Мураты - аналаны бла къагъанакъланы саулукъларын кючлендириудю

"Саулукъ"  миллет проектге тийишлиликде Къабарты-Малкъарда  "Родовой сертификатла" деген программа жашауда бардырылады. Анга  акушерство эм гинекология  неда педиатрия  жаны бла ишлерге  лицензиялары болгъан эмда РФ-ни  Социал страхование фондуну   регион бёлюмю бла келишим этген  больницала  къошулургъа  эркиндиле.

2018  жылда  Фонддан республикада болгъан багъыу  учреждениялагъа сабийден ауурлукълары болгъан тиширыулагъа берилген сертификатлагъа кёре 105 миллион сомдан аслам тёленнгенди. Аны  30  миллион сомдан артыгъы тиширыу консультациялагъа,  64 миллиону чакълы бири – роддомлагъа бла перенатал  аралагъа ётдюрюлгендиле.  Онбир миллион сом чакълы бирни уа  къагъанакълагъа жыл толгъунчу къарагъан   медицина организациялагъа бергендиле, деп билдиргендиле РФ-ни Социал страхование фондуну КъМР-де регион бёлюмюню пресс-службасындан.

Бу программа сабийле тууучу юйлени ырысхы-техника  онгларын игилендирир, аналаны эмда балаланы  араларында ёлюмню азайтыр эмда къагъанакъланы саулукъларын кючлендирир мурат бла жарашдырылгъанды. 

 

Холаланы Марзият.
Поделиться: