|
|
Все статьи
8 мая, 2024 - 09:09
Хурметли инсанла! Токну эсеплеген приборланы кёргюзтюулерин хар ай сайын 23-26 кюнледе «Каббалкэнерго» компаниягъа билдирирге кереклисин унутмагъыз.
8 мая, 2024 - 09:06
Роскадастрны регионда бёлюмюнде эсгертгенлерича, 2023 жылны мартында тепдирилмеген мюлкню иелерини юсюнден энчи данныйлени ючюнчю инсаннга билдирмеуню юсюнден закон кючюне киргенди.
8 мая, 2024 - 09:05
Жашауда къаллай тюрлениу болса да, хыйлачыла да алагъа кёре жангы алдау амал табаргъа кюрешедиле. Адамлагъа телефон бла сёлешип, кеслерин банкланы ишчилерича неда правону къоруулагъан органланы келечилерича, арт кезиуледе уа аланы кеслерини жууукъларыча танытыргъа кюрешедиле, жалгъан интернет-сайтлагъа кирирге чакъырадыла, ётюрюк саугъала бла алдайдыла. Быланы кёбюсю эрттеден бери да белгили амалла болгъанлыкъгъа, хыйлачыланы ыргъакъларына тутулгъанланы саны хазна азаймайды. Сакълыкъны баш жоругъу: керти полициячыла эмда банкланы ишчилери сизден энчи информацияны, смс-кодланы, пароль деген затланы сурарыкъ тюйюлдюле, кеслерин танытырча удостоверенияларын суратха тюшюрюп жибермейдиле.
8 мая, 2024 - 08:03
Былтыр ишлеп башлагъан «Чегем-Агро» теплица комплексде шёндю ишни къазауат баргъан кезиуюдю. Анда кёп болмай бадыражанладан биринчи тирлик жыйгъандыла, аны алыучулагъа жибергендиле.
7 мая, 2024 - 17:14
Элбрус районда фахмулу сабийле кёпдюле. Аллахдан келген белгини заманында эслеп, аны айнытыр ючюн а кючлерин аямай кюрешген аталагъа бла аналагъа ыспас этерчады. Огъары Басханда жашагъан Жаппуланы Асланны бла Владленаны юйюрлери ма аллайды. Ала юч сабий ёсдюредиле. Аланы не жаны бла да айнытыр ючюн, болгъан ишлерин къоюп, ыйыкъгъа бир кере Нальчикде «RT models» модельле школуна жюрютедиле. Владлена (Лада) кеси да не жаны бла да фахмулу, хар ишге къолу жарашхан тигиучюдю, жырчыды, устазды. Бюгюн ол бизни ушакъ нёгерибизди.
7 мая, 2024 - 16:51
Баш кюн КъМР-ни Правительствосуну таматасы Мусукланы Алийни башчылыгъы бла РФ-ни МЧС-ини КъМР-де Баш управлениясыны стратегиялы сессиясы ётгенди. Анга битеу министерстволаны бла ведомстволаны башчылары къатышхандыла.
7 мая, 2024 - 14:10
Биринчи майда къабыл этилген регламентге кёре Къабарты – Малкъар къырал университетде мигрантла комплекс экзамен бераллыкъдыла: анга орус тил, тарых, обществознание киредиле.
7 мая, 2024 - 14:08
Апрельде къатыш аскер единоборствола бла кюрешген спортчуларыбыз Россейни башха-башха жыл санлада биринчиликлеринде жетишимле болдургъандыла. Алгъа Ижевскде эришиуде Аппайланы Амир (67кг.) - ючюнчю, Ахмат Макоев (70к.) экинчи жерлени алгъандыла.
7 мая, 2024 - 14:03
КъМР-де Оператив штаб республиканы жамауатын бла аны къонакъларын келе тургъан байрам бла – Уллу Ата журт урушда Хорламны кюню бла - алгъышлайды эмда сакълыкъны кючлендирирге чакъырады, террорчулукъ ишледен сакъланыр ючюн бу жорукълагъа бойсунуругъузну тилейди:
7 мая, 2024 - 11:43
Май байрамла, жай башланнганы бла таулада жолоучулукълагъа чыгъаргъа сюйгенлени саны ёседи. Аны бла байламлы республиканы Курортла эм туризм министерствосу чекчи жерледе турууну жорукъларын эсгертиуню дурус кёргенди.
7 мая, 2024 - 09:15
Республиканы заповеднигини ишинде экология туризмни айнытыугъа аслам магъана бериледи. Ол умутда эмда жарыкъландырыу, саулукъландырыу, илму-излем, тарых-маданият жумушланы тамамлар хыйсап бла аны тийресинде экология маршрутла жарашдырыладыла.
7 мая, 2024 - 09:14
Арт кезиуде Запад къыралланы келечилери, ол санда Американы Бирлешген Штатлары да Украинагъа тохтаусуз болушлукъ этип тургъанларына сокъуранып башлагъандыла. Аны баш сылтауу РФ-ни Сауутланнган кючлери энчи аскер операцияны майданларында украинлы неофашистлени иги да ууатып тебирегенлеринден болур.
7 мая, 2024 - 09:05
Тау эллерибизде чибинчилик бла кюрешгенле бардыла. Балны саулукъгъа уллу хайыры болгъаны да белгилиди, аны сюйгенле да кёпдюле. Алай бал чибинлени кеслерини энчи жашаулары, итиниулери болгъанын билгенлени саны уа азды. Биз а аланы юсюнден Рахайланы Тахир бла ушакъ этгенбиз. Ол Бызынгыда жашайды, чибинчилик бла кёп замандан бери кюрешеди.
7 мая, 2024 - 08:25
Быйыл биринчи кварталда Къабарты-Малкъарда ишлеген гидроэлектростанцияла бары да 42,1 миллион киловатт-сагъат электрокюч чыгъаргъандыла. «РусГидро» компанияны республикада бёлюмюнде айтханларына кёре, ол алгъын жылланы орта кёрюмдюлери тенгли бир болады.
6 мая, 2024 - 20:09
Эрттегили суратха къарай, сейир этесе – кимле болурла андагъыла, къайда тюшгендиле, жашауну айланч-къыланч жолларында не затлагъа тюбедиле, жазыулары къалай болду, къадар алагъа не буюрду? Дагъыда алача кёп соруула келедиле башынга. Суратда уа адамны бир такъыйкъачыгъы алынып къалады. Анда уа жылла, къадарла, болгъан ишле.
6 мая, 2024 - 20:06
Россей Федерацияны Президенти Владимир Путинни оноуу бла Росмолодёжьну «Жаш адамлагъа регион» деген проектини чеклеринде Къабарты-Малкъар Республикада кёп жумушла тамамлагъан жаш тёлю арала ишленедиле. КъМР-ни Жаш тёлю ишлери жаны бла министерсвосуну себеплиги бла Нальчикде жаш тёлюню айныууна себеплик этген «Молод» ара ишин башлагъанды. Бюгюн аны юсюнден тынгылыракъ айтыргъа излегенбиз.
6 мая, 2024 - 13:27
Грозныйде эркин тутушуудан Россейни биринчилиги бардырылгъанды. Анда «Хасания» спорт клубубуздан Гергъокъланы Саид (61 кг) да эришгенди.
6 мая, 2024 - 13:26
Къабарты-Малкъарны Жамауат палатасында республиканы жер-жерли самоуправление органларыны улутхачылыкъгъа къажау ишлери сюзюлгендиле.
6 мая, 2024 - 13:24
РФ-ни ФСБ-сыны КъМР-де Управлениясыны къуллукъчулары терроризмге къажау излеу-тинтиу жумушланы бардыргъан кезиуде Басхан районну инсаныны аманлыкъчы ишин тыйгъандыла. Аны юсюнден бизге кюч ведомствону пресс-службасындан билдиргендиле.
Страницы
|
