Палестинадан къачхынчыла бла тюбешиуРоссейни МЧС-ини Баш управлениясындан билдиргенлерича, ведомствону келечилери Палестинадан къачхынчыла бла тюбешип, от тюшюуге къоркъуусузлукъну жорукъларыны юсюнден айтхандыла. Бек алгъа, инспекторла от тюшюу бла байламлы къыйын болум чыкъмазча не этерге кереклисин, электроприборла, печьле эм башха жылыу берген оборудование бла къоркъуусуз къалай хайырланыргъа кереклисин, от тиргизгенде сакълыкъны амалларын ангылатхандыла, терк болушлукъ этиу службаланы телефонларын эсгертгендиле. Ахырында уа от тюшюуге къоркъуусузлукъну жалчытыуну жорукълары бла къагъытла да юлешгендиле. Быллай тюбешиулени мураты ала от тюшгенде, абызырап къалмай, тюз оноула этерге юйретиудю, къоркъуусузлукъну жорукъларын юйретиудю. Аланы хайырындан къыйын болумланы саны азаяды, адамла кеслерини эм нёгерлерини тынчлыкълары ючюн жууаплы болургъа юйренедиле.
Поделиться:
Читать также:
04.05.2024 - 10:00 →
АТЫ ИГИЛЕНИ ТИЗГИНЛЕРИНДЕ АЙТЫЛАДЫ
04.05.2024 - 09:05 →
Кючюню нюрюн кенгнге жая
03.05.2024 - 17:24 →
Эсепле чыгъарылгъандыла
03.05.2024 - 17:23 →
Къабарты-Малкъар Республиканы Башчысы К.В.Коковну Къарачай халкъны жангырыууну кюню бла алгъышлауу
03.05.2024 - 10:16 →
Республиканы ариу жерлерине жолоучулукъ
|