Окъуучула бла хайырлы тюбешиу

 Жаш адамларыбы ёз миллетини тарыхын билип сюерча этиу хар абаданны да борчу десек, ётюрюк болмаз. Ол жаны бла энчи борч устазланы, алимлерибизни эм жазыучуларыбызны боюнларына салынады. Сабийлени малкъарлыланы ата-бабаларындан келген айтыуларына, таурухларына сейирлери болур ючюн а ала кеслери да жомакълы дуниягъа тюшерча эте билиу а бек магъаналыды. Нальчикни 13-чю номерли гимназиясыны ана тилден бла адабиятдан устазы Созайланы Фазилят аллай устазды. Ол сохталарыны ёз тиллерине сейирлери ёсерча  амалланы излгенлей, тю бешиуле къурагъанлай турады. Алгъаракъда Фазиля Ирагимовна окъуучулары бла «Къарачай-малкъар халкъны маданият совети» регионла аралы жамауат организациясында болгъанды.

Сабийлени араларында Советни таматасы Жабелланы Лидия эм назмучу Табакъсойланы Мухтар сёлешгендиле. Школчула бла ала миллетибизни тарыхыны бла маданиятыны юсюнден хапар айтхандыла. Таулу къызчыкъла бла жашчыкъла  уа къонакъбайланы ёз тиллеринде назмула бла къууандыргъандыла.

Лидия Локмановна алагъа миллет кийимлериибизни юсюнден хапар айтханды, адет-тёрелерибизни энчиликлерин ачыкълагъанды. Къызчыкъла бла жашчыкъла ол сейир хапарлагъа сюйюп тынгылагъандыла.