Календарь событий

21 ноябрь – Налог службада ишлегенни кюню

Юсюпланы Исмайылны жашы Мусса бюгюнлюкде РФ-ни Налог службасыны КъМР-де Управлениясында контроль жаны бла бёлюмню башчысыды, РФ-ни Налог службасыны сыйлы къуллукъчусуду, тюрлю-тюрлю ведомстволу саугъала бла белгиленнгенди. Профессионал байрамыны аллында биз аны бла тюбеп,   ведомствону баш борчларыны, коллегаларыны юслеринден ушакъ бардыргъанбыз. 

Нальчикчиле социал сетьледе  арт кезиуде  шахарны  тюкенлеринде бла базарларында  аш-азыкъ продукцияны багъасына къошула   баргъанына жарсыгъанларын айтып жазадыла. 

Патчах Россей  аны къауумуна кирген халкъланы ичинде интеллигенцияны ёсдюрюуге, аланы болушлукълары бла регионлада къыраллыкъны кючлеуге уллу магъана бергенди.   Патчах къырал регионлада   къан тёгюуню, урушну, къазауатны болушлукълары  бла тохташалмазлыгъын ангылап, аны орунуна  мамыр мадарланы хайырланыугъа кёчеди. 

«Кадастр ишни» эмда «Жеринден тепдирилмеген мюлкню къырал регистрациясыны» юсюнден законлагъа тюрлениуле кийирилгендиле быйыл. Алагъа кёре, къоншула бла келишип, арада чекни къалай тохташдырыргъа боллугъуну юсюнден Федерал кадастр палатада ангылатхандыла.

Бизни республикада эл мюлк жерлени суу ашагъандан (эрозиядан) сакълаугъа бек уллу магъана берирге тийишлиди. Къабарты-Малкъарны агрохимия службасыны станциясыны билдириуюне кёре, быллай жерлени ёлчеми бизде эм азындан 160 минг гектар боладыла. Кеслери да асламысында тау эмда тау этекледедиле. Саулай айтханда, битеу эл мюлк жерлени тёртден биринде суу эрозия жаны бла къоркъуу сакъланады.

Огъары Жемталаны Чубокланы Алий атлы мектебини школгъа дери билим берген бёлюмюн кёпле махтагъанларын эшите турургъа тюшеди. Ол бошдан болуп кълмагъанын а барыбыз да ангылайбыз. Нек дегенде мында кеслерине уллу махтау излемей, тутхан жумушларына толусунлай берилген профессионалла ишлейдиле. Садикни тамата къауумуну юйретиучюсю Хыбыйланы Мадина уа аладан бириди.

Россей Федерацияны Эл мюлк министерствосу  агропромышленный комплексге (АПК)  бёлген бюджет ахча тюзюнлей  бёлюмню айнытыугъа жоюлгъанына оператив халда мониторинг бардырады. Аны юсюнден ведомствону пресс-службасындан билдиредиле. 

Быйыл Къабарты-Малкъарда онбир айгъа промышленный  производствону индекси  110,4 процентге жетгенди, деп билдириледи Севкавстатны пресс-службасындан. 

Кёкде тизилип, ариу оюу этип, кюн таба учуп баргъан турна жыйынны ызындан къарайды кюз арты. Аны бла бирге бир адам да. 

Школда сабийлерине ана тилни окъургъа сюйгенле аздыла, аны билим бериу программадан кетерирге керекди, билирге, сёлеширге излегенле  юйюрлеринде окъусунла дегенле уа кёпден-кёп болуп барадыла. Ол  бизнича аз санлы миллетлеге уллу къоркъууду. Алай исламда уа миллет тилге кёз къарам къалайды? Аны билир мурат бла КъМР-ни муфтийини болушлукъчусу Отарланы Хызыр хажи бла ушакъ бардыргъанбыз:

Жангы завод лак-бояу продукциядан бир жылгъа  10 минг тонна чыгъарлыкъды. Инвестициялы проектни «НЭЖАН» биригиу Кетуко Мухаррэмни башчылыгъында бардырады. 

Хасаниядан Жангуразланы Алий кёп сейирлик ишлеге къатышханды. Ол Сочиде Олимпиада оюнлада, «Формула-1» эришиуде, футболдан дунияны чемпионатында эм талай башха даражалы турнирледе волонтёр болгъанды. Алий Къабарты-Малкъар къырал университетни Туризм эм сервис факультетин тауусханды, юридический жаны бла да билим алгъанды. Бизни бла ушагъында ол кёрген сейир затларыны, быллай уллу эришиуле къалай къуралгъанларыны юсюнден хапарлагъанды.

Жууукъ заманда Россейде жалгъан промышленный, аш-азыкъ продукцияны чыгъаргъанланы уголовный жууапха тартып тебирерикдиле. Аланы адамны саулугъуна заранлары болмаса да, производительлени неда тутмакъгъа олтуртурукъдула неда уллу тазир тёлетирикдиле. Кодексге бу тюзетиулени Роспотребнадзор МВД бла бирге жарашдыра турады, ызы бла ала Къырал Думаны къараууна ийилликдиле, деп билдиреди «Московский комсомолец-Кавказ» газет.