Хар номинацияда эм кючлюле ачыкъланнгандыла

Элбрус районда  «Жюрегими сабийлеге береме» деген конкурсну муниципал кезиую ётдюрюлгенди. Аны «Интернет-ресурс» атлы заочный кесегинде конкурсантла кеслерини энчи сайтларын, страницаларын эм юйретиу учрежденияны сайтында блогну къалай бардыргъанларыны юсюнден билдиргендиле. Очный кесегинде уа ишлерини, «Мен-устазма» деген темагъа   эсседе окъутхан предметлерини юсюнден айтхандыла, ачыкъ дерс бардыргъандыла эм мастер-класс кёргюзтгендиле.

Эришиулени «Усталыгъында биринчи атлам» деген кесегинде эм кёп баллны Тырныауузну Совет Союзну Жигити В.Г. Кузнецов атлы 6-чы номерли орта школундан Улбашланы Махмут алгъанды. Естественный илмула жаны бла уа эм кючлю Кёнделенни Доттуланы Ахматны атын жюрютген мектебинден Будайланы Мадина болгъанды. Ол школдан Акъайланы Динара уа художественный жаны бла хорлагъанды.