|
|
Все статьи
13 марта, 2019 - 08:13
РФ-ни Пенсия фондуну республикада бёлюмю сакъат адамла, фондха келип, жумушларын тамамлаялырча онгла къураугъа энчи магъана береди. Бу ишни «жол картагъа» таянып бардырады. Ол а къыяулары болгъан адамла мекямлагъа, транспортха киргенде, связь бла хайырланнганда, башха жумушларын этгенде тюбеген чурумланы табар эм аланы кетерир муратда жарашдырылгъанды.
13 марта, 2019 - 08:12
Къабарты-Малкъар къырал аграр университетде «Гитче мюлкле – эллени ышаннгылы айнытыуну мурдору» деген ат бла информациялы – билим бериу семинар бардырылгъанды. Бу иш республиканы Жамауат палатасыны АПК-ны эмда эл тийрелени айнытыу комиссиясыны башламчылыгъы бла регионда фермерлеге болушур эмда эл мюлк кооперацияны айнытыугъа себеплик этер умутда къуралгъанды.
13 марта, 2019 - 08:10
РФ-ни Эл мюлк министерствосу бла Къабарты-Малкъарны Правительствосу «Халкъла аралы кооперация эм экспорт» миллет проектни чеклеринде келишим бегитгендиле. Анга кёре республикада чыгъарылгъан эл мюлк продукцияны экспортха жибериуге себепликге 110 миллион сом бёлюнюрюкдю,- деп билдиргенди КъМР-ни эл мюлк министерствосунда финансла, экономика эм къырал болушлукъ берген управленияны таматасы Ирина Кулакова.
13 марта, 2019 - 08:09
Кир-кипчикни ташыу ючюн тёленнген ахчаны ёлчеми юйде жашагъанланы санына кёре тергеледи (РФ-ни Правительствосуну 2011 жылда 6 майдан 354-чю номерли бегимине тийишлиликде). Ол кеси да бир журтда неда фатарда дайым тургъанлагъа кёре угъай, талай заманны башха жерде жашагъанлагъа кёре да.
13 марта, 2019 - 08:08
Къабарты-Малкъарда «Ростелеком» компания былтыр къырал эм коммерциялы 330 объектни связьны жангы тюрлюсюне – оптикалы волокногъа кёчюргенди. Анга деп компания 75 километр чакълы бирге жангы ыз тартханды.
13 марта, 2019 - 08:07
Эки ыйыкъны ичинде «Единая Россияны» «ПолитСтартап» проектине къатышыргъа сюйгенлерин 2,5 минг адам билдиргендиле. Бютюнда кёп заявкала Санкт-Петербургдан, Кърымдан, Татарстандан, Волгоград, Мурманск, Ростов эм Москва областьладан келгендиле. Аны юсюнден партияны Генеральный советини президиумуну келечиси РФ-ни Къырал Думасыны депутаты Алена Аршинова билдиргенди.
13 марта, 2019 - 08:05
Таулу тиширыу не заманда да юйюр тутуругъу бола келгенди – сабий ёсдюреди, аланы ата-бабадан келген ариу къылыкъгъа юйретеди, жууукъ-ахлу жюрютеди, бюгюнлюкде уа, кеси ишинден сора, жамауат ишге да тири къатышады. Аны бла кеси тукъумун, баргъан жерин да жарытып, жылытып, жашау мадарын этерге итинеди.
13 марта, 2019 - 08:04
Кёп болмай Элбрус районда Къабарты-Малкъар къырал университетни билим бериу-илму базасында «Республиканское движение «Наставник» деген форум бардырылгъанды. Анга жюзге жууукъ адам къатышханды. Аны КъМКъУ-ну студентлерини бла аспирантларыны профсоюзу, Насийхатчыланы биригиулери регионла аралы жамауат организация эм «Росмолодёжь» къырал агентство КъМР-ни эллеринде 16-23 жыллары болгъанланы араларында законла чыгъарыучу эм толтуруучу власть органлагъа кадрла хазырлар умутда къурагъандыла.
13 марта, 2019 - 08:01
Бизни не заманда да халкъдан ыспас алып, сюйген ишлерин бет жарыкълы тамамлагъан врачларыбыз аз тюйюлдюле. Аланы болушлукълары кёп юйюрлени умутларын юзмезге себеплик этгенлей келеди. Аллайларыбыздан бири Нальчикде «Элифия» клиниканы баш врачы Шауаланы Венерады
13 марта, 2019 - 08:00
Озгъан шабат кюн Нальчикде "Ностальжи" кафеге бир да болмагъанча кёп адам жыйылгъан эди. Келгенлени хар бирине да босагъадан окъуна жарыкъ тюбегендиле, сабийлерине уа бёркчюкле, илляула да юлешгендиле. Андан сора татлы ашарыкъладан толгъан столлагъа чакъыргъандыла. Артыкъ уллу болмагъан залда ол кюн жетмишге жууукъ адам олтура эди. "Кураж" къауум оюнлары, жырлары бла да къонакъланы эрикдирмей тургъанды.
6 марта, 2019 - 14:35
Олимпиада оюнланы чемпиону Борис Гуревични хурметине Москвада грек-рим тутушуудан жаш спортчуланы араларында халкъла аралы эришиу къуралгъанды. Анда бизни республикадан кеслерини ауурлукъ къауумларында алтын майдалны Астемир Бижоев къытханды, «кюмюшню» Абдул Калибатов келтиргенди, «доммакъ» а Улбашланы Адамгъа жетгенди.
6 марта, 2019 - 14:34
Нальчикде къатыш аскер единоборстволадан республиканы биринчилиги бла чемпионаты бардырылгъандыла. Элбрус районну олимпиада резервли спорт школундан гёжефле анда ахшы кёрюмдюле болдургъандыла, ала юч майдал къытхандыла. 16-17-жыллыкъ спортчуланы араларында кюмюш майдалны Шауаланы Хамзат (65кг.) къытханды.
Онсегиз жылдан абадан спортчулада уа Байзуллаланы Баттал (53кг.) бла Гюлюйланы Аслан (84кг.) доммакъ майдалла алгъандыла. Жашланы тренер Арсен Губашиев юйретеди.
6 марта, 2019 - 08:24
РФ-ни Ич ишле министерствосуну билим бериу организацияларында окъургъа сюйгенле чакъырыладыла. Кандидатла РФ-ни инсанлары болургъа керекдиле, аланы миллетлерине, социал болумлары, къолайлыкълары, динлери, жамауат организациялада ишлери эсге алынмайды. РФ-ни Сауутланнган кючлеринде къуллукъ этгенле, граждан жаш тёлю да кирирге эркиндиле. Жаланда регионда ич ишле органны жууаплы бёлюмюне заявление жазаргъа керекди. Анда атын, тукъумун, атасыны атын, къайсы билим бериу учреждениягъа, факультетге кирирге сюйгенин билдирирге тийишлиди.
6 марта, 2019 - 08:23
Нальчикде жюзюуден республиканы биринчилиги бардырылгъанды. Анга 70 жаш спортчу къатышханды. Ала 50 метрге эркин , брасс, аркъада эм баттерфляй халда жюзюп эришгендиле.
Турнирде кеслерини жыл санларында Дарья Антоненко, Никита Золоев, Бачиланы Ахмат, Датчиланы Тамирлан, Исмаил Пшигошев, Башиланы Дамир, Дамир Маршенкулов, Никита Золоев эм башхала алчы жерле алгъандыла.
6 марта, 2019 - 08:22
РФ-ни Пенсия фондуну Чегем районда жер-жерли бёлюмю абадан адамланы компьютерге юйретиуню жангы курсларын ачханды. Биринчи дерсге аны башчысы Алим Карданов, районну пенсиячыларыны союзуну таматасы Махти Кабардиков, ветеран организацияны башчысы Борис Арипшев, сакъатланы район обществоларыны башчысы Михаил Бегидов эм башхала келгендиле.
6 марта, 2019 - 08:21
Тюз да аланы сакълап тургъанча, бери жетген кюнлерини экинчи эрттенлигинде Асланланы юйлерине бир уллу санлы киши кирип келди. Алыкъа жыйышдырылмай, мюйюшледе тёгюлюп тургъан хапчюклеге да кёз жетдире, жукъ да айтмай, бир кесек сюелди. Сора Аслан аны бетине тюрслеп къарагъанын эслеп:
6 марта, 2019 - 08:21
1951 жылда кюз артында мен, ВЛКСМ-ни Ара Комитетинде Къазахстанны бла Орта Азияны республикаларыны комсомол организацияларыны секторуну таматасы болуп ишлегенимде, жыйырма кюннге Къыргъыз ССР-ге командировкагъа баргъан эдим. Бизни самолётубуз республиканы ара шахары Фрунзени аэропортунда къоннганда, кюн, кёкню къыйырын къызартып, батаргъа жууукълашхан эди.
6 марта, 2019 - 08:20
Ол эрттенликде шауурдатчы жашчыкъла бла къызчыкъла кеслерини устазлары Улбашланы Наныуну къызы Фатиматха жаз башыны биринчи саугъасын – тау гюллени – берир сагъатда, эллилени Зына ёзенине эндирип, автомашиналагъа миндирдиле…
6 марта, 2019 - 08:19
Къыркъ тёртюнчю жылда февральны экинчи жарымында бизни, Къабарты-Малкъар къырал пединститутну биринчи курсунда окъугъан малкъарлы студентлени, онбеш кюннге солургъа барыгъыз деп, къолубузгъа справка маталлы бир къагъытчыкъланы да тутдуруп, юйюбюзге ашырдыла. Таулуланы, къабартылыланы да кёчюрген этерикдиле деген хапарны ары дери да эшитген эдик. Ич аскерледе къуллукъ этген бир подполковник таныш тиширыуундан айтдыргъан эди Черкесланы Мариямгъа. Мариям а ол тиширыуну юйюнде фатарда жашай эди. Бу къызчыкъны, дегенди подполков¬ник, айт да, юйлерине кетмеге къой, нёгерлерине да билдирсин.
6 марта, 2019 - 08:19
Къыркъынчы жылланы башында Темирбекланы Алийни бла аны юй бийчеси Кемилятны юйюрю мамыр жашауну монглугъуна къууана жашай эди.
Алай тауусулмагъан насып хазна бола болмаз. Бу юйюрге да ол къысха болжал бла берилген кёре эдим. Уллу Ата журт уруш, битеу совет халкъныча, Алийни бла Кемилятны толу юйюрлерини тынчлыгъын да алды. Эки жашы, юч киеую да бир бири ызларындан урушха кетдиле, къызла, къарындашларыны орунларына къалып, колхозда бичен чалдыла, мал кютдюле. Атаны бла ананы алгъыннгы мол жюреклери къайгъыдан толду. Ала, почтачы арбазларына айланса, къачып, бугъа башладыла. Нек десегиз, ол кюнледе кьара къайгьы кёплени эшиклерин къагъа эди.
Страницы
|
