш тёлю арасы (ЦМИТ) къуралгъанды. Аны юсюнден учрежденияны башчысы Милана Чемазокова билдиргенди. «Аны ишини баш магъанасы - инновациялы оюмланы жашауда бардырыргъа юйретиудю», - дегенди ол.
15 февраля, 2019 - 09:05
Ленинград азатланнганлы 75 жыл толгъанына аталып, Санкт-Петербургда каратеден "Невский факел" деген XXX битеуроссей турнир къуралгъанды. Анга къыралны 25 регионундан тюрлю-тюрлю жыл сандагъы 900-ге жууукъ спортчу къатышхандыла.
15 февраля, 2019 - 09:02
Оюмлу оноучу
Созайланы Аслангерийни жашы Мухашны Хасанияда танымагъан, намыс-сый бермеген хазна адам болмаз. Ол элге башчы болгъанда этген ахшылыгъын кёпле унутмай турадыла. Сабырлыгъы, адамлагъа тынгылай билгени, эллилени жашауларын игилендирир ючюн, къолдан келгенни аямагъаны ючюн хурмет этедиле анга.
15 февраля, 2019 - 09:00
17 февральда Элбрусну тёппесине СССР-ни байрагъы орнатылгъанды
1942 жылда июльда фашист аскерле Донну жанындан Шимал Кавказгъа чабыуулну башлайдыла. Аскер-техника жаны бла онглу немеслиле алгъа терк барадыла. Гитлер командованияны муратлары уллу эдиле: къысха заманны ичинде Кавказ тауланы зорлап, Тбилиси, Кутаиси, Сухуми жанына чыгъып, анда нефтьни къолгъа этерге, Жууукъ эм Узакъ Востокну къыралларын къорууларгъа эмда Тюркню фашист блокга къошаргъа.
15 февраля, 2019 - 08:55
Ол къыйын эмда къоркъуулу жыллада Афганистаннга жиберилгенледен бири Зумакъулланы Мустафаны жашы Борис болгъанды. Ол ары КПСС-ни Къабарты-Малкъар обкомуну секретарыны къуллугъунда ишлеп тургъанлай, КПСС- ни Ара Комитетини бла СССР-ни Правительствосуну оноуу бла барып, 1985-1986 жыллада анда тургъанды. Бюгюн биз аны ол къазауатны юсюнден бир-бир эсгериулерин басмалайбыз.
13 февраля, 2019 - 08:29
Къабарты-Малкъар Республиканы Нальчикдеги аскер комиссариаты 2019 жылда Россей Федерацияны Къоруулау министерствосуну, башха министерстволаны бла ведомстволаны бийик билим берген аскер окъуу юйлерине кирирге сюйгенлени араларында сайлаула башланнганларын билдиреди. Аны юсюнден толу хапар билир ючюн аскер комиссариатха келирге керекди. Аны адреси: Нальчик ш., Вологиров ор.,26 (45-чи номерли кабинет).
13 февраля, 2019 - 08:25
Москвада «Олимпийская деревня-80» спорт комплексде грек-рим тутушуудан ара шахарны биринчилиги болгъанды, андан Къабарты-Малкъардан гёжефле тогъуз майдал келтиргендиле.
13 февраля, 2019 - 08:22
«Гитче-футболну – школгъа» деген битеуроссей проектни чеклеринде Нальчикде республикалы эришиу къуралгъанды.
13 февраля, 2019 - 08:21
КъМР-де гитче эмда орта бизнесни айнытыу жаны бла Корпорация, республиканы Правительствосуну болушлугъу бла, бюгюн эмда тамбла семинарла бардырлыкъды. Алада предпринимательлеге бу Корпорация эмда «МСП Банк» акционер общество финансла, гарантияла эмда лизинг жаны бла къаллай болушлукъ бергенлерин билдирликдиле. Аны бла бирге предпринимательлени уллу заказчиклени излемлерин жалчытыуну энчиликлери бла шагъырейлендирликдиле.
13 февраля, 2019 - 08:17
Тюзетиучю учреждениялада тургъан тутмакъланы да энди бийик билим алыр онглары барды. Москвада "Синергия" финанс-промышленный университетни регион келечиси Владимир Кулагин бу кюнледе КъМР-де УФСИН-ни колонияларында болгъанды эмда анда тургъанланы вузну факультетлери, билим бериу программалары бла да шагъырей этгенди, окъутуу къалай къуралгъанындан да хапар айтханды.
13 февраля, 2019 - 08:16
Халкъны кёлден чыгъармачылыгъы
Жашауубузда, турмушубузда тюбеген затланы эслей, аланы магъаналарына тюшюнюрге да излейсе. Бирде окъууу, жазмасы болмагъан халкъ кесини эсинде, ангында къаллай бир байлыкъны сакълагъанына тамашагъа къаласа.
13 февраля, 2019 - 08:12
Уллу Хорламны 74-жыллыгъына
Хабазчы жаш Тюбейланы Хаким билимге итиннгенди. Эл школну бошагъандан сора Пятигорскда рабфакга киргенди, ызы бла Нальчикде пединститутда окъугъанды. Бек мамыр усталыкъда ишлер, атасы Хажи-Омарча, жамауатына жарар акъылы бар эди, алай кюйсюз уруш аны умутларын бир да жан аурутмай юзгенди.
13 февраля, 2019 - 08:11
Къабарты-Малкъарда къошакъ билим бериу жаны бла «Тохтаусуз айнытыу арада» «Тюрлю-тюрлю категориялы окъуучуланы финансладан билимлерин ёсдюрюрча курсланы къурау эмда методикасы» деген программагъа кёре дерсле къуралгъандыла. Аны финансла жаны билим берген Шимал-Кавказны халкъла аралы методика арасы (ММЦ) бардыргъанды. Анга республиканы окъуу учрежденияланы эм профессионал билим бериу организацияланы устазлары къатышхандыла. Ала энчи эм юйюрню финанслары, финанс инструментле эм аланы къыйматлы хайырланыу жаны бла теорияны ётгендиле.
13 февраля, 2019 - 08:10
Акъ-Суудан Махийланы Юсюпню жашы Жагъафарны 1984 жылда жаз башында чакъыргъан эдиле аскерге. Узакъ да бармай, Дондагъы Ростов тийресинде орналгъан окъутуу аскер бёлюмге тюшеди. Эки ай турады жаш анда. Кече-кюн да топдан атдырыргъа тюшеди. Марагъан илишанын агъызмай къоймайды. Аны ючюн командирлеринден кёп кере ыспас ала тургъанды.
13 февраля, 2019 - 08:09
Быйыл Россейде гитче мюлклеге себепликге деп къырал 15,3 миллиард сом къоратырыкъды. Озгъан жыл бла тенглешдиргенде (11 миллиард) ол 40 процентге асламды, деп билдиргендиле КъМР-ни Эл мюлк министерствосундан.
Ал тергеулеге кёре, ахча 3200 фермер мюлкге бла эл мюлк кооперативге юлешинирикди. Дагъыда «Фермерлеге себеплик этиу системаны къурау эмда элледе кооперацияны айнытыу» деген федерал проектни чеклеринде быллай мюлклени бла кооперативлени айнытыугъа къошакъ халда 5,3 миллиард сом берилликди. Аны хайыры бла быйыл 18200 чакълы жангы предприятие къураллыкъды.
13 февраля, 2019 - 08:08
Тырныауузда боксдан халкъла аралы матч эришиуле бардырылгъандыла. Алагъа Россейни, Польшаны, Азербайджанны бла Къабарты-Малкъарны жыйымдыкъ командалары къатышхандыла.
13 февраля, 2019 - 08:07
Чегем шахарда «Долина Кавказа» жашау журт комплексде жашагъанла къырал машина жолну (шоссени) бир жанына къыйналып ётгенлерин КъМР-де битеуроссей миллет фронтну бёлюмюне (ОНФ) билдиргендиле. Ала жамауатны тарыгъыуун Росавтодорну автомашина жоллагъа къарагъан «Кавказ» управлениясына жибергендиле.
13 февраля, 2019 - 08:03
Кёп болмай Къабарты-Малкъар къырал университетде «Leisurebusinesstravel» тюрк компанияны таматасы Илимдар Риза студентле бла тюбешгенди эмда туризм жаны бла бизнесни къурауну, ол жетишимли ишлерча не этерге керек болгъаныны юсюнден ушакъ бардыргъанды.
13 февраля, 2019 - 08:00
Жууапла табылмагъан соруула
Мен кимме, къайданма, киши жерине къалайлыкъ бла тюшгенме, не болгъан эди манга, мени атама бла анама, тенглериме, миллетими адамларына деген акъыл башыма биринчи кере къачан келгенин шёндю эсиме тюшюралмайма, тюзюн айталлыкъ тюйюлме. Жаланда мен билген – аллай сагъышла башыма эртте киргендиле, мен школгъа жюрюп башлагъынчы, окъургъа эм жазаргъа юйреннгинчи.
Страницы
|
