Эм тирилеге бла адежлилеге - дипломла, грамоталаСатыу-алыуда ишлегенле кеслерини байрамларын кенг халда белгилегендиле. Бек уллу къууанч а Нальчикде «Центральный» жашил базарда болгъанды. Ыйыкъ кюн ары баргъанланы къууандырыр ючюн деп, тюрлю-тюрлю саугъала ойналгъандыла, жомакъланы жигитлери кёллерин кётюргендиле. Ыразылыгъы болгъан ким да гинжилени къатларына барып, хакъсыз суратха тюшерге боллукъ эдиле. «Центральный» базарны оноучуларыны атындан аны директору Бабаланы Заур сатыу-алыу этгенлени байрам бла алгъышлагъанды, саулукъ, эсенлик тежегенди. Андан сора ол хычыуун жумушну толтуруугъа киришгенди. Эм тири , тюрлю-тюрлю жандауурлукъ акциялагъа къатышхан арендаторлагъа базарны администрациясыны атындан бюсюреу къагъытла бергенди. - Сёзсюз, грамоталагъа, насыпха, сизни барыгъыз да тийишлисиз. Алай кесигиз ангылагъандан, хар кимге да берир онг жокъду. Сиз бек кёпсюз. Алай барыгъыз да билирге керексиз, хар биригиз да бизге багъалысыз!,-дегенди директор. Рынокну администрациясыны ыспасына Датчиланы Хажи-Муратны къызы Бёзюланы Фатимат да тийишли болгъанды. Ол базар тийресинде кийимле сатхан тюкенни тутады эмда алыучуладан да ыразылыкъ табады.
Поделиться:
Читать также:
01.05.2024 - 10:30 →
Къабарты-Малкъар Республиканы Башчысы К.В.Коковну Жаз башыны бла Урунууну байрамы бла алгъышлауу
01.05.2024 - 09:00 →
Ёмюрлеге эсде къалырча
30.04.2024 - 09:05 →
«Ызыбыздан келгенлени кёллендирирге, сахнаны жашырынлыкъларына тюшюндюрюрге кюрешебиз»
29.04.2024 - 18:47 →
Къабарты-Малкъарда суу жагъаланы ариуларгъа 30 минг адам къатышханды
29.04.2024 - 09:05 →
Ахшы тёрелеге кертичилик
|