Регбиден турнир ётгенди

Республиканы Спорт министерствосу билдиргенине кёре, бу кюнледе Нальчикде Къабарты-Малкъар къырал университетни стадионунда регбиден КъМКъУ-ну ачыкъ биринчилиги бардырылгъанды. Ол университетни 90-жыллыгъына аталгъанды. Баш судья КъМКъу-ну регби секциясыны тренери Алим Налоев болгъанды. 

Эришиулени эсеплерине кёре,  «Нальчик» спорт школну «Нарт» деген командасы хорлагъанды. «Х.М. Бербеков атлы Къабарты-Малкъар къырал университет» экинчи жерге  тийишли болгъанды. «Доммакъны» уа Къабарты-Малкъарны жаш тёлю спорт школуну жыйымдыгъы алгъанды.

Финалистле кубокла, майдалла, грамотала эм багъалы саугъала бла саугъаланнгандыла.

Аланы регбиден ветеран Алим Налоев, экономикадан министирни орунбасары Темиркан Баждугов, КъМКъУ-ну спортклубуну таматасы Рустам Унежев эм КъМР-ни регбиден Федерацияны президенти Руслан Сурженко саугъалагъандыла.