|
|
Все статьи
27 апреля, 2024 - 13:00
Бюгюн сизни огъурлу къоншум Батырбек Гукетловну эсгериулерини кезиулю кесеги бла шагъырей этерге сюеме. Сабийлигини юсюнден эсгере, акъсакъал суудан толу чунгургъа кетип тургъан 5-жыллыкъ таулу жашчыкъны ёлюмден къалай къутхаргъаныны юсюнден хапарлагъанды…
27 апреля, 2024 - 11:40
Кёп болмай Къабарты-Малкъар къырал университетде «Карьераны кюню» болгъанды. Аны кезиуюнде тамата курслада окъугъанла предприятияланы келечилери бла тюбеширге, тюрлю-тюрлю соруула берирге да онг тапхандыла. Къонакъланы арасында КъМР-ни Парламентинде билим бериу, илму эм жаш тёлюню ишлери жаны бла комитетини таматасы Нина Емузова, РФ-ни Илму эмда бийик билим бериу министерствосуну стратегиялы проектле жаны бла бёлюмюню аналитиги Эльдар Балкаров, урунуу эмда социал къоруулау министерствону информация-аналитика бёлюмню таматасы Мадина Кожакова, Пенсия фондну республикада бёлюмюню энчи эм социал страховка берген управлениясыны таматасыны орунбасары Алим Макоев, Нальчикни 4-чю номерли гимназиясыны ингилиз тилден устазы Диана Болотокова эм башхала болгъандыла.
27 апреля, 2024 - 10:42
Арт заманда кёп эшитеме жаш тёлюбюз юйюр къураргъа итинмейди деп. Аны бла байламлы мен да кесими жашаууму хапарын айтырыгъа сюеме.
27 апреля, 2024 - 10:41
Бюгюннгю ушакъ нёгерим къашхатаучу Чеченланы Борисни жашы Эльдарды. Таулу жашны юсюнден биринчи кере мен ол 2012 жылда «Бригада. Наследник» деген фильмде Саша Белыйни ойнагъан Сергей Безруковну бир кезиуге алышханы бла байламлы эшитген эдим. Дагъыда ол «Склифосовский», «Кухня», «Ольга» деген россейли сериаллада ойнагъанды.
27 апреля, 2024 - 10:30
Этезланы Зарифни юйюрю Булунгуда жашайды. Ол кеси да бу элде уллу юйюрде ёсгенди, беш жаш бла эки къыз болгъандыла.
27 апреля, 2024 - 10:28
Хурметли сенаторла бла депутатла!
Сизни Россейли парламентаризмни кюню бла жюрегимден къызыу алгъышлайма!
27 апреля, 2024 - 09:15
Нальчикде дзюдодан Сбербанкны кубогуна регионла аралы эришиу бардырылгъанды. Анга къыралны 7 субъектинден 200-ден аслам спортчу къатышханды. Битеукоманда эсепде эм кючлю Къабарты-Малкъарны къаууму болгъанды, экинчи жерге – Шимал Осетия-Аланияны, ючюнчюге уа – Чеченни келечилери чыкъгъандыла.
27 апреля, 2024 - 09:05
Невинномысск шахарны «Олимп» спорт арасында каратени киокусинкай тюрлюсюнден «Кавказны къабакълары» деген ат бла Ставрополь крайны биринчилиги бла чемпионаты бардырылгъандыла. Анга башха-башха жыл санлада 266 спортчу къатышханды.
27 апреля, 2024 - 08:50
Хурметли окъуучуларыбызны Элбрус районну Тырныаууз шахарында жашагъан бир юйюр бла шагъырей этерге сюеме. Юйюрню таматасы Тебаланы Муслим бла танышханымда, жаш болса да, башды деген оюмгъа келгенме. Жыйырма жылны бир бирге хурмет эте, беш сабий ёсдюрген бек жууаплы жумушду. Аны тынч бла къыйын болгъаныны, чынтты насыпны не болгъаныны юсюнден сёлешгенбиз Муслимни юй бийчеси Валентина бла.
26 апреля, 2024 - 18:34
Дуния жаратылгъанлы бери адам улусу жашаргъа юй-журт, малына халжар, къора, орун, бау, ашын-сууун тутаргъа гуму, тийресин бегитирге хуна ишлегенди. Ол тёре бюгюнлюкде да барады. Шахарлада, элледе кёре турабыз бири биринден ариу юйлени. Сейирлик табийгъатыбызгъа ариу накъышлача къошуладыла ала, къууат бере тийреге. Бирлерини тышлары тюрлю-тюрлю боялып, башхалары къызыл-сары кирпич бла жасалып. Хар бири да кесича ариу.
26 апреля, 2024 - 17:52
«Информация технологияла бёлюмню айнытыу-ол экономиканы тутхучлу боллугъуна эмда адамланы жашауларын игилендирирге себеплик этеригини юсюнден къауум кере айтханма. Ол жаны бла Къабарты-Малкъарда бек магъаналы проектледен бирине, Россей Федерацияны Правительствосуну Председателини Михаил Мишустин къол салгъан проект Шимал-Кавказ федерал округну айнытыу программасына киргенди эмда Нальчикде ИТ-парк къураллыкъды.
26 апреля, 2024 - 17:33
Бу кюнледе Дондагъы Ростовда шёндюгюлю пятиборьядан Олимпиада оюнланы эки кере чемпиону Андрей Моисеевни саугъасына Битеуроссей эришиуле ётгендиле. Анга къыралны 10 регионундан 200-ден артыкъ 11-15-жыллыкъ жаш спортчула къатышхандыла. Къабарты-Малкъарны командасы да анда кесини кючюн кёргюзтгенди.
26 апреля, 2024 - 16:59
Мени ушакъ нёгерим усталыгъына кёре экономистди. Хаджиланы Ахмат Ленинградны финансла-экономика институтун бошап келгенинден сора, Тырныаууз шахардагъы комбинатда кёп жылланы ишлеп тургъанды. Ол жабылгъанлы кезиуню ичинде уа кесин кёп тюрлю усталыкълада сынагъанды. Алай жашаууну арт 20 жылын а чибинчилик, бал жыйыу бла байлагъанды.
26 апреля, 2024 - 16:46
Солуу кюнде «Экология» миллет проектге кирген «Сейир суу объектлени сакълау» федерал проектге кёре, «Россейни суулары» деген экология акция ётерикди. Аны магъанасы черек жагъаланы кир-кипчикден тазалап, тап халгъа келтириргеди.
26 апреля, 2024 - 16:40
Халкъыбыз не заманда да тойну-оюнну сюйген миллет болгъанына кёп шартла бардыла. Аны къобузда бла къыл къобузда аламат сокъгъан келечилеринден бири уа Темуккуланы Манаф болгъанды. Малкъарлы жаш кёчгюнчюлюкде окъуна аслам эс бёлгенди музыкагъа.
26 апреля, 2024 - 14:51
Элбрус районну Элбрус элини акъылбалыкъ болмагъанланы ишлери жаны бла 1-чи номерли бёлюмюню инспектору, полицияны лейтенанты Къартлыкъланы Хасанбийни къызы Раузат бла бюгюн биз аны ишини юсюнден сёлешгенбиз.
26 апреля, 2024 - 14:49
Къыралыбызда «Россейни эм иги садлары» деген ат бла Битеуроссей ачыкъ-къарау конкурс, талай жылдан бери бардырыла, мектепге дери бёлюмлени айныуларына къошумчулукъ эте, аланы къалай ишлегенлерин да жамауатха ачыкълай келгенли талай заман болады. Бу эришиуге бизни узакъ эллерибизни махкемелери да къатышханлары алагъа кеслерини жетишимлерин, къаллай ызланы эмда мадарланы хайырланнганларын кёргюзтюрге онг бергенинден сора да, бирси, бюгюннгю излемлеге тийишлиликде уруна, бийик кёрюмдюлеге жетген садиклени ишлери бла шагъырейленирге, башхаладан юлгю алыргъа себеплик этеди.
26 апреля, 2024 - 09:45
1957 жылда туугъан жерлерине къайтыргъа эркинлик берилгенде, ташлы талачыла да кеслерини эллерине келедиле. Андан эл айнып, аягъы юсюне тура башлайды. Ол жылдан окъуна школ ишленип башлайды. 1960 жылда уа Маданият юй орналады. Тынч-тынч элге суу, чыракъ, газ да тартылады.
26 апреля, 2024 - 09:30
Краснодар крайда футболдан «Къобанны кубогу. Жангырыу 2024» деген эришиу бардырылгъанды. «Эм кючлю команда» деген ат ючюн башха-башха регионладан 150-ден аслам жаш спортчу кюрешгенди.
Страницы
|
