«Кишиликни, батырлыкъны юлгюсюн кёргюзтедиле»

КъМР-ни Башчысы Казбек Коков телеграм-каналында Росгвардияны аскерчилерин, къуллукъчуларын эм ветеранларын профессионал байрамлары бла алгъышлагъанды:

- Бюгюнлюкде Росгвардия право низамны, Россейни, жамауатны бла инсанланы сейирлерин эм праволарын сакълаучуланы арасында энчи магъаналы структурады. Росгвардиячыла ышаннгылы къоруулаучуладыла, жалынчакъсызлыкъны, къыралыбызны бирлигин сакълайдыла, терроризмге, экстремизмге къажау ишде биринчи сатырдадыла, адамланы къоркъуусузлукъларын жалчытыугъа артыкъда магъаналы къошумчулукъ этедиле.  

Ич аскерлени эм энчи буйрукъланы толтургъан отрядланы аскерчилерини бла командирлерини ахшы тёрелерин жашауда бардыра, борчларын таукел, къаты, профессионал халда толтурадыла. Анга уа Управленияны аскерчилери бу кюнледе бардырылгъан энчи аскер операцияда кишиликни, батырлыкъны юлгюсюн кёргюзтгенлери да шагъатлыкъ этеди, - деп айтылады алгъышлауда. – Патриот ниетлеге, антыгъызгъа кертичилигигиз ючюн ыспас этебиз. Саулукъ, къатылыкъ, Ата журтубузгъа къуллукъ этиуде жетишимле тежейме.