Къабарты-Малкъар Республиканы Башчысы К.В.Коковну Жол мюлкде ишлегенлени кюню бла алгъышлауу

Хурметли шуёхларым!

Жол мюлкде уруннганланы эмда ветеранланы профессионал байрамлары бла алгъышлайма.

Жол мюлк Къабарты-Малкъарны экономикасыны магъаналы бёлюмлеринден бириди. Республикагъа инвестицияланы тюшюулери, туристлени келиулери, производствону файдалылыгъы, бизнесни къуралыуу, социал болумну игилениую, адамланы къолайлыкълары да транспорт инфраструктураны  айныу халына кёре болгъаны да баямды.

Бюгюнлюкде  республиканы жол мюлк комплекси айнып барады. Федерал, регион эмда жер-жерли жолла тапландырыладыла, шахар эмда эл орамла, арбазла бла подъездле иги жанына терк тюрленедиле. Бёлюмде шёндюгю технологияла бла материалла хайырланыладыла, анга кёре уа жолланы тап халда туруу болжаллары да созулады. Жоллада жюрюу тынчлыкълы эмда къоркъуусуз болурча да кёп иш этиледи.

Ишигизге жууаплы кёзден къарагъаныгъыз, бет жарыкълы уруннганыгъыз, бийик усталыгъыгъыз ючюн сизге  жюрек ыразылыгъымы билдиреме. Мындан ары да туугъан Къабарты-Малкъарыбызгъа, аны жамауатына да хайырлы ишигизде сиз жетишимли болмай къалмазлыгъыгъызгъа ийнанама.

Жюрегими теренинден сизни алгъышлай, саулукъ, монглукъ, жангы жетишимле тежейме.