Адыгеядан тогъуз майдал бла

Республиканы Спорт министерствосу билдиргенине кёре, бу кюнледе Адыгея республиканы Гиагинский станицасында «Кристалл» спорткомплексде дзюдодан Сыйлы спортну устасы, Олимпиаданы чемпиону Арсен Галстянны саугъаларына деген Регионла аралы турнир ётгенди. Ол 2006-2008 жылда туугъан жаш спортчуланы араларында ётгенди. Ары РФ-ни он субъектинден тогъуз ауурлукъ категорияда 200-ден аслам спортчу къатышханды.

Бу турнирни эсеплерине кёре, Къабарты-Малкъар республиканы дзюдочулары тогъуз майдал къытхандыла.

 Биринчи жерни Адам Озов (55 кг), Атмир Соблиров (66 кг) эм Астемир Текужев (73 кг) алгъандыла.

«Кюмюшге» Эльдар Шикляшев (60 кг), Тамерлан Кушхов (66 кг), Артур Шегушев (73 кг) тийишли болгъандыла.

Ючюнчю жерни уа Байрамкъулланы Алим (46 кг), Амир Пшибиев (50 кг) эм Атхан Бичоев (55 кг) алгъандыла.

Финалистле кубокла, майдалла, грамотала эм багъалы саугъала бла саугъаланнгандыла.