|
|
Спорт
6 марта, 2019 - 14:35
Олимпиада оюнланы чемпиону Борис Гуревични хурметине Москвада грек-рим тутушуудан жаш спортчуланы араларында халкъла аралы эришиу къуралгъанды. Анда бизни республикадан кеслерини ауурлукъ къауумларында алтын майдалны Астемир Бижоев къытханды, «кюмюшню» Абдул Калибатов келтиргенди, «доммакъ» а Улбашланы Адамгъа жетгенди.
6 марта, 2019 - 14:34
Нальчикде къатыш аскер единоборстволадан республиканы биринчилиги бла чемпионаты бардырылгъандыла. Элбрус районну олимпиада резервли спорт школундан гёжефле анда ахшы кёрюмдюле болдургъандыла, ала юч майдал къытхандыла. 16-17-жыллыкъ спортчуланы араларында кюмюш майдалны Шауаланы Хамзат (65кг.) къытханды.
Онсегиз жылдан абадан спортчулада уа Байзуллаланы Баттал (53кг.) бла Гюлюйланы Аслан (84кг.) доммакъ майдалла алгъандыла. Жашланы тренер Арсен Губашиев юйретеди.
6 марта, 2019 - 08:23
Нальчикде жюзюуден республиканы биринчилиги бардырылгъанды. Анга 70 жаш спортчу къатышханды. Ала 50 метрге эркин , брасс, аркъада эм баттерфляй халда жюзюп эришгендиле.
Турнирде кеслерини жыл санларында Дарья Антоненко, Никита Золоев, Бачиланы Ахмат, Датчиланы Тамирлан, Исмаил Пшигошев, Башиланы Дамир, Дамир Маршенкулов, Никита Золоев эм башхала алчы жерле алгъандыла.
1 марта, 2019 - 09:40
Москвада ЦСКА-ны спорт единоборствола мекямында «Киокушинкай-каратени федерацияланы содружестволарыны кубогу» деген III халкъла аралы эришиу къуралгъанды. Анга кёп къыралдан 300-ден аслам каратечи къызла бла жашла къатышхандыла.
1 марта, 2019 - 09:30
Нальчикде Универсал спорт комплексде дзюдодан, милицияны подполковниги Джульбер Быковну хурметине аталып, тёрели эришиу бардырылгъанды. Анга СКФО-дан, ЮФО-дан бла Азербайджандан 465 адам къатышхандыла.
27 февраля, 2019 - 08:12
Минги тау жангызда тамашалыкъ табийгъаты, къарлы тиклери бла белгили тюйюлдю, ахыр он жылда битеуроссей магъаналы курорт болгъанды, тыш къыралладан къонакъла да анда солуу кюнлерин ётдюрюрге излейдиле. Мында тау лыжа спорт да иги айныгъанды, тюрлю-тюрлю даражалы эришиуле дайым бардырыладыла. Аланы къурау, спортчуланы юйрениу - жарау этиу жыйылыуларын ётдюрюу бла уа Къабарты-Малкъарны тау лыжа спортдан бла сноуборддан федерациясы кюрешеди.
27 февраля, 2019 - 08:09
Наркоманиягъа профилактика ишни толтурур, жаш тёлюню саулукълу жашау бардырыргъа кёллендирир муратда, волейболдан «Биз наркотиклеге къажаубуз» деген эришиу бардырылгъанды, анга Чегем районну школларыны окъуучулары къатышхандыла.
22 февраля, 2019 - 08:29
Былтыр Элбрус районну олимпиада резервли спорт школу ишлегенли 20 жыл толгъанды. Ол ачылгъанлай окъуна, умутландыргъан гёжефлени хазырлагъаны бла республикада, къыралда да белгили болгъанды. Анда жарауларын эки Олимпиаданы кюмюш эм доммакъ призёру Аккайланы Хаджимурат, Россейден каратеден дунияны биринчи чемпиону Аслан Губашиев, 2002 жылда къыралны эм иги каратечиси Руслан Сижажев, Россейни, Европаны бла дунияны чемпионатларында бла кубокларында, даражалы халкъла аралы турнирледе хорлагъан кёп спортчула башлагъандыла.
15 февраля, 2019 - 09:05
Ленинград азатланнганлы 75 жыл толгъанына аталып, Санкт-Петербургда каратеден "Невский факел" деген XXX битеуроссей турнир къуралгъанды. Анга къыралны 25 регионундан тюрлю-тюрлю жыл сандагъы 900-ге жууукъ спортчу къатышхандыла.
13 февраля, 2019 - 08:25
Москвада «Олимпийская деревня-80» спорт комплексде грек-рим тутушуудан ара шахарны биринчилиги болгъанды, андан Къабарты-Малкъардан гёжефле тогъуз майдал келтиргендиле.
Страницы
|
