Все статьи

Айырыулада Владимир Путин ючюн 76 миллиондан аслам адам къол кётюргенди

РФ-ни Ара айырыу комиссиясыны таматасы Элла Памфилова билдиргеннге кёре, быйыл 15-17 мартда бардырылгъан айырыулада шёндю къырал башчыбыз болуп тургъан Владимир Путин ючюн 76 миллиондан асалам адам къол кётюргенди.

Жолла мардалагъа келиширча

Арт жыллада  Къабарты-Малкъарда солургъа сюйгенлени санына танг къошула барады. Ол себепден турист  маршрутлагъа сурам уллулай къалады.  Чегем чучхурлагъа, Чирик кёллеге, Бызынгыгъа эм  башха жерлеге барыргъа сюйгенле да кёпдюле.  Аны бла байламлы  тау  жолла къоркъуусуз болурча аслам эс бурулады.   Ол санда  «Экинчи Чегем-Булунгу» жолгъа да тынгылы ремонт этиледи. Ишле болжалдан кеч къалмай тамамланырларын республиканы Башчысы дайым контрольда тутады.  

Черек суугъа – къызыл чабакъчыкъла

РусГидро компанияны Къабарты-Малкъарда бёлюмюню келечилери кёп болмай Черек суугъа каспиялы лосось чабакъчыкъладан 103,7 мингин жибергендиле. Аны бла гидроэнергетикле суулада чабакъланы санын кёбейтиу программаларыны энтта да бир кесегин тындыргъандыла.

Эм кючлюлени санында

«Нальчик» спорт арада мас-рестлингден Къабарты-Малкъарны онунчу чемпионаты бардырылгъанды, ол спортну бу тюрлюсюн айнытыу «Легион» проектни чегинде ётдюрюлгенди. Эришиуге республиканы битеу районларындан бла шахарларындан жюзге жууукъ гёжеф къатышханды.

Жалгъан интеллектден къоркъуу чыкъмазча

Жыл сайын 15 мартда, Россей Федерацияда, башха къыраллада да Хайырланыучуланы эркинликлерин къоруулауну битеудуния кюнюн белгилейдиле.

«Россейге къошулуу азатлыкъны белгисиди эм тарых кертиликни байрамыды»

Къабарты-Малкъар Республиканы Башчысы Казбек Коков Кърым Республиканы Башчысы Сергей Аксёнов эмда Кърымны жамауатын Россейге къошулгъанларыны 10-жыллыгъы бла алгъышлагъанды.

Бардыргъан жумушуна кёлюн бере, жетишимлеге жетеди

Созайланы Иналны къызы Курданланы Жанна алимлик жолунда кёплеге сейир болгъан тинтиулени бардыра, ышаннгылы жетишимлеге жетгенди. Ол бусагъатда Къабарты-Малкъар къырал университетни «Прогрессив материалла эмда аддитив технологияла» деген арасыны полимерлени синтезлери бла байламлы бёлюмюню башчысыды эмда тамата илму къуллукъчусуду. Магистратурада иги окъугъаны эмда магъаналы илму тинтиуле бардыргъаны ючюн 2019 жылда РФ-ни Правительствосуну стипендиясына тийишлиди. Жети патентни, «Скопус» эмда «Feв or Science», Q1 халкъла аралы тизмелеге кийирилген журналлада басмаланнган 50 чакълы статьяны авторуду. Андан сора да, таулу къызны статьялары ВАК-ны журналларында дайым басмаланнганлай турадыла.

«Къабарты-Малкъар сайлауун этгенди!»

Къабарты-Малкъарда Россей Федерацияны Президентин айырыула къуралыулу ётгендиле. Ыйых кюн 20:00 сагъатда регионну битеу айырыу участкалары жабылып, участка комиссияла тергеулерин башлагъан эдиле. 

Уллу юйюр - миллетни тутуругъу

 РФ-ни Президенти Владимир Путинни буйругъу бла быйылгъы жыл Юйюрню жылына саналады. Аны бла байламлы биз газетде, сайтыбызда да кёп сабийли юйюрлени юслеринден материалланы басмалай турабыз. Бу жол Биттууланы Къаншауну жашы Илияс бла ушакъ этгенбиз. Ол республикада эм уллу малкъар юйюрледен биринде ёсгенди. 

Аурууну ал кезиуде ачыкъларгъа

Къабарты-Малкъарда «Саулукъ» миллет проект ишлеп башлагъанлы   багъыу махкемелеге 12 эндоскопия комплекс алыннганды.

Къайтырламы озгъан чакъла…

Алгъаракъда жумуш чыгъады да, тау эллерибизден бирине барыргъа тюшеди. Билеме жолну узакълыгъын.

Къабарты- Малкъарда юч кюнню ичинде бардырылгъан айырыула бошалгъандыла

Бюгюн 17 мартда республикада юч кюнню ичинде бардырылгъан Россей Федерацияны Президентин сайлау бла байламлы айырыула бошалгъандыла.

Казбек Коков айырыулагъа къатышханды

КъМР-ни Башчысы Казбек Коков Нальчикни биринчи номерли гимназиясында РФ-ни Президентин сайлау бла байламлы бардырылгъан айырыулагъа юйюрю бла къатышханды. Аны юсюнден республиканы оноучусуну пресс-службасы билдиреди.

Инсан борчларын толтургъанла 80 процентден атлагъандыла

Бюгюн 10 сагъатха Къабарты-Малкъарда Россейни Президентин  сайлау бла байламлы юч кюнню ичинде бардырылгъан айырыулагъа къол кётюрюрге эркинликлери болгъанланы 80 проценти къатышханды.  Аны юсюнден КъМР-ни Айырыу комиссиясы билдиреди.  

Элбрус районда айырыулагъа тири къатышадыла

Элбрус районда битеу да 21 айырыу участка барды. Аладан бири Бедикни сабий садында орналыпды. РФ-ни Президентин сайлау бла байламлы къол кётюрюрге айырыу участкагъа  Ахматланы юйюр да келгенди.

Биринчи эришиуде – ахшы кёрюмдюле

Москваны «Чкалов-Арена» спорт арасында эстетика гимнастикадан «Примавера» тёрели эришиу бардырылгъанды. Анда алты жыл сан къауумда саугъала ючюн къыралны аслам регионундан жюз спортчу сынашханды.

«Эм уллу саугъа - сабийле менде юйреннген эдик, деп атымы сагъынсалады»

Озгъан жылны ахырында Кёнделенни миллет тепсеуню «Тауланы жарыгъы» къаууму, Дагъыстанны ара шахары Махачкъалада «Magic Universe» деген  халкъла аралы уллу конкурсда «Кавказ тепсеу», «Жаш бла къызны лирика тепсеулери», «Таулу къызчыкъ» эм «Тау гюл» тепсеулерин кёргюзтюп, биринчи эм экинчи даражалы лауреатланы дипломларын, Гран-прини да алып къайтханды. Чыгъармачылыкъ къауумну Темуккуланы - Байзуллаланы Элла хазырлагъанды.

 

Биринчи видеомагнитофон

Озгъан ёмюрню ортанчы жылларына дери аберини видеогъа тюшюрген жаланда бир амал болгъанды – кинокамера. Ол информацияны плёнкагъа жаза эди. Кинотеатрлада уа энчи аппаратла плёнканы буруп алай кёргюзтгендиле видеону. Алай телевидение къуралгъаны бла кинокамера анга чыртда келишмегени белгили болады. Нек дегенде, бериуле тюзюнлей эфирде чыгъаргъа керек эдиле.

Абадан тёлю тирилигин кёргюзтгенди

Шёндюге Эльбрус элде айырыу участкагъа келгенлени саны 80 процентден атлагъанды деп, айтыргъа боллукъду.  Битеу да 354-чи номерли участкада 1504 адам белгиленипдиле.

«Айырыула къырал тынчлыкъ келтирликлерине ышанып келедиле»

324-чю айырыу участкада эсепде тургъан 1115 адамдан 17 мартда 13 сагъатха 90 процентге жууугъу къол кётюргендиле. 

Страницы