|
Жамауат
15 марта, 2024 - 14:05
Миллет тилледе чыкъгъан изданияланы борчлары окъуучуларына бола тургъан ишлени юслеринден билдиргенинден тышында, ана тилни, аны сёз байлыгъын тазалай сакълауду, халкъны айтхылыкъ адамлары бла шагъырей этиудю. «Заман» газет да ол сыйлы борчну толтурургъа итинеди.
15 марта, 2024 - 13:58
Къашхатау элде сабийлени айныууна себеплик этерге кёп магъаналы проектле бардырыладыла. Октябрьден бери ишлеп башлагъан «Жангы ёмюрню китапханасы» да аладан бириди. Къашхатауну маданият юйюнде китапханада «Маданият» миллет проектини чеклеринде жангыртыу ишле ётгендиле.
15 марта, 2024 - 13:07
Битимчиликде, эл мюлкню къайсы бёлюмюндеча, шёндюгю амалланы хайырланмай иги тирлик алыргъа онг боллукъ тюйюлдю. Къабарты-Малкъарны эл мюлк министри Хасан Сижажев айтханнга кёре, аграр бёлюмде къармашханла аны ангылайдыла, къырал да алагъа ол жаны бла болушады. Сёз ючюн, «АПК-ны продукциясыны экспорту» регион проектни чеклеринде, сугъарылгъан жерлени ёлчемин кёбейтиу жаны бла мадар этиледи.
15 марта, 2024 - 13:01
Кёп болмай Москвада Экспоцентр комплексде ашарыкъланы бла ичкилени «Продэкспо» деген 31-чи халкъла аралы кёрмючю бардырылгъанды. Анга Къабарты-Малкъардан «Каббалкптица» предприятие да къатышып, алчы жерге тийишли болгъанды.
15 марта, 2024 - 09:20
Шёндюгю заманда иш бериучюле хакъны къагъыт ахча бла бергенни къойгъандыла. Аны орунуна компания банк бла келишим этеди, бухгалтерия уа ишчилеге карталаны хазырлайды, айлыкъ, премияла, башха тёлеуле да ары ётдюрюледиле. Бир жанындан ол ахшы шартды, алай аны кемчиликлери да бардыла.
15 марта, 2024 - 08:50
Россей Федерацияны тарыхында халкъ не заманда да къыралгъа къоркъуусузлукъ жаны бла къайгъы келсе, биригип болгъанды. Шёндюгю кезиуде да болум алайды деп айтыргъа боллукъду. Сауутланнган кючлерибиз Донбассда энчи аскер операцияны бардырып башлагъанлы кёп болмай жыл болду. Не зат тюрленнгенди ол кезиуню ичинде къыралда, бизни тёгерегибизде деп сорургъа боллукъбуз кеси кесибизден.
14 марта, 2024 - 12:54
«Россей» халкъла аралы кёрмючде ётген Предпринимательствону кюнюнде Къабарты-Малкъардан он предприниматель тематика мастер-классла бардыргъандыла, деп билдиргендиле республикада «Мени бизнесим» арадан.
Бизнесни къайсы тюрлюсю да магъаналы болгъанын кёргюзтгендиле ала. «Hatsibana» ат бла юс кийимле чыгъарыу бла кюрешген Фатима Шогенова быстырны юсюнде халы бла тигип, абериле жарашдырыргъа юйретгенди, ювелир Юрий Маргушев а миллет халда жюзюклени къалай жарашдырыргъа боллугъун кёргюзтгенди.
14 марта, 2024 - 11:15
«Кавказны жаухары» круиз поезд – энчи информация турду, аны кезиуюнде адамланы Шимал Кавказ бла шагъырейлендиредиле, мында къалай солургъа боллугъуну юсюнден билдиредиле.
14 марта, 2024 - 11:13
Орус география обществону «Альтаир» клубу Къабарты-Малкъарны Курортла эм туризм министерствосуну, ФСБ-ни республикада Чекчи управлениясыны себеплиги Хумаланда жангы спелеология экспедиция бардыргъанды.
14 марта, 2024 - 11:09
Былтыр Къабарты-Малкъарда розница халда берилген кредитлени ёлчеми 26,8 процентге кёбейип, быйыл биринчи январьгъа 92,5 миллиард сомгъа жетгенди. Ол санда хайырланыучула алгъан ахча, 21,3 процент къошуп, 50 миллиард сом болгъанды, ипотеканы ёлчеми уа, 33,8 процентге кёбейип, 43 миллиардха жетгенди, деп билдиргендиле Миллет банкны республикада бёлюмюнден.
Страницы
|