Жангылыкъла

РФ-ни Правительствосуну таматасы Михаил Мишустин къол салгъан буйрукъгъа кёре, Республикалы сабий больницаны тынгылы жангыртыргъа къыстытыкъ фонддан 125 миллион сом бёлюнюрюкдю. Быллай билдириу Россейни Правительствосуну официальный сайтында орнатылып турады.

 15 июнда Пятигорск шахарда Михаил Мишустинни бла Казбек Коковну тюбешиую болгъан эди, ол кезиуде Россейни премьер- министри Къабарты-Малкъарны Башчысына  республикалы халда регионда жангыз болгъан сабий стационарны ремонтуна болушургъа айтхан эди.

Эсге сала айтсакъ, быйыл биринчи августдан башлап, бизни республикада электрокюч бла жалчытыу жумушну «Россети Шимал Кавказ» компания тындырлыкъды.

«Россети Шимал Кавказ» компания Терк районда Плановское элде электрокюч ызланы эмда сабий садны ток бла жалчытхан подстанцияны жангыртханды. Ишлени барына да 1,1 миллион сом къоратылгъанды.

Россельхозараны Къабарты-Малкъарда бёлюмюню лабораториясында битимчилик продукцияны качествосун тинтиу бла тынгылы кюрешедиле. 

«Россельхозара» къырал учрежденияны Прохладна районда бёлюмюню специалистлери нартюхню гибрид тюрлюлери сегиз жюз гектардан аслам жерде ёсдюрюлген жерни тинтип чыкъгъандыла кёп болмай. Аланы бизни республикада «Отбор» предприятияда жарашдыргъандыла.

Россельхознадзорну Шимал-Кавказда регионла аралы управлениясыны специалистлери бизни республикада теплицалары болгъан мюлкледе фитосанитария болумгъа контроль этгенлей турадыла. Ведомствода айтханларыча, бу иш карантиннге тийишли заранлы къурт-къумурсхала жайылып башланнганларын заманында ачыкълар хыйсап бла бардырылады.

Аны юсюнден КъМР-ни Тарифле, эмда жашау журтлагъа надзор этиу жаны бла къырал комитетинде быллай ангылатыу жибергендиле: «Республиканы 2013 жылда 22 июльдан 62-РЗ номерли «Къабарты-Малкъар Республикада кёп фатарлы юйледе битеулю мюлкге тынгылы ремонт этиуню юсюнден» законуна тийишлиликде, быллай ишлени тизмеси жик жиги бла тохташдырылгъанды. Аланы барына да ахча тынгылы ремонт этиу жаны бла Фонддан къоратылады».

Россейни Сауутланнган кючлерини, Росгвардияны эм Къалауурланы федерал службасыны аскерчилери «Кольцо Эльбруса» битеуаскер конкурсну чеклеринде КъМР-де «Таулада къаялы жерледен ётюу» деген энчи буйрукъланы толтурадыла.

КъМР-ни Къурулуш эмда жашау журт-коммунал мюлк министерствосунда «Регионланы айнытыу амалла: цифралы сервисле эмда платформала» деген темагъа жораланнган «тёгерек стол» бардырылгъанды. Аны «Иш кёллю Россей» организацияны республикада бёлюмю къурагъанды.

Россейни регионларына  2021 жылда бюджет системаларыны тутхучлулукъларын кючлендириуге   50 миллиард сом берилликди. Аны юсюнден буйрукъгъа Россейни Правительствосуну Председатели Михаил Мишустин къол салгъанды.