Эришиуде КъМКъАУ-ну студенти хорлагъанды

Къабарты-Малкъарны къырал аграр университетини предприятияланы механизациялау эмда энергия бла жалчытыу факультетини тёртюнчю курсуну студенти 

Ислам Тарканов «Россетьле Шимал Кавказ» ПАО-ну башламчылыгъы бла бардырылгъан «Мени энергетикам - Шимал Кавказ» деген конкурсда хорлагъанды. Сагъынылгъан эришиуге Къабарты-Малкъарны,  Дагъыстанны, Чеченни, Къарачай-Черкесни сетьли энергетика компанияларыны, битеу да Шимал Кавказны профильли вузларыны келечилери къатышхандыла.

Ислам кесини «Проекттирование биогазовой установки для выработки биогаза и электрической энергии» иши бла хунерин ачыкълап, жетишимли болгъанды. Аны проектини илму башчысы уа доцент Амур Фиапшевди.

Конкурс СКФО-ну уллу  электросетьли компаниясын билимли специалистле бла жалчытыу мурат бла къуралгъанды. Андан сора да, ол электроэнергетика эмда электротехника жаны бла хунерли жаш адамланы баямлаугъа бурулупду.