Кубок - тырныауузчулада

Тырныауузну «Тотур» стадионунда футболдан регионла аралы турнир болгъанды, ол жер-жерли футболчула Толгъурланы Аликни бла Муса Моловну хурметлерине аталып къуралгъанды. Эришиуге Георгиевск, Моздок, Нальчик эм Тырныаууз шахарланы ветеран къауумлары къатышхандыла.

Биринчи матчлада тырныауузчула Георгиевскден футболчуланы хорлагъандыла, нальчикчиле уа Моздокну келечилерин къытхандыла. Ючюнчю жер ючюн оюнда Георгиевскни командасы осетинли ветеранланы озгъандыла. Финалда уа Тырныауузну къаууму нальчикчиледен кючлю болгъанды. Хорлагъанлагъа Элбрус районну Физкультура эм спорт комитетини кубогу берилгенди, футболчулагъа эсгериу майдалла эм башха саугъала да хазырланнгандыла.