Календарь событий

Малкъар халкъны маданиятыны тарыхында Мечиланы Кязим бла Къулийланы Къайсын айырмалы инсанла болгъандыла. Кязим  онтогъузунчу ёмюрню биринчи жарымында, Къайсын а жыйырманчы ёмюрню экинчи жарымында. Аланы тарыхда магъаналылыкъларыны юсюнден сейир материалны кесини заманында философия илмуланы доктору, профессор Эфендиланы Салих жазгъанды.  Аны терен тинтиу ишин газетни бюгюннгю номеринде эсигизге салыргъа излейбиз.

Бахсан районну Эл мюлк эм сатыу-алыу управлениясындан билдиргенлерича, быйыл  биринчи октябрьни эсеплерине кёре, мюлклени барысында да   39505 чакълы тууар барды, ол санда  16770 ийнек. Былтыр бу заман бла тенглешдиргенде, ол  672 башха асламды.   

Бизни къыралда кир-кипчик бла байламлы реформаны магъанасы быллай затланы айырып жыйыу эм жарашдырыу системагъа аз-аздан кёчюудю деп белгилегендиле «Экологистика» регион операторда.

Рак жер башында бек жайылгъан аурууладан бириди. Жанна Фриске, Анна Самохина, Валентина Толкунова эм башха белгили артистле да андан ёлюп кетгендиле. Бу осал аурууну къалай тыяргъа боллукъду, андан сакъланыр амал бармыды деген соруула кёплени жарсытадыла. Аны юсюнден  «Онкодиспансерни» онкологу  Сакима Назранова  бла ушакъ этгенбиз. 

Бийик-тау геофизика институт бек эрттегили илму учрежденияладан бириди. Аны къабыргъаларындан Россейни илмуларыны  академиги Залийханланы Михаил, РФ-ни Илмула  Академиясыны член-корреспонденти Беккиланы Азрет, профессорла, илмуланы докторлары чыкъгъандыла. 

Шёндю бир-бир шартлагъа къыяма кюнню белгисиди деп тохтайдыла бирле. Кертиси бла да ала бармыдыла? Соруугъа жууапны Хасания элни иймамы Мисирланы Тимур хажи береди: 

Хурметли жамауат!

Юйню, фатарны сатыу-алыу бла байламлы ишле бла, баям, кёплеге кюреширге тюшеди. Алай былайда тапсыз болумгъа тюшмез, алданмаз  ючюн, эссизлик этерге жарамайды. Юридический жаны бла не этерге кереклигини юсюнден бизни бла ушагъында адамланы эркинликлерин къоруулау «Правовая зашита» регион организацияны юристи Бекхан Ужахов айтханды. Алай бла фатар алгъанда агентстволаны, нотариусланы эм юристлени болушлукълары бла хайырланыргъа боллукъду. Аланы хар бирин да энчи тинтейик.

Накъут-налмас ювелирни къолунда ариу болгъанларыча, фахму да айнырча ишин билген юйретиучюню излейди. Спортчуну жашауунда ол борчну тренер толтурады. Ол гёжефни къарыулу болургъа эм кючюн тюз хайырланыргъа юйретеди, чыныкъдырады. Бизни бюгюннгю ушакъ нёгерибиз каратени кёкусинкай тюрлюсюнден тренер Насыплыланы Тахир да анга келгенле, спортну жашырынлыкъларына тюшюне, жетишимли болурларына, аны бла бирге уа адет-намысны да тутарларына къайгъыра ишлейди. 

Озгъан урушну узунлугъуна сейир этеди Ариужан. Ол энтта да бошалмагъанча кёрюнеди анга. Алай а аны къадарын билгенни сейир этдирлик тюйюлдюле жашауу келген тиширыуну бу тюрлю оюмлары. 

Бизни республикада табийгъатыны ариулугъу, байлыгъы тыш къыраллада окъуна белгилиди. Алай адам болгъан жерде, не десенг да, тёгерекдеги къудуретге дайым сакъ болуп турургъа тюшеди. Бу ишни къырал бла бирге тюрлю-тюрлю экология жамауат организацияла, биригиуле да бардырадыла. Орус география жамауатны КъМР-де «Альтаир» жаш клубуну башчысы, краевед Мокъаланы Тенгиз да ол жумушла бла бек тири кюрешгенледен бириди.

Кир-кипчикни ташыу ючюн тёленнген ахчаны ёлчеми юйде жашагъанланы санына кёре тергеледи (РФ-ни Правительствосуну 2011 жылда 6 майдан 354-чю номерли бегимине тийишлиликде). Ол кеси да бир журтда неда фатарда дайым тургъанлагъа кёре угъай, талай заманны башха жерде жашагъанлагъа кёре да.

Османланы Жамалны жашы Алим Герпегежде жашайды. Элде орта школдан сора Нальчикде къурулуш техникумда окъугъанды, ызы бла университетни къурулуш факультетин да тауусханды. Бюгюнлюкде уа Къарачай шахарда университетни тарых факультетини ахыргъы курсун бошап, диплом ишин къоруулайды.

Кёп болмай КъМР-ни Транспорт эмда жол мюлк министерствосунда «Къоркъуусуз эм качестволу автомобиль жолла» миллет проектге кёре бардырылгъан  ишлени эсеплегендиле.  Анга кёре 103 километр республикалы магъаналы  жоллагъа тынгылы ремонт этилгени, ол санда  Нальчикни тийресинде да 20 километр чакълы участок игилендирилгени сагъынылгъанды.