Ючюнчю болуп къайтхандыла

Бу кюнледе Чечен республикада Россейни МЧС-ини «Къоркъуусузлукъну школасы» деген проектини чеклеринде онбир-оналты жыллары толгъан сабийлени араларында регионла аралы эришиуле озгъандыла. Алагъа уа СКФО-ну субъектлеринден жети къауум къатышханды.

Къабарты-Малкъардан сагъынылгъан эришиуге Нальчик шахарны экинчи номерли лицейини «Барс» атлы командасы баргъанды. Анга башчылыкъны уа ОБЖ-дан устаз-къураучу Трамланы Хамзат Мухамадияевич этгенди.

Эришиуню кезиуюнде сабийле тау жерледе альпинист кереклени къалай хайырлана, къалайда тургъан жерлерин ачыкълай, жыгъылгъан адамгъа неда бир башха чып тюшюп аберисин ачытханнга биринчи болушлукъну къалай эте билгенлери бла байламлы хунерлерин ачыкълагъандыла.

«Барс» эришиуню сууда болушлукъ этиу бла байламлы бёлюмюнде ючюнчю жерге тийишли болуп, дипломла саугъала бла да белгиленип къайтханды.