|
Маданият
23 марта, 2022 - 11:58
Жаш тёлюню «Кинокавказ» деген ючюнчю ачыкъ Шимал-Кавказ кинофестивалына къатышырча заявкаланы алыу ахырына жетгенди. Бусагъатда заявкаланы сайлау бардырылады, шорт-лист кинофестивальны сайтында www.kinokavkaz.ru 2022 жылда апрельде басмаланырыкъды.
Тюбешиу, аны къураучусу уа СКФО-да жангыз чыгъармачылыкъ вуз – Искусстволаны Шимал-Кавказ къырал институтуду, тёгерекдеги болумгъа кёре 2022 жылда 18-20 майда Нальчикде очный халда бардырыллыкъды.
23 марта, 2022 - 11:13
Белгилисича, Уллу Ата журт урушну заманында эвакуация план бла Къабарты-Малкъаргъа кёп атлары айтылгъан адамланы кёчюргендиле. Ала бизни гитче Ата журтубузну юсюнден билдирген бир къауум оюмлары бла окъуучуларыбызны да шагъырей этерге сюебиз.
20 марта, 2022 - 15:35
Маммеланы Шакъманны жашы Ибрагим, назмучу, тамсилчи, кёп иги жырны автору, драматург Къабарты-Малкъар АССР-ни сыйлы артисти, ким да сюйген адам эди. Ол дуниясын алышханлыкъгъа, аты дайым ариу бла айтылып келеди. 21 мартда, Поэзияны битеудуния кюнюнде биз аны атын энтта да хурмет бла сагъынабыз.
15 марта, 2022 - 08:33
КъМР-ни Художниклерини союзуну члени, Ингушетия Республиканы искусстволарыны сыйлы къуллукъчусу Баккуланы Владимир кесини 80-жыллыгъын белгилерик эди. Белгилерик эди… Алай былтыр, барыбызны да айтып айтмазча жарсытып, ол дуниядан кетгенди
13 марта, 2022 - 10:50
Белгили малкъар художник, Ингушетия Республиканы искусстволарыны сыйлы къуллукъчусу Баккуланы Къаншауну жашы Владимир туугъанлы бу кюнледе сексен жыл боллукъ эди. Жарсыугъа, алгъаракъда ол арабыздан кетгенди.
12 марта, 2022 - 09:00
Бу кюнледе Къабарты-Малкъарны Миллет музейинде белгили малкъар художник, РФ-ни Художниклерини союзуну келечиси Тёппеланы Хызырны быллай аты бла кёрмючю ачылгъанды.
11 марта, 2022 - 13:16
Шауаланы Молланы къызы Зухураны юсюнден биринчи къырал архивледе окъугъанма. Анда, Уллу Ата журт уруш бара тургъанда, республикада «Фронтчуну жыры» деген аты бла жыр эришиу бардырылгъанды деп билдириледи.
10 марта, 2022 - 08:43
Бу сейир хапарланы автору бизни окъуучубуз Улбашланы Саниятды. Аны жазгъанлары халкъ ауузунда жюрютюлген хапарладан къуралгъанлары бла сейирдиле. Жашауда биз ангыламагъан, жашырын, орусча айтханда, сакральный, болумла тюбей-тюбей туруучуларын ата-бабаларыбыз да айта тургъандыла. Бюгюнлюкледе да тюбейдиле аллай затла.
9 марта, 2022 - 08:43
Ата-бабаларыбыз къонакъбайлыкъны бек сыйлы адетге санагъандыла. Къонакъгъа не заманда да энчи отоу хазыр болгъанды, аны эм иги ашарыкъла бла сыйлагъандыла, жумушларына къарагъандыла. Къоншугъа кирген-чыкъгъан а хар кюннгю жашауну кесеги эди.
4 марта, 2022 - 12:33
Бу материалны, закий Къулийланы Къайсынны туугъан кюнлеринден бирине жоралап, Дагъыстанны халкъ поэти Магомед Ахмедов жазып жиберген эди редакциягъа. Ол кезиуде аны кёчюрюп, басмагъа хазырлап бергенимден сора, шайырны юй бийчеси Элизатдан кёп ыразылыкъ сёз эшитгеним эсимдеди.
Страницы
|