|
Все статьи
8 февраля, 2019 - 08:20
Быйыл 3 февральда ингирде сагъат бирде Нальчикден Эльбердов атлы орамда авария болгъанды. Насыпха, аны кезиуюнде бир адам да ачымагъанды. Болсада алайгъа жетген автоинспекторла «ВАЗ-21099» машинаны 29-жыллыкъ водители эсирип тургъанына ишекли болгъандыла. Артда аны медицина тинтиуле да кёргюзтгендиле.
8 февраля, 2019 - 08:17
Нальчикде Универсал спорт комплексде 18 жыллары толмагъан гёжефлени араларында грек-рим тутушуудан СКФО-ну биринчилиги бардырылгъанды. Анга Дагъыстандан, Ингушетиядан, Къабарты-Малкъардан, Къарачай-Черкесден, Шимал Осетия-Аланиядан, Чеченден бла Ставрополь крайдан 300-ге жууукъ адам къатышханды.
8 февраля, 2019 - 08:15
Кёп болмай Къабарты-Малкъарны «Жемчужина» эмда «Помоги ближнему» деген муслийман организациялары эм Хасанияны бла Прохладнаны дин ахлулары жандауурлукъ акция бардыргъандыла.
8 февраля, 2019 - 08:12
9-11-чи классланы окъуучуларыны араларында «Туугъан жерими эсгертмелери» деген темагъа республикалы тёрели адабият-тарых эришиу бардырылгъанды. Аны Тарых эм маданият эсгертмелени сакълагъан битеуроссей обществону регионда бёлюмю тин хазнабызны сакълар, жаш тёлюню туугъан жерге сюймекликде ёсдюрюр, аланы Ата журтларыны аллында борчларына жууаплы кёзден къараргъа юйретир муратда къурагъанды.
8 февраля, 2019 - 08:12
Россейде ишлерин эм иги билген бухгалтерле къайда уруннганларын билир ючюн «Консалтинг Групп» компанияны специалистлери рейтинг къурагъандыла. Анга кёре Шимал Кавказны тёрт регионуну бухгалтерлери беш биринчи тизмеге киргендиле. Биринчи жерни Ингушетия алгъанды. Чечен - экинчи, Шимал Осетия - ючюнчю, Къабарты-Малкъар - тёртюнчю эм Вологод область бешинчи жерге тийишли болгъандыла.
8 февраля, 2019 - 08:10
Арт кезиуде бирле кеслерине саулукъ сакълау учреждениялада багъаргъа унамай, ислам бла байламлы мадарланы излегенлерини юслеринден эшитирге тюше туруучуду. Муслийманла къырал медицина системаны онглары бла хайырланыргъа эркинмидиле, ислам къан бериуге, башха операциялагъа къалай къарайды? Бу эм кёп башха соруулагъа жууапла излеп, биз «Ислам в Евразии» регионла аралы газетни баш редактору, Аль-Азхар университетни бошагъан Аккайланы Хасим хажи бла ушакъ бардыргъанбыз.
8 февраля, 2019 - 08:07
Гитлерчи ууучлаучуланы ууатыугъа, 1941-1945 жыллада Уллу Ата журт урушда Хорламны келтириуге Къабарты-Малкъарны халкълары да уллу къыйын салгъандыла. Аны жашлары бла къызлары битеу фронтлада жигитлеча сермешгендиле, батырлыкъны юлгюлерин кёргюзтгендиле.
8 февраля, 2019 - 08:05
Мечиланы Кязим туугъанлы – 160 жыл
Бюгюн да хар айтхан сёзю, нарт сёзча, халкъ айтыуча, жашауда жол нёгерибиз болгъан Кязим хажи озгъан ёмюрню бек сейирлик, билимли да, акъылман да адамларындан бири эди. Билген Аллахды, миллетге аллай адамны къошуп, аллай насыпны къадар кёп халкълагъа бере болмаз.
8 февраля, 2019 - 08:03
Халкъны кёлден чыгъармачылыгъы
Окъууу болмагъан халкъ бурун заманлада окъуна кесини жашауунда, турмушунда тюбеген ахшы затланы багъалагъанды. Аны бла бирге уа ол кемчиликлени кетерирге болушхан, акъыл, тюз оюмлу, терен магъаналы сёзлени тап жарашдыргъанына сейирсинесе, хурмет бересе.
8 февраля, 2019 - 08:00
Геляхланы Исхакъ атамы экиге айланнган эгечини баш иеси эди. Ол бизни юйге келип, атам бла стол артында сагъатла бла олтуруп, кёп хапар айтып кетиучюсю бюгюн да эсимдеди. Биз а, сабийле, ойнай кетип, бирде уа шошайып, хапарларына къулакъ салып тынгылагъанбыз. Алай, жарсыугъа, ол заманда кёп затны ангыламагъанбыз. Бирде уа алагъа школну директору Холаланы Якуб да къошулур эди. Сора ючюсю да озгъан жылларын эсгере, ингир къарангысына дери олтурур эдиле.
6 февраля, 2019 - 09:45
«Газпром газораспределение Нальчик» компанияны специалистлери былтыр бардыргъан рейдлени кезиуюнде, газ ызлагъа эркинликсиз къошулгъан 412 шарт ачыкълагъандыла. Ол санда 54-сю къайтарылып этилген бузукълукъладыла, деп айтылады компанияны интернет-сайтында.
6 февраля, 2019 - 09:40
Нальчикде «Атлант» тренажёр залда орус жимден (штангагъа бир тюрлю ауурлукъну салып, аны талай кере кётюрюу, хорлагъаннга штанганы эм кёп кере кётюрген саналады) Къабарты-Малкъарны биринчилиги бла чемпионаты бардырылгъандыла. Эришиулени «Нальчик» спорт школ бла республиканы пауэрлифтингден федерациясы къурагъандыла. Анга регионну районларындан бла шахарларындан 100-ге жууукъ адам къатышханды.
6 февраля, 2019 - 09:30
Къабарты-Малкъарда былтыр эл мюлк продукцияны ёлчеми 1,8 процентге ёсгенди. Буруннгу жыл бла тенглешдиргенде, ол 46, 891 миллиард сомгъа жетгенди, деп билдиредиле Шимал Кавказстатдан.
6 февраля, 2019 - 09:25
Нальчик шахарда «Успех» билим бериу арада наркотиклеге къажау «Сабийлерибизни саулукъларын эмда къоркъуусузлукъларын къоруулау» деген республикалы акцияны чеклеринде экстремизм бла наркомания, ичгичилик, тютюнле адамгъа къаллай уллу хата келтиргенлерини юсюнден лекцияла окъулгъандыла.
6 февраля, 2019 - 09:20
Гергъокъланы Биасланны жашы Исмайылны (Чортайны) уллу, ариу, билимли юйюрюню къадары халкъыбызны, битеу къыралыбызны да тарыхыны бир бетиди.
6 февраля, 2019 - 09:10
РусГидро компанияны Къабарты-Малкъарда бёлюмю былтыр бизни республикада онеки социал учреждениягъа болушлукъ этгенди. Бу иш аны «Таза энергия» деген программасыны чеклеринде тамамланнганды, деп билдиргендиле бёлюмню пресс-службасындан.
6 февраля, 2019 - 09:05
Бюгюнлюкде Россейде миллет тилледе 2,5 минг газет чыгъады. Аланы 22 проценти уа Татарстанда басмаланады. Алай бла шёндю бу республикада 574 газетни анда жашагъан халкъланы тиллеринде окъургъа боллукъду. Аны юсюнден регионну «Татмедиа» басма эм асламлы информация коммуникацияла агентствосу билдиреди.
6 февраля, 2019 - 09:00
Элбрус районну спорт школуну баш борчларындан бири даражалы эришиуледе хорлаяллыкъ спортчуланы хазырлауду, ала бу ишни жетишимли да толтурадыла. Жылдан-жылгьа школда къарыулу, бийик усталыкълы гёжефлеге уллу спортха жол ачылады.
6 февраля, 2019 - 08:55
Быйыл 15 февральда совет аскерле Афганистандан чыгъарылгъанлы 30 жыл болады. Аны къыралда магъаналы жамауат-политика юбилейнича белгилерикдиле. Афган урушну отуну ачылыгъын сынагъан жаш адамла мингле бла саналадыла. Совет аскерни 14 мингден аслам солдаты бла офицери ол къазауатда жоюлгъандыла. Къабарты-Малкъардан а 1800 адам чакъырылгъан эди да, аладан 54-сю от жагъаларына къайталмагъандыла, 300 чакълы бири, къазауатда алгъан жараладан бла аурууладан тюзелмей, мамыр заманда ёлгендиле.
1 февраля, 2019 - 10:00
Алгъын ауругъаннга дарман тапхан къыйыныракъ эди. Бюгюнлюкде уа ол жаны бла эркинди. Аланы энчи аптекаладан сора да, тюкенледе окъуна сатадыла. Болсада жалгъан дарманла кёпдюле деп хапарла жайыла турадыла да, алагъа ийнанмагъанла асламдыла.
Страницы
|